«Հակակրիմինալ» ՀԿ նախագահ և «Հայրենիք ու պատիվ» կուսակացության նախագահ Գառնիկ Մարգարյանն այսօր լրագրողների հետ հանդիպման ժամանակ ասաց, որ իրենք ստեղծել են «սև ցուցակ», որը գլխավորելու է Ռոբերտ Քոչարյանը:
«Մենք ստեղծեցինք 9 հոգուց կազմված հակակոռուպցիոն խորհուրդ: Աշխատանքային խմբեր են ստեղծվելու՝ լավագույն մասնագետներով: Մեր նպատական է ձևավորել «սև ցուցակ» և հանրությանն ի ցույց դնել այն մարդկանց, որոնք ապօրինի գործողությունների, թալանի արդյունքում հարստություն են կուտակել»,-ասաց բանախոսը:
Խումբը պահանջելու է կալանք դնել Հայաստանի երկրորդ նախագահի ունեցվածքի և բանկային հաշիվների վրա, արգելել նրա և նրա ընտանիքի անդամների մուտքը ՌԴ և Եվրոպա:
Նա նաև համոզված է, որ հիմա անհնար է խոսել արդար ընտրությունների մասին: Ըստ նրա մի քանի ասնյակ կոռումպացված կրիմինալներ զավթել են իշխանությունը և հիմա մասսայական արտագաղթ է Հայաստանում:
.png "Անգլերեն / English"){kind=small}
