Ջեյ Լոն «կծածկվի» բեմ դուրս գալիս

Այսօր երեկոյան Ինդոնեզիայի մայրաքաղաքում նախատեսվում է երգչուհի Ջենիֆեր Լոպեսի համերգը, հայտնում է Jakarta Post-ը: Սակայն Լոպեսը բեմ դուրս կգա նվազ համարձակ հագուստով, քան սովորաբար անում է, որպեսզի չվրդովեցնի այդ մուսուլմանական երկրի բնակչությանը: Այս մասին հայտարարել են նրա ինդոնեզական շոուի կազմակերպիչները:

Դրա համար փոփոխությունների են ենթարկվել Ջեյ Լոյի բեմական կոստյումները, որոնք աչքի են ընկնում ընդգծված բացությամբ:

Ինդոնեզացիները տեղեկացրել են նաև, որ իրենք Լոպեսի պրոդյուսերներին հայտնել են՝ «անընդունելի է, որ նա կատարի իր պարերը՝ սեքսուալ շարժումների տարրերով»:

Ջեյ Լոն հանդես է գալիս իր Dance Again World Tour-ի շրջանակներում: Իսկ Ջակարտայում հունիսին իր համերգը հետաձգել էր էպատաժային Լեդի Գագան՝ անվտանգության նկատառումներով:

Ավելի վաղ Ջեյ Լոյի համերգը Բաքվում վրդովեցրել էր Իրանին, իսկ մեկ այլ մուսուլմանական երկիր՝ Քուվեյթը, Քիմ Քարդաշյանի այցի առիթով հասարակական վրդովմունքի կանխատեսումներ էր արել:

Իրան պիտի փաթաթես ու ծխես. Արտո Թունջբոյաջյանը` Սոնայի մասին

Չեմ կարող բառերով նկարագրել, թե ինչ հետաքրքիր անակընկալ էր սպասվում մեզ 11 Ակումբում, որտեղ հայտնվել էինք Փարիզից ժամանած մեր ընկերուհու խնդրանքով, ով Արտո Թունջբոյաջյանի երկրպագուհին էր: Արմեն Հյուսնունցի և Վահագն Հայրապետյանի հետ համատեղ համերգի հյուրերի ցանկում նաև երգչուհի Սոնան էր, ով Արտոյի հրավերով միացավ խմբին և սկսեց իմպրովիզել: Բայց ամենահետաքրքիրը Սոնայի կողմից անտրակտի ընթացքում, տվյալ դեպքում իր գործունեությանը ոչ այնքան ծանոթ հանդիսատեսին հետաքրքիր տեղեկություններ փոխանցելն էր: Օրինակ, թե ինչպես է նա մտերմացել Արտոյի հետ Երևանում, և փորձել նույն հյուրանոցում մնալ համատեղ աշխատանքի ընթացքում, թե ինչպես է նրան առաջին անգամ տեսնելով մտածել, որ Արտոն կրկնում է իր բեմական շարժումները, և որ ամենազավեշտալին էր, թե ինչպես է իրեն առաջին անգամ տեսնելով Արտո Թունջբոյաջյանն ասել-Էս ինչ լավ աղջիկ է, իրան պիտի փաթաթես ու ծխես……կատակով իհարկե: Վերջում Սոնան բողոքեց իր հայերեն լեզվից, որի պատճառով խանութում կաթնաշոռին կաթնաշեռ է ասում, հիշեց «Մեր Բակը», որով և ներկա հյուրերի մի մասը սկսեց հիշել Սոնային, և որ ամենակարևորն է, Սեր խոստովանեց Հայաստանին, էլ ուր առանց դրա: Շատ ուրախ աղջիկ էր այդ Սոնան:

Աղբյուրը` http://www.slaq.am/arm/news/104907/