Ինչպե՞ս գայթակղել կնոջը

Երբեմն տղամարդիկ դժվարանում են հասկանալ, թե իրականում ինչ են ցանկանում կանայք' չգիտակցելով, որ կնոջը գայթակղելու ամենահեշտ միջոցը տղամարդու հումորի զգացումն է. գեղեցիկ սեռի ներկայացուցիչներին տղամարդկանց հումորը հաճելիորեն ձգում է:

Միամանակ շատ կարևոր է, թե ինչպես է տղամարդը ընկալում աշխարհը, որպեսզի ստույգ գործելաոճ մշակի' գիտակցելով' որ սվերայում և ինչ ձևաչափում է գայթակղելու կնոջը. նրա հետ մի անկողնում հայտնվելը հեշտ է ու միաժամանակ՝ անասելի դժվար, սակայն ամենակարևորն այն է, որ արտահայտեք ձեր անկեղծ մտքերը' գեղեցիկ ու հարգալից խոսելով:

Եթե դուք ինչ-որ յուրահատուկ ցանկություն ունեք, բարձրաձայնեք այն' դանդաղ, առանց շտապելու, զգացմունքով արտաբերեք այն, ինչ ցանկանում եք: Իսկ, եթե ձեր հարաբերությունները չափազանց ջերմացել են, և հասունացել է սեքսի պահը, եղեք նպատակասլաց ու համբերատար:

Սեքսի ժամանակ արտահայտեք ձեր էմոցիաներն ամեն տեսակ ձայներով՝ հոգոց հանեք, խրախուսեք սեքսընկերուհուն, շշնջացեք նար ականջին ջերմ ու գովերգող խոսքեր, թեկուզ գոռացեք, գռմռացեք, բայց արեք ինչ ուզում եք, միայն թե նրան գոհացնեք:

Կինը հայկական բանակում. երեկ և այսօր

Կանայք պատմության ակունքներից տղամարդուն հավասար մարտնչել են ճակատամարտներում և կարևոր պաշտոն զբաղեցրել ղեկավարման օղակներում: Ռազմական գործում, քաղաքական կրքերի թատերաբեմում և հասարակական ոլորտում նրանք եղել են ակտիվ և ազդեցիկ: Իզուր չէ ասված, որ երկիրը ղեկավարում են տղամարդիկ, իսկ երկիրը ղեկավարող տղամարդկանց ղեկավարում են կանայք: Այնպես որ նրանց երբեք էլ պետք չէ թերագնահատել: Մեր այս նյութում կխոսենք կնոջ ներկայության մասին զինված ուժերում` կարևորելով նրանց դերակատարությունը հայկական բանակում ինչպես Արցախյան հերոսամարտի տարիներին, այնպես էլ այսօր:

«Կռվի դաշտում բժիշկ, տանկիստ կամ գյուղացի հասկացողություններ չկան. բոլորս զինված էինք, բոլորս կռվում էինք»

Ազատամարտիկ, բուժծառայող Աիդա Սերոբյանի որդին բնակվում է արտասահմանում, մորը մեկ անգամ չէ, որ խորհուրդ է տվել տեղափոխվել իր մոտ, սակայն տիկին Աիդան, ինչպես սրանից տարիներ առաջ չթողեց ռազմադաշտը, այնպես էլ հիմա իր հայրենիքը չի լքի:

1992 թվականի փետրվարին Աիդա Սերոբյանն աշխատում էր Ավանի պոլիկլինիկայում: Երբ հեռուստացույցով լսեց, որ Արցախում բուժաշխատողների խիստ կարիք կա, հաջորդ օրը անմիջապես մեկնեց Առողջապահության նախարարություն ու խնդրեց իրեն գործուղել Արցախ։ Այդպես էլ եղավ. «Ուղղաթիռն ինձ նշված վայրում իջեցրեց գնչուական զգեստով, դե մտածում էի՝ հո՞, կռիվ չեմ գնում, մեկնում եմ Մարտակերտի հիվանդանոցում աշխատելու, հիվանդների բուժելու։ Հետո հասկացա, որ կռվի դաշտում բժիշկ, տանկիստ կամ գյուղացի հասկացողություններ չկան. բոլորս զինված էինք, բոլորս կռվում էինք»,- հիշում է տիկին Աիդան։

Արցախի բանակի ձևավորումից հետո նա ծառայել է Մարտակերտի գնդում, այնուհետև՝ 1993-ի հունվար ամսին տեղափոխվել է Արցախի բուժծառայություն՝ որպես հաստատության պետ։ Մասնակցել է Քարվաճառի, Աղդամի, Օմարի, Հորադիզի, Ֆիզուլու, Ջաբրաիլի, Զանգելանի շրջանների ազատագրմանը, հասել մինչև Մինջավան, Արաքս գետի ափ։ Տիկին Աիդան ներկայումս Արցախյան պատերազմի մասնակից կանանց հանրապետական բարեգործական հասարակական կազմակերպության նախագահն է: Այն հիմնադրվել է 1998 թվականին: Աիդա Սերոբյանը նշում է, որ Արցախում կռվող կանանց թիվը կազմում էր շուրջ 300 հոգի, որոնցից 42-ը զոհվել են։ Այժմ կազմակերպությունում կան շուրջ 265 անդամ կանայք։

Մեկ այլ կին-զինծառայող, ծնունդով գորիսեցի Անահիտը 27 տարեկան էր, երբ զինվորական համազգեստ հագավ ու դիրքեր բարձրացավ: 1988 թվականից Գորիսում ակտիվորեն մասնակցում էր հանրահավաքներին, հետագայում անդամագրվեց Գորիսի ինքնապաշտպանական ջոկատին: Մասնակցել է Շուռնուխի, Կոռնիձորի ինքնապաշտպանական մարտերին ու միևնույն ժամանակ զգաղվել բռնագաղթածների տեղավորման հարցերով: Ներկայումս Քանաքեռի զորամասի ճաշարանի պետն է: 2011-ին Քանաքեռի զորամասի իր ղեկավարած ճաշարանը ճանաչվեց լավագույնը, հաջողությունները շարունակվում են նաև այս տարի: Թեև խոհարարները չեն բացահայտում սեփական գաղտնիքները, սակայն Անահիտը մեզ հետ զրույցում բացառություն արեց` ներկայացնելով սեփական ճաշատեսակների յուրահատուկ համի և զինվորների հետ շփման արդյունավետության կարևոր «բաղադրատոմսը». «Բանակում էական չէ, թե ինչ կոչում ունես: Նա, ով հրաման է տալիս, պետք է տեսնի դրա արդյունքը, այսինքնՙ պետք է կարողանալ հրաման տալ: Զինվորը նույնպես իմ երեխան է, եկել եմ որդիներիս համար ճաշ պատրաստելու: Իհարկե, կան խոհարարական հմտություններ, որոնք նույնպես կիրառում եմ»,- ասում է մեր զրուցակիցը:

Տիկին Անահիտը կարևորում է կնոջ դերը ռազմական պայմաններում` հիշելով մի դրվագ Սպարապետ Վազգեն Սարգսյանի մասնակցությամբ. «1991 թվականի նոյեմբերի 20-ն էր, երբ ժամանեցինք Կոռնիձորի շտաբ, տեսանք` տղաները սոված են, անմիջապես ինքնաեռ բերեցինք, սուրճ և թեյ պատրաստեցինք, գյուղացիներից կարտոֆիլ վերցրինք, որ կերակուր պատրաստենք: Միջանցքում լսեցինք Վազգեն Սարգսյանի ձայնը, քաջալերում էր տղաներին, նրանցից մեկն ասաց, որ իրավիճակը վատ է, պահն էլ` չափազանց անհարմար (մենք պատրաստվում էինք հարձակման): Վազգենը դուռը բացեց, մենք այդ պահին թեյ էինք լցնում, նայեց մեզ ու ասաց. «Բա ասում եք` վտանգավոր է, վատ վիճակ է, հիմա այստեղ կանայք կան, եթե նրանց համար վտանգավոր չէ, էլ ի՞նչ վտանգի մասին եք խոսում»: Զիծառայող կինը նշում է, որ կնոջ ներկայությամբ տղամարդիկ ավելի զգաստ են լինում, առավել խիզախ են և զուսպ:

Բայցև կա մեդալի հակառակ կողմը: Ամեն հինգշաբթի դուք կտեսնեք նրանց Կառավարության շենքի դիմաց: Բանակում մահացած զինծառայողների ծնողներն են, հիմնականում կանայք, սևազգեստ շորերով: Պայքարում են մայրական համառությամբ, ասում են մինչև վերջ էլ կգնան, քանի դեռ արդարացի վճիռ չի կայացվել իրենց որդիների դատական գործերում: Անգամ ձմռանը նրանք շարունակում են իրենց պայքարը:

Իսրայելի օրինակն աչքերիս առջև

Աղջիկը զինվորական համազգեստով` ինքնաձիգը ձեռքին, սա արդեն սովորական երևույթ է Իսրայելում: Այս երկրի զինված ուժերում ծառայում են բոլորը` անկախ սեռից: «Զինծառայության մասին» այդ երկրի օրենքի համաձայն` պարտադիր հիմունքներով զորակոչման են ենթակա նաև բոլոր 18 տարեկանը լրացած չամուսնացած, երեխաներ չունեցող հրեա աղջիկները` իհարկե անցնելով համապատասխան բուժզննություն։ Իգական սեռի ներկայացուցիչները ծառայում են իսրայելական բանակի բոլոր ստորաբաժանումներում: Սրանով լուծվում են ինչպես գենդերային հավասարության հարցերը, այնպես էլ զինծառայողների հարաբերությունների արդյունքում առաջացած խնդիրները: Սկզբնական շրջանում կանանց ծառայությունը Իսրայելի պաշտպանության բանակում (Ցվա-հագանա լե Իսրայել, կրճատ՝ Ցահալ) 22 ամիս էր, սակայն 2003թ.-ից այն հավասարեցվեց տղամարդկանց ծառայության ժամկետին` 36 ամիս:

Կանայք հայկական բանակում. մեր օրեր

Հայկական Զինված ուժերում տարեց տարի աճում է կին-զինծառայողների թիվը, այս մասին մեզ հետ զրույցում ասաց ՊՆ մամուլի քարտուղար Արծրուն Հովհաննիսյանը: Նրա խոսքերով` ներկայումս ՀՀ ԶՈՒ-ի անձնակազմի 25 տոկոսը կին-զինծառայողներն են. «Չափազանց կարևոր է կանանց դերը բանակում: Հայկական բանակում կանայք վաղուց են ծառայում»,- ասաց Արծրուն Հովհաննիսյանը: Մի շարք սոցիոլոգներ համոզված են, որ բանակում կանանց ծառայությունը վկայում է տաղամարդկանց և կանանց հավասարության մասին: Բացի այդ, կան որոշ գործառույթներ, որոնք կանայք ավելի լավ են իրականացնում, քան տղամարդիկ: Մասնագետները նաև համոզված են, որ Զինված ուժերում կանանց դերը բարձրացնելով, բացի այլ խնդիրներից, բանակի ղեկավար կազմը կնպաստի ոչ կանոնադրական հարաբերությունների նվազմանը:

Համաձայն պաշտպանական գերատեսչության տվյալների` ներկայումս ՀՀ զինված ուժերում ծառայում է 1412 կին. նրանք զբաղեցնում են սպայական և ենթասպայական հաստիքներ: 2012թ. ՀՀ զինված ուժեր է զորակոչվել իգական սեռի 49 ներկայացուցիչ: Այսօր ՊՆ համակարգում պատասխանատու պաշտոններ զբաղեցնող ազատամարտիկ կանայք չկան:

Հայ մաչոյի սեռական պարզամտությունը

Միջին վիճակագրական հայ տղամարդու ուղեղում «կին» եւ «սիրուհի» հասկացություններն անհամատեղելի են։ Դրանք պարտադիր երկու տարբեր կին են, ընդ որում, այն, ինչ կարելի է անել սիրուհուն, կնոջ համար տաբու է։ Տաքարյուն հայ մաչոները մոլորության մեջ են, թե իրենց օրինական կեսը չի կարող ցանկանալ, ի՜նչ ցանկանալ՝ նույնիսկ մտածել չի կարող այդ «այլասերված» մարմնական հաճույքների մասին, որոնցով նրանց ամուսինները պատրաստ են զբաղվել ընտանիքից դուրս, երեւի թե առաջին պատահածի հետ։ Մեր տղամարդկանց՝ կարծրատիպերով ու բարդույթներով սահմանափակված երեւակայությունը չի կարող թույլ տալ նույնիսկ միտք, որ իր երեխաների մայրը նույնպես սեքսուալ փորձերի ցանկություն կարող է ունենալ, եւ, ինչպես ցանկացած կին, նա էլ հրաշալի գիտի, որ անկողնում բացի «միսիոներականից» կան նաեւ այլ դիրքեր։

Հայ տղամարդու համար կինն առաջին հերթին նրա երեխաների մայրն է, հետո նոր՝ կին։ Նրան յուրատեսակ սուրբ կով դարձնելով ու խիստ սեռական դիեայի ենթարկելով՝ նա նախընտրում է իր խառնվածքը ցուցադրել այլ կանանց շրջապատում։ Ընդ որում, շատ հաճախ բողոքելով, որ իր կողակիցը նախընտրում է տախտակի նման պառկել։

Ամենազվարճալին այն է, որ խղճի խայթ ու բարոյական տանջանք տղամարդը չի ունենում, քանի որ, իր պատկերացմամբ, այդպիսով նա պահպանում է «ընտանիքի մաքրությունը»։

Օրինակ, որոշ հայ տղամարդիկ «ձախ» են գնում՝ փնտրելով օրալ քնքշանք։ Հարցից, թե ինչու նման բազմազանություն չեն մտցնում ընտանեկան սեռական կյանք, շատերն «արդար վրդովմունք» են դրսեւորում։ Ոնց կլինի, չէ՞ որ իր կինը «պարկեշտ» է, ինչպես կարելի է նրա մասին նման բան մտածել։ Իմ ծանոթներից մեկը հայտնի հոլիվուդյան մի ֆիլմից մեջբերում արեց. «Նա հետո այդ շուրթերով իմ երեխաներին է համբուրում»։ Ընդ որում, բոլորը մեկի պես վստահ են, որ բավարարում են իրենց կնոջ սեքսուալ պահանջմունքները, ինչը հաճախ շատ հեռու է ճշմարտությունից։ Թերեւս ամուսնությունից մեկ տարի անց նորապսակները դադարում են նույնիսկ համբուրվել։

Շատ հայ տղամարդկանց հիմնական խնդիրը, կամ մտածելակերպի կամ ոչ ճիշտ դաստիարակության հետեւանքով, այն է, որ նրանք սեքսն ինչ-որ անվայել արարք են համարում։ Ընդ որում, չնայած գլուխգովանությանն ու «մեծ» սեռական փորձին, անկողնում նրանք անգրագետ են, պարզամիտ ու սուղ երեւակայությամբ։ Սահմանափակ մտածողությունն ու բավականին ժլատ երեւակությունը մեր տղամարդկանց խանգարում է հասկանալ, որ սեքսը նախեւառաջ սիրո դրսեւորում է, երկու մարմինների ու հոգիների միաձուլում, ալֆայի ու օմեգայի միացում։ Սա բնության կամ աստծո լավագուն միտքն է, որի գռեհկացումը, իմ կարծիքով, պետք է ներառել մահացու մեղքերի շարքը։ Անկողնում իրար սիրող երկու հոգու համար, հատկապես եթե ամուսիններ են, ոչ մի տաբու չպետք է լինի։

Հարգելի հայ տղամարդիկ, ձեր կանայք նախեւառաջ կին են։ Նրանք գաղտնի շատ ցանկություններ ունեն, որոնց մասին նույնիսկ գլխի էլ չեք ընկնում։ Այո, նա ձեր երեխաների մայրն է, տնային տնտեսուհի, կին, բայց նա Կին է։ Դե՛, բացահայտեք նրա կանացի էությունը։ Համբուրեք նրան, գուրգուրեք՝ մինչեւ ծնկները դողան։ Եվ, հավատացեք, պատասխանը ոչ միայն չի ուշանա, այլեւ հաճելիորեն կզարմացնի։

Որ՞ կինն է գեղեցիկ տղամարդու համար

Մեզնից յուրաքանչյուրն ուզում է գեղեցիկ լինել՝ միշտ կամ կարևոր հանդիպման ժամանակ, բոլորի կամ այն «միակի» համար: Գեղեցկությունը սուբյեկտիվ, անորոշ հասկացություն է և մեծ մասով կախված է ընկալումից: Միևնույն կնոջը երկու տղամարդ լրիվ տարբեր կերպ են տեսնում, մեկը՝ որպես աստվածուհի և իդեալ, երկրորդը, որպես ոչնչով աչքի չընկնող իգական սեռի ներկայացուցիչ:

Եվ այնուամենայնիվ, ինչ է նշանակում գեղեցիկ կին տղամարդու տեսանկյունից: Ինչպես հայտնի է, մարդու մեջ ամեն ինչ պետք է գեղեցիկ լինի: Բայց ինչ էլ որ խոսեն հոգու մասին, առաջին տպավորություն ստեղծողը հենց արտաքինն է: Եթե ընդհանրացնենք ամենահայտնի մտքերը, գեղեցիկ են ընկալվում այն կանայք, ովքեր ունեն…

Խնամված արտաքին

Գուցե տղամարդը երբեք չկարողանա մանրամասն գնահատել ձեր մաշկի տեսակը, ճյուղավորված մազերի տոկոսային քանակը և հասկանալ՝ նորաձև է արդյոք ձեր սանրվածքը, բայց ընկալման մակարդակով նրանք միշտ էլ նշում են մաքուր և առաձգական մաշկը, փայլուն և գեղեցիկ հարդարված (կամ «բնական» խճճված) մազերը, թեթև, բնական դիմահարդարումն ու կոկիկ հագուստը:

Իսկ տոնային կրեմից մնացած հետքերը՝ թեփոտվող մաշկի վրա, ճաքճքած շուրթերն ու կարմիր, բորբոքված աչքերը ձեզ հաստատ կհեռացնեն գեղեցիկ կնոջ կերպարից: Դժվար է հստակ նկարագրել, թե ինչ է նշանակում՝ խնամված: Կարևորը միշտ հետեվեք ձեզ և խնամեք մաշկը, ձեռքերը, մազերն ու մարմինը՝ ձեր մաշկի և մազերի տեսակին համապատասխան: Խնամքն ավարտին հասցրեք թեթև, չպարտադրող օծանելիքով:

Համաչափ դիմագծեր և արտահայտիչ աչքեր

Իհարկե ոչ բոլորին է բնությունից համաչափ դիմագծեր տրվում՝ խոշոր աչքեր, ընդգծված հոնքեր, կոկիկ քիթ և կզակ: Բայց այդ ամենը որոշ չափով կարելի է շտկել դեկորատիվ կոսմետիկայի օգնությամբ: Մի կարծեք, թե դա խաբեություն է: Չէ որ եթե դուք դուր գաք տղամարդուն, ապա ձեր հարաբերությունների լրջանալուն զուգընթաց նա ավելի շատ կգնահատի ձեր ներքին հոգեկան հատկանիշները, ավելի ճիշտ ներդաշնակությունը՝ ներքին և արտաքին հատկանիշների միջև: