Մանկությունից արդեն իսկ ակնհայտ է դառնում երեխայի լեզուներ սովորելու կարողությունը

Վաշինգտոնի համալսարանի հետազատողները եկել են այն եզրահանգման, որ երեխայի լեզուներ սովորելու կարողությունը երևում է 1 տարեկանից:

Ուսումնասիրության ընթացքում նրանք հետևել են 19 երեխաների: 7 ամսականում երեխաների ուղեղները հետազոտել են և ստուգել գորշ և սպիտակ նյութերի վիճակները: 1 տարեկանում երեխաների հետ թեստեր են անցկացրել: Լավագույն արդյունքները ցույց են տվել այն երեխաները, ում մոտ սպիտակ և գորշ նյութերը ավել են եղել փոքր ուղեղում: Ըստ մասնագետների այս նյութերը կապված են խոսքի գործառույթի հետ:

Հետազոտության մասնագետները դեռ համոզված չեն, թե կարելի է արդյոք նման տվյալներով կանխագուշակել երեխայի օտար լեզուներ սովորելու կարողությունը:

Օրենքով գող Վրաստանում չպետք է լինի

Արա, էս մարդուն մեռնելուց հետո էլ հանգիստ չեն թողում... Վրաստանի օդանավակայանը հրաժարվել է ընդունել Դեդ Հասանի մարմինը ուստի թաղման թափորը շրջվել է ու ստիպված հետ է գնացել։ Հավանաբար Ուսոյանին կհուղարակավորեն Մոսկվայում։

Բայց մեր մեջ ասած, հալալ ա Վրաստանի իշխանություններին, իրանք ցույց տվեցին, որ հետևողական են գոնե որոշ իրենց որոշումներում ու եթե ասել են, որ օրենքով գող Վրաստանում չպետք է լինի, ուրեմն չի լինելու։ Բոլորս էլ հասկանում ենք, որ եթե թույլատրեին Ուսոյանին թաղել Թբիլիսիում, ապա այդ թաղման օրը Թիֆլիսում գողերն ավելի շատ կլինեին, քան չկրտած շները, ինչը բնականաբար ցանկալի չէր վրացիների համար։

Յապոնչիկը ողջ է

«Առաջին լրատվական»-ի զրուցակիցն է շուրջ 27 գրքի հեղինակ, ուսումնասիրող, քրեագետ Սերգեյ Գալոյանը:

-Պարոն Գալոյան, օրեր առաջ ռուսական Росбалт լրատվամիջոցը հրապարակեց մի վերլուծություն այն մասին, որ քրեական աշխարհը հարաբերական լռությունից հետո կրկին սկսել է պատերազմի պատրաստվել. այս անգամ ծրագրում են կռվի բռնվել Ասլան Ուսոյանի կլանը, ինչպես նաև Ռովշան Ջանիևի ու Ջեմո Միքելաձեի գլխավորած միացյալ ընդդիմության կլանը: 2013 թ. «գողական» աշխարհում արյունալի պատերազմ սպասվո՞ւմ է:

-2013թ. կրիմինալ աշխարհում պատերազմ չի սպասվում, որովհետև պատերազմը սկսվել է 6-8 տարի առաջ: Սկսվել է այն ժամանակ, երբ սկսվեց աշխարհի խոշորագույն կրիմինալ աշխարհներից մեկի՝ ռուսական աշխարհի վերաձևավորումը, երբ հիմնական գործող անձը դարձավ Վյաչեսլավ (Յապոնչիկ) Իվանկովը: Պատերազմը սկսվել էր երկու հիմնական՝ ռուսական և վրացական (կովկասյան) թևերի միջև: Պատերազմի հիմնական իրադարձություններն արդեն խաղացվել են: Նպատակը երկու թևերի ազդեցության ոլորտների վերաձևավորումն էր, վերակազմավորումը ինչպես բոլոր իշխանություններում, այնպես էլ կրիմինալ աշխարհում: Լուրջ խմորումներ սկսվեցին 2008թ. մայիսի 2-ին գողական Կրասնոդարի երկրամասում գումարված «գողական գագաթնաժողովից» հետո: Այդ ժամանակ լուրջ հակադրություններ ի հայտ եկան: Ռուսական կողմը՝ Իվանկովի գլխավորությամբ, Ուսոյանի (Դեդ Հասանի) աջակցությամբ, ուզում էր իշխանություն գրավել, իսկ վրացական կողմը՝ Ջաբա Իոսելիանիի և Տարիել (Տարո) Օնիանիի գլխավորությամբ, ցանկանում էր իր կողմը գրավել իշխանությունը: Սակայն Ջաբա Իոսելիանին մահացավ 2003թ., որից հետո վրացական թևը ղեկավարում է Տարոն, որը բավականին բարդ իրավիճակում է, քանի որ հետախուզվում է իսպանական իշխանությունների կողմից, վրացական իշխանությունները նրա հետ գործարքի մեջ չեն մտնում: 2009 թ. հունիսի 13-ին Տարիել Օնիանիին ձերբակալում են 218 հազար դոլար շորթելու փորձ անելու համար: Նա այսօր բանտում է, բայց դա որևէ նշանակություն չունի, նա փակված վիճակում էլ ղեկավարում է:

Ռուսական թևի առաջնորդ Իվանկովի դիրքերը խարխլվեցին այն ժամանակ, երբ նրան սկսեցին չսիրել նաև իր կողմնակիցները, սկսեցին կասկածել: Գալիս էր սերունդների հերթափոխություն, և որոշ մարդիկ նրա շրջապատից ցանկանում էին ազդեցության ավելի մեծ ոլորտների հասնել, ավելի մեծ ֆինանսական պատառներ ստանալ: Քանի որ Իվանկովը շատ խելոք է, զգաց, որ ժամանակն է ընդհատակ անցնելու: Հենց սա առիթ դարձավ, որ նրա նկատմամբ մահափորձ կատարվի 2009 թ. հուլիսի 28-ին, և հոկտեմբերի 12-ին կատարվեց նրա շքեղ թաղումը լրատվամիջոցների համար՝ բեմականացում հավատացողների և չհավատացողների համար: Այդ շքեղ թաղման արարողության տեսանյութերը նայելով՝ ցանկացած ուշադիր մարդ կզգա, որ մարդ չեն թաղում, կատարվում է դագաղի հուղարկավորություն: Զարմանալի էր նաև, որ Իվանկովի մտերիմը՝ Դեդ Հասանը, ներկա չէր նրա թաղման արարողությանը: Ավելին՝ միայն մեկ ծաղկեպսակ էր ուղարկել: Քանի որ Յապոնչիկը դեռ գոյություն ունի, առաջին ջութակը նա է, թեև Դեդ Հասանը հեղինակություն է և կանգնած է Օնիանիի դեմ պայքարի առաջին գծում:

-Դուք համոզվա՞ծ եք, որ Յապոնչիկը ողջ է: Ամեն դեպքում, ռուսական կրիմինալ կայսրության ղեկը ազգությամբ եզդի Ասլան Ուսոյանի ձեռքում է: Հնարավոր համարո՞ւմ եք, որ որոշում կայացվի գահընկեց անել Դեդ Հասանին և, այսպես ասած, ռուսականացնել այդ աշխարհը: Իրադարձությունների նման զարգացումների դեպքում ի՞նչ ազդեցություն կունենան դրանք Հայաստանում:

-Ամեն ինչ հնարավոր է, որովհետև, եթե Դեդ Հասանին հզորությանը, գիտելիքներին համապատասխան մեկը, փոխարինող գտնվի, Հասանը դուրս կգա առաջին գծից: Հասանի կապը Հայաստանի հետ հետևյալն էր. ծնողները ծնվել են Ապարանի շրջանում, հետո փոխադրվել են Թբիլիսի, այնտեղ էլ ծնվել է Դեդը: Հայերի հետ նրա մյուս կապն այն է եղել, որ նա և Սվո Ռաֆը ամուսնացած էին հորեղբոր աղջիկների, քույրերի հետ: Դեդ Հասանը և Սվո Ռաֆը շատ մոտ էին: Հասանը միշտ գալիս է այստեղ Սվո Ռաֆի գերեզմանին:

Այսօր Հայաստանն այս իմաստով երկրորդական դեր կատարող է, որովհետև մեր ամենահիմնական խոշոր ֆիգուրը Սվո Ռաֆն էր, ով հիմա չկա, Ալիկ Մինալյանը (Սոչինսկի) ևս չկա:

-Ծագումով հայ քանի՞ հեղինակավոր «օրենքով» գող կա այսօր:

-Երկու-երեքը կան նոր սերնդից, որոնք կարող են դեր խաղալ. նոր ժամանակներ են գալիս, նոր գործընթացներ են տեղի ունենում այդ աշխարհի առջև, այսինքն՝ թալանելու և՛ ձևերն են փոխվում, և՛ նյութերը: Նրանք կգան, և կիմանանք, քանի որ Դեդ Հասանի մոտիկներն են՝ ռուսական թևից:

-Սվո Ռաֆից հետո կարծես հայերը դուրս մղվեցին կրիմինալ աշխարհի մեծ կայսրությունից, և առաջ եկան վրացիները, չեչեններն ու ադրբեջանցիները այն դեպքում, երբ ժամանակին հայերն ու վրացիներն այս իմաստով հավասար դիրքերով էին շարժվում այս աշխարհում: Ի՞նչ պատճառով ամայացում տեղի ունեցավ այս դաշտում:

-Ժամանակին Վանո Սիրադեղյանը այս երկրի համար արեց առավելագույնը: Նա արեց այնպիսի մի բան, ինչ ժամանակին արեց Դուչեն Իտալիայում, և ինչ որ արեց Վանոյից հետո Սաակաշվիլին Վրաստանում: Վանոն մաքրեց Հայաստանը տականքներից, որովհետև հայկական կրիմինալ աշխարհում շատ տականքներ կային: Սակայն հայկական գողական աշխարհի մեջքը դեռևս չի կոտրվել: Ես շատ ուշադիր եմ կարդում մամուլը՝ «Հայկական ուժ»-ի գործը շարունակվում է, նշանակում է, որ այդ հզոր երկրի համար դա հզոր ուժ է: Բայց Սվո Ռաֆի գիտելիքների, հզորության տեր մարդ դեռևս ասպարեզում իրեն ցույց չի տվել: 1999 թվականին, երբ ես գիրք հրատարակեցի, հաշվառված էր 156 «օրենքով» գող ամբողջ ԽՍՀՄ տարածում, տասը տարի հետո այդ ցուցակը հասավ 1000 մարդու, բայց այդպես չի լինում: Այս ցուցանիշը հիմնականում ավելացավ վրացիների շնորհիվ, նրանք սկսեցին գումար տալով առնել այս կոչումը: Այսինքն՝ կրիմինալ աշխարհը դուրս էր գալիս իր նախկին սկզբունքներից:

Անկախության տարիներին կրիմինալ աշխարհի վերաձևումն էր նաև այն, որ մեր կրիմինալ աշխարհն ու օլիգարխիան համարյա խառնվեցին իրար, իսկ դա սարսափելի է: Սրա վատն այն է, որ ամեն ինչ խառնվում է իրար: Օլիգարխները ոչ մի օրենքի չեն ենթարկվում: Եթե գողականների օրենքներին ենթարկվեին, ֆիզիկապես ոչնչացված կլինեին, որովհետև գողական աշխարհում կան «չի կարելի»-ներ: Հայաստանում օլիգարխներն ավելի մեծ անուն ունեն, քան գողերը, բայց ոչ հեղինակություն:

-Հնարավո՞ր է օլիգարխ-«օրենքով» գող հասկացությունները Հայաստանում հստակեցվեն:

-Հայ «օրենքով» գողերն անհանգստացնում են դրա համար, կրիմինալ աշխարհը կսկսի կամաց-կամաց մաքրվել նախ ներսից, հետո օլիգարխիան ստիպված կլինի ենթարկվել գողական աշխարհի օրենքներին: Ուշադիր կարդացեք թերթերը և կզգաք դա: Շատ են լինում միամիտ ինֆորմացիաներ, որ որևէ երկրում նրանցից մեկի գործերը չեն հաջողվել, հանկարծ Հայատսնաում շատ ճանաչված մարդու գործերը չեն հաջողվում ԱՄՆ-ում: Ինչո՞ւ է այդպես լինում: Ինչո՞ւ Armenian power-ը բռնվեց, և ԱՄՆ-ում այդքան մեծ գործ սարքվեց:

-Պարո՛ն Գալոյան, ինչո՞ւ կրիմինալ բարքերը տեղափոխվեցին հայկական բանակ:

-Պարզապես, կրիմինալ աշխարհը մարդկանց հետաքրքրում է, սկսում են հետաքրքրությունից, հետաքրքրությունը գալիս է ամեն ոլորտ է մտնում, դժբախտաբար, այս աշխարհը մտավ նաև բանակ: Եթե ժամանակին ճիշտ քննություններ իրականացվեին սպանությունների քննություններ, ամեն ինչ ճիշտ կլիներ:

-Ի՞նչ ծրագրեր ունեք, ի՞նչ գրքեր ունեք՝ պատրաստ հրապարակման:

-Արդեն պատրաստ ունեմ 9 գիրք, գրելու ընթացքում է ևս 6 գիրք: Ցանկացած տպարանատեր, հրատարակիչ, եթե ցանկանա, կարող է այսօր հրատարակել: Պատրաստ է նաև «Մարդկության քրեական քրոնիկոն» գիրքը, որը հետաքրքիր փաստեր է ներառում աշխարհի տարբեր ոլորտներում իրականացված հանցագործություններից: Մնացյալը նաև կենսագրականներ են՝ Փարաջանովի, ամերիկաբնակ հայտնի փաստաբանի, Մհեր Մկրտչյանի և այլոց մասին:

Սպանված լրագրողի երեխաների ճակատագիրն անհայտ է

Սպանված լրագրող Իրինա Կաբանովայի երեխաները շարունակում են մնալ մանկական հիվանդանոցում: Սակայն հայտնի է, որ առաջիկայում մեծ որդուն կխնամակալի երեխայի հարազատ հայրը: Մնացած փոքրիկների հարցը չլուծված է:

Երեխաների իրավապաշտպանը հաղորդել է, որ մեկ-երկու շաբաթվա ընթացքում մեծ երեխային կվերցնի հայրը, ով ապրում է Մոսկվայում: Իսկ մյուս երկու երեխայի հարցով պատասխանատու մարմինները խոստացել են զբաղվել:

Հետաքննությունը պարզ է դարձրել, որ հունվարի 2-ի լույս 3-ի գիշերն Ալեքսեյ Կաբանովը վիճել է կնոջ հետ: Վեճի ընթացքում նա խեղդել է կնոջը, ապա հարվածել դանակով: Մահացած կնոջ մարմինը նա թաքցրել է լոգասենյակում: Հետո նա կնոջ մարմինը մասնատել է և փաթեթավորել պայուսակի մեջ' դնելով այն պատշգամբում: Միայն հունվարի 6-ին (կամ 7-ին) նա դուրս է բերել մեկ տոպրակը և նետել այն հարևան բակի աղբարկղի կոնտեյների մեջ: Հունվարի 10-ին Կաբանովը հանդիպել է իր ծանոթնորից մեկի հետ, ով եկել էր նրան աջակցելու (քանի որ վստահ էր, որ կինն անհետացել է):

Կաբանովը կնոջից իր մեքենան է խնդրել. նա ծրագրում էր մեքենայով դուրս տանել կնոջ մարմնի մնացած մասերը, բայց չի հասցրել... Հունվարի 11-ի երեկոյան գործակալները հետախուզել են նախ ընտանիքի բնակարանը, ապա մեքենան, որտեղ և հայտնաբերել են սպանված կնոջ մարմնի մնացած հատվածի պայուսակը: Դրանից հետո Կաբանովն այլևս չի հերքել իր մեղքը և ցույց է տվել այն տեղը, որտեղ թաքցրել է կնոջ անձնագիրն ու բջջայինը: Ձերբակալումից և հարցաքննությունից հետո Կաբանովը ցուցմունք է տվել:

Ինչ է նվիրել Ֆիլիպ Կիրկորովը Շերին պաչպչելուց հետո

Շարունակելով նվերների թեման ))

Շերը, ինչպես հայտնի է, կիսագաղտնի Մոսկվայում էր` տոնական կորպորատիվի (կարդալ էստեղ): Չնայած նրա գալը շուխուր արել էր` մի քիչ ուրիշ կտրվածքով (կարդալ էստեղ): Բայց պարզվում է բանը դրանով չի ավարտվել. նրան որոշել է նվեր մատուցել մեկ այլ հայազգի աստղ` ի դեմս Ֆիլիպ Կիրկորովի (չնայած կարծեմ իրականում գնչու են դրանք):

Կիրկորովի ամբողջ եղած-չեղածում ինձ 2 բան է տպավորել մինչ օրս, երկուսն էլ կապված նվերների հետ: Տարիներ առաջ Կիրկորովը Թուրքիայում ադրբեջանցի միլիարդատիրոջ հյուրանոցի բացմանը ադամանդով մատանի էր ուղարկել հյուրերից մեկին: Ինչ եք կարծում` ում?? Մոնիկա Բելուչիին: Բայց քանի որ ամաչելիս է եղել, ռուսական աստղերից մեկին խնդրել է նվերը փոխանցել Բելուչիի թիկնապահներին: Հետո Բելուչին օդանավակայանում կորցրած է եղել մատանին… Հիմա էլ Կիրկորովը նվեր է արել Շերին` ինչպես նկատում են ռուսաստանյան լրատվամիջոցները, “նրան պաչպչելուց հետո”: Բայց ինչ-որ տեղ ժլատություն է արել Շերիլինի հարցում: Չնայած նվերը “թագավորական” է բնորոշվում. ոչ ավելի, ոչ պակաս Ռուսական կայսրության թագի պատճենն է նվիրել` ճիշտ կրկնօրինակը, բայց իհարկե Swarovski քարերից: Կես միլիոն ռուբլուց ավելի է արժեցել, ամեն դեպքում, նվերը: Ինքը` Կիրկորովը, լուսանկարները տարածել է հետևյալ գրությամբ. “Դա անկեղծ նվեր էր` ամբողջ սրտով արված: Անհավանական թագ իսկական թագուհի Շերի համար: Սիրով, քո Ֆիլիպ”: Մի տեսակ հնչում է Հռոմում Դավիթ Անհաղթի արձանի գրության նման. «Աշխարհի թագուհի Հռոմից` հռետորների թագավորին», բայց դե ոչինչ:)

Դավիթ Վարդազարյան

BBC-ի նախկին հաղորդավարը կես դար բռնաբարել է անչափահասների. Սքոթլանդ Յարդ

Բրիտանիայի ոստիկանության զեկույցում հայտնվել է, որ BBC կորպորացիայի նախկին հաղորդավար Ջիմի Սևիլը ավելի քան 200 հանցագործություն է գործել, հայտնում է ИТАР-ТААС-ը: Նա մեղադրվում է մանկապղծության ու այլ խախտումների մեջ:

Սևիլը, աշխատելով BBC-ում , ինչպես նաև «բարեգործական նկատառումներով» 57 բժշկական հաստատություններում, կատարել է ավելի քան 217 քրեորեն պատժելի հանցագործություններ ու մնացել է անպատիժ, ինչն աննախադեպ երևույթ է:

Նա սկսել է «գործունեություն» ծավալել 1955 թ-ից մինչև 2009 թ-ը, այսինքն վերջին մեղագործությունը գործել է մահվանից 2 տարի առաջ` 84 տարեկան հասակում: 

Այս գործով հետաքննությունը սկսվել է 3 ամիս առաջ միայն ու հոկտեմբեր ամսից սկսած, ոստիկանություն են դիմել ավելի քան 450 տուժվածներ:

Վերջերս, ITV հեռուստաալիքը «Ջիմի Սևիլի հակառակ կողմը» վերնագրով վավերագրական ֆիլմ նկարահանեց, որտեղ հաստատվում էր, որ նրա զոհերը եղել են մանկահասակ աղջիկներ ու անգամ տղաներ:

Այս գործով կասկածվում են նաև նրա համագործակիցները` ռոք երաժիշտ Հարի Հիտլերն ու կատակերգու Ֆրեդի Սթարը:

Եղբայրը բռնաբարել է քրոջը

Տասնամյա աղջիկը երեխա է ունեցել. հայրն աղջկա հարազատ եղբայրն է:

Արգենտինայի հյուսիս-արևելքում տասնամյա աղջիկը երեխա է ունեցել: Երեխան ծնվել է հղիության իններորդ ամսում կեսարյան հատման շնորհիվ: Այս մասին հայտնում են տեղական ԶԼՄ-ները: Աղջնակին կնքել են Տատյանա անունով: Երեխայի քաշը 2կգ. 420 գրամ է եղել, իսկ հասակը` 45 սմ: Բժիշկների հավաստմամբ թե' մոր, թե' աղջնակի վիճակը կայուն է եղել: Իրականացված հետաքննությունը պարզել է, որ աղջկան բռնաբարել է 16-ամյա եղբայրը: Վերջինս կալանավորված է:

Նշենք, որ ամենաերիտասարդ ծննդկանի համաշխարհային ռեկորդը սահմանվել է 1939 թվականին: Ռեկորդակիրը Լինա Մեդինան է Պերուից, ով ծնել է 5 տարեկանում:

Ուգո Չավեսի առողջական վիճակը բարելավվել է

Ուգո Չավեսի առողջական վիճակը բարելավվել է: Այդ մասին այսօր հայտարարել է Վենեսուելայի կապի և տեղեկատվության նախարար Էռնեստո Վիլեգասը:

«Չնայած դեկտեմբերի 11-ի վիրահատությունից հետո նախագահի առողջական վիճակի վատթարացմանը՝ հաղորդվում է, որ վերջին օրերին Չավեսի վիճակը համեմատաբար բարելավվել է: Թոքային վարակը բժիշկների հսկողության տակ է. Չավեսը գիտակցության է եկել»:

Չնայած այդ ամենին՝ լրատվական գործակալության ղեկավարի խոսքերով, պետության առաջնորդը դեռ պետք է գտնվի բժիշկների հսկողության տակ, որպեսզի որոշվի շնչառական ապարատի հետ կապված խնդիրները:

Հիշեցնենք, որ Չավեսը վիրահատման համար Կուբա էր ժամանել 2012 թվականի դեկտեմբերի սկզբին՝ կապված հայտնաբերված չարորակ ուռուցքի հետ: Թվով չորրորդ վիրահատությունը կատարվել է Հավանայում դեկտեմբերի 11-ին: Իշխանությունները հայտնել էին, որ վիրահատությունը տևել է վեց ժամ և ուղեկցվել է արնահոսությամբ, որը բժիշկները հաջողել են դադարեցնել, հաղորդում է ИТАР-ТАСС-ը:

Նյու Յորքի թերթերից մեկը հրապարակել է զենք ունեցող բնակիչների հասցեները

Նյու Յորքի The Journal News թերթն իր կայքում հրապարակել է զենք ունեցող բնակիչների անուններն ու բնակավայրերի հասցեները։ Վեսթչեսթեր և Ռոքլենդ շրջանների հարյուրավոր բնակիչներ ցնցված էին՝ գտնելով իրենց անունն այդ ցուցակում, հայտնում է Правда-ն՝ վկայակոչելով ABC News-ին։

Իմանալու համար տարածքում զենք ունեցող կա, թե ոչ՝ բավական է շրջանի քարտեզի ցանկացած կետում նշում կատարել։

Հոդվածի վերաբերյալ եղել է ավելի քան 500 մեկնաբանություն, որոնք հիմնականում քննադատել են կայքին՝ անձնական տեղեկություններ հրապարակելու համար։ Բոլոր անուններն ու հասցեները ստացվել են բաց աղբյուրներից։

Ամսագրի խմբագրությունը հայտնել է, որ իր ընթերցողներին «հետաքրքիր կլինի իմանալ, թե իրենց հարևաններից ով ունի զենք»։

Պոռնոաստղը սպառնում է իտալացի ֆուտբոլիստներին

Իտալական ֆուտբոլում հասունանում է հերթական սեքս-սկանդալը:

Հանրահայտ պոռնոաստղ Լեա դի Լեոն պատրաստվում է գիրք հրատարակել, որում ցանկանում է բացահայտել իր հետ երբևէ կապ ունեցած ֆուտբոլիստների սեքսուալ գաղտնիքներն ու նախասիրությունները: Հայտնի է, որ սկանդալի կիզակետում կարող են հայտնվել Ինձագին, Լուկա Տոնին, Մասիմո Ամբրոզինին, Յակվինտան, Գալանտեն: Լեա դի Լեոն հայտարարել է, որ ցուցակը շատ մեծ է:

Տեղեկատվություն է հայտնվել այն մասին, որ պոռնոաստղը շանտաժի է ենթարկում ֆուտբոլիստներին՝ պահանջելով 10.000-40.000 եվրո:

Ուսեյն Բոլթի ընկերուհին լքել է նրան

Օլիմպիական 6-ակի չեմպիոն, 100 մետր վազքի աշխարհի ռեկորդակիր, ջամայկացի Ուսեյն Բոլթի ընկերուհի Մեգան Էդվարդսը լքել է արագավազորդին:

22-ամյա Էդվարդսը նման որոշում է կայացրել նրանց միջեւ եղած մեծ հեռավորության պատճառով: Նա աշխատում է Լոնդոնում՝ որպես հաշվապահ: Մեգանն ու Բոլթը ծանոթացել էին Լոնդոնի Օլիմպիական խաղերից առաջ, երբ նրանք մոդելի աշխատանք էին կատարում աթլետիկայի Ջամայկայի հավաքականի համար, գրում է bossip.com-ը:

«Ուսեյնը խնդրել էր, որ ես չլքեմ նրան, սակայն դա հնարավոր չէր: Շատ դժվար է սիրել, երբ ձեզ մեծ տարածություն է բաժանում: Նա ցանկանում էր, որ ես պարբերաբար մեկնեմ Ջամայկա, բայց ես այդպես չեմ կարող, քանի որ սիրելի աշխատաք ունեմ այստեղ: Ես պարզապես հասարակ աղջիկ եմ: Եթե ես հայտնի լինեի, հնարավոր է, որ մեր հարաբերություններն ավելի երկար կտեւեին»,- հայտարարել է Մեգան Էդվարդսը:

Պակիստանը ճանաչեց Կոսովոյի անկախությունը

Պակիստանի Իսլամական հանրապետությունը երեկ' դեկտեմբերի 24-ին, պաշտոնապես ճանաչել է Կոսովոյի անկախությունը:

Ինչպես հաղորդում է ռուսական РБК գործակալությունը, այդ մասին համապատասխան հայտարարությամբ հանդես է եկել Պակիստանի արտաքին գործերի նախարարությունը:

Միաժամանակ Պակիստանն արդեն նշանակել է դեսպան Կոսովոյում, որպիսին լինելու է Թուրքիայում իսլամական Հանրապետության արտակարգ և լիազոր դեսպանը համատեղության կարգով: Այսպիսով Պակիստանը դաձավ 98-րդ պետությունն, ով ճանաչել է Կոսովոյի անկախությունը:

Վերջինիս անկախության ճանաչման դեմ են արտահայտվում Իսպանիան, Չինաստանն ու Ռուսաստանը:

Ամերիկացիները երեք օրում գնել են հրազենի խանութների 3 տարվա պաշարները

ԱՄՆ-ում կտրուկ աճել է AR-15 հրացանների վաճառքը: Ինչպես հաղորդում է New York Daily News-ը, անցած շաբաթ երեք օրվա ընթացքում հրազենի վաճառքով զբաղվող Brownells ընկերությունից ամերիկացիները գնել են այնքան AR-15 հրացան, որքան սովորաբար գնում են երեքուկես տարվա ընթացքում:

Վաճառքի ծավալները կտրուկ աճել են Կոնեկտիկուտ նահանգի Նյութաուն դպրոցում տեղի ունեցած ողբերգությունից հետո, երբ 20-ամյա Ադամ Լանզան սպանեց 27 մարդում՝ կիրառելով Bushmaster-ի AR-15 հրացան:

«Սենդի Հուքում» տեղի ունեցած ողբերգությունից հետո ԱՄՆ-ում ակտիվացել են զենքի վաճառքի սահամանափակման մասին քննարկումները: Սպիտակ տան կայքում տեղադրված համապատասխան դիմումը մի քանի օրվա ընթացում ստորագրել է առնվազն 200 հազար մարդ:

Դեկտեմբերի 19-ին հայտնի դարձավ, որ ԱՄՆ նախագահ Բարաք Օբաման մտադիր է աջակցել կիսաավտոմատ զենք կրելու արգելքի գաղափարին: Բացի այդ, Օբաման հանդես է եկել 10 փամփուշտից ավել տարողությամբ փամփուշտատուփերի և առանց թույլտվության մասնավոր անձնաց զենքի վաճառքն արգելելու նախաձեռնությամբ:

Օրենսդրության հավանական խստացման ֆոնին նվազել է հրազենային զենք արտադրող ընկերությունների բաժնետոմսերը, սակայն միևնույն ժամանակ մեծացել է հրազենի պահանջարկը:

Գիտնականները բացահայտել են, թե մարդու մեջ որտեղ է «բնակվում» սերը

Գիտության շնորհիվ հայտնի է դարձել, որ սերն «ապրում» է ուղեղի, այլ ոչ թե սրտի մեջ: Հավանաբար, ուղեղի հենց այն մասում, որը պատասխանատու է սեռական ցանկության համար:

Վերջին շրջանում անցկացված հետազոտությունը, որը հրապարակվել է Sexual Medicine ամսագրում, իր տեսակի մեջ առաջինն է: Մինչ օրս ոչ ոք չէր կապակցել այդ երկու ցանկություններն իրար, որպեսզի հետևեր դրանց ակտիվացման կաղապարներին: Այս մասին հայտնել է Կոնկորդի համալսարանի հոգեբանության պրոֆեսոր Ջիմ Պֆաուսը:

Պարզվել է, որ սերն ու սեռական ցանկությունը ակտիվացնում են գլխուղեղի որոշակի հարակից հատվածներ: ԱՄՆ-ի և Շվեյցարիայի իր գործընկերների հետ Պֆաուսը վերլուծել է 20 առանձին հետազոտությունների արդյունքները: Այդ հետազոտությունների ժամանակ ուսումնասիրվել է մարդու ուղեղի ակտիվությունը, երբ նա էրոտիկ լուսանկարներ է նայել և երբ նայել է սիրելի մարդուն:

Միավորելով այդ տվյալները՝ գիտնականները կարողացել են կազմել ուղեղում սիրո և ցանկության լիարժեք քարտեզը: Նրանք նկատել են, որ ուղեղի երկու կառուցվածքները՝ ուղեղային կղզյակն ու գծային մարմինն են պատասխանում սեռական ցանկությունից անցմանը սիրուն:

Հռոմի պապը միասեռականների ամուսնությունն աղետ է համարել

Հռոմի Բենեդիկտոս XVI պապը Վատիկանի ծառայողներին ուղղված ավանդական սուրբծննդյան ուղերձում բողոքել է նույնասեռական ամուսնություններից:

«Նույնասեռականներին ամուսնություններ կնքելու եւ երեխաներ որդեգրելու իրավունք տրամադրելը խախտում է ավանդական ընտանիքի հիմքերը, որը բաղկացած է մորից, հորից եւ երեխաներից», ասել է պապը, մեջբերում է «Ինտերֆաքսը»: «Մարդիկ ժխտում են իրենց բնությունը եւ կարծում, որ դա այն չէ, ինչ տրվել է իրենց սկզբնապես, որ իրենք կարող են այն փոխել' ըստ իրենց սեռական նախասիրության», - ամփոփել է նա:

Կաթոլիկական եկեղեցու առաջնորդը նույնասեռականների ամուսնությունը աշխարհի համար աբորտին եւ էվթանազիային հավասար սպառնալիք է անվանել:

Անֆիսա Չեխովան նշել է իր 35-ամյակը մերկապարով

Հանրահայտ ռուս հաղորդավարուհի Անֆիսա Չեխովան իր 35-ամյակը նշել է ընկերների հետ։ Ըստ ռուսական ԶԼՄ-ների, մոսկվայի ակումբներից մեկում տեղի ունեցող երեկոն համեմված էր մերկապարուհիների ու շամանների պարով։ Վերջիններիս, ըստ երեւույթին, հրավիրել էին աշխարհի հավանական վերջին եթե ոչ վախեցնելու, ապա գոնե տարբեր ոգիներին դրա հետ հանդիպմանը ոգեւորելու համար։

Հյուրերի շարքում էին միայն ամենամտերիմ ընկերներն ու շոու-բիզնեսի նրա գործընկերները, ինչպես նաեւ հաղորդավարուհու քաղաքացիական ամուսինը՝ դերասան Գուրամ Բաբլիշվիլին, ով, ի դեպ, կնոջն iPad նվիրեց։ Տոնակատարության վերջում դահլիճ բերեցին մի մեծ տորթ՝ վրան «35 տարին դեռ աշխարհի վերջը չէ» գրությամբ։

Գերմանիայում քաղաքական գործիչները վիճել են Աստծո սեռի պատճառով

Գերմանիայում քաղաքական գործիչները վիճել են այն պատճառով, թե ինչ սեռի պետք է լինի «Աստված» բառը,- հաղորդում է Spiegel-ը: Վեճի առիթ է հանդիսացել ընտանիքի և կանանց գործերով նախարար Քրիստին Շրյոդերի տված հարցազրույցը, որում նա ասել է, թե «Աստված» բառը կարող է լինել ինչպես արական, այնպես էլ չեզոք սեռի:

Քրիստենեա-դեմոկրատական դաշինքի և Քրիստոնեա-սոցիալական միության քաղաքական գործիչների մեծ մասին բարկացրել է սուրբ թեմաների առնչությամբ գերմաներենի քերականության նման մեկնաբանությունը: Քրիստոնեա-սոցիալական միության ներկայացուցիչներից մեկը նշել է, որ Աստված ընկալվում է որպես Քրիստոսի հայր, հետևաբար չի կարող լինել չեզոք սեռի:

Բունդեսթագի պատգամավոր Շտեֆան Մյուլերը Շրյոդերի հայտարարությունն անվանել է անտեղի նույնիսկ անկախ այն հանգամանքից, որ այն արվել է Սուրբ ծննդի նախաշեմին:

Տեղի քաղաքական գործիչ Կլաուս-Փեթեր Վիլշը քննադատողներին հիշեցրել է, որ գերմաներենում նորածին Հիսուսը չեզոք սեռի է:

Շրյոդերը մեկնաբանել է, որ հրացազրույցում իրեն հարցրել են, թե ինքն ինչպես է իր երեխային բացատրում՝ ինչ սեռի պետք է լինի «Աստված»: Պատասխանելու ժամանակ նա մտածել է իր դստեր, ոչ թե նրանց մասին, որոնք հետո կդատապարտեն իր դատողությունները:

Բավարիայի նախկին վարչապետ, ավետարանական եկեղեցու սինոդի փոխնախագահ Գյունտեր Բեկշտայնը հավաստիացրել է, որ աստվածաբանության տեսանկյունից Շրյոդերն իրավացի է. Աստված իրականում վեր է սեռերից: Նա հավելել է, որ հուզական տեսանկյունից իր համար նման մեկնաբանությունն անընդունելի է, քանի որ իր համար կարևոր է Աստծուն ընկալել որպես Հիսուսի հայր, իսկ Մարիամին՝ նրա մայր:

Բռնաբարել, սպանել ու թաքցրել է 9-ամյա աղջկան

9-ամյա Աննա Պրեկոպենկոյին բռնաբարած ու սպանած հայազգի Վլադիմիր Համբարձումովի դեմ ուղղված քրեկան գործի հետաքննությունն ավարտվել է: Համբարձումովը Ռուսաստանի Պյատիգորսկ քաղաքում այս տարվա ամռանը' փողոցում հանդիպել է փոքրիկ Աննային, նրան աշխատանք առաջարկել կեսմետիկական ընկերությունում: Երեխային հասցրել է անտառ, որտեղ բռնաբարել, սպանել ու թաքցրել է նրա դին:

Նշենք, որ քննության ընթաքում նաև բացահայտվել է, որ մինչ այս դեպքը, նույն' հուլիս ամսի 3-ին, Համբարձումովը նույն քաղաքում մի կնոջ էր բռնաբարել: Բայց պարզվել է, որ սա էլ առաջին անգամը չէր. նմանատիպ «պրակտիկա» նա ունեցել է նաև 2004 թվականին: Խաբեության շնորհիվ ներխուժել է բազմաբնակարան շենքերից մեկն ու բռնաբարել 12-ամյա մի դեռահասի, ում ծնողները տանը չեն եղել: Այս մասին հայտնում է համաշխարհային ճանաչում ունեցող ինֆորմացիոն գործակալություններից մեկը և հավելում. «Քննությամբ հավաքվել է ապացույցների բավարար բազա, ինչի հետ կապված քրեական գործն ուղարկվել է' մեղադրական եզրակացությունը հաստատելու և դատարանին փոխանցելու համար»:

Ադրբեջանցի ուսուցիչը կացնով սպանել է գործընկերոջը

Ադրբեջանի Աղջաբադի շրջանի Բոյաթ գյուղի դպրոցի ուսուցիչ Ալի Իբրահիմովն այսօր առավոտյան կացնահարելով սպանել է իր գործընկերոջը՝ 1949 թ. ծնված Արազօղլու Ալիևին: Այս մասին հաղորդում է APA-ն: Մարդասպանություն կատարողը ձերբակալված է:

Նշվում է, որ Ալիևն ու Իբրահիմովն աշխատել են նույն դպրոցում: Ավելի վաղ ադրբեջանական լրատվամիջոցները հայտնում էին, որ Ալիևն ընկել է սյունից և որոշ ժամանակ անց հիվանդանոցում մահացել: Գրում է «168Ժամ»-ը:

Պերույում 1000 հուգու սպանած մարդասպանը կանգնել է դատարանի առաջ

«Ընկեր Արտեմիո» մականունով Պերուի բնակիչը, որը նաև հանդիսանում է Ֆլորիդա Ֆլորենսի ապստամբների ղեկավարներից մեկը, մեղադրվում է ավելի քան 1000 մարդու սպանության մեջ, հայտնում է Российская Газета-ն:

Ավելի քան 30 տարի, նա ղեկավարել է Պերուի ահաբեկչական խմբավորումներից մեկը ու ավելի քան 500 ահաբեկչություններ է կազմակերպել։

Նա մեղադրվում է մարդասպանության, փողերի լվացման ու ահաբեկչության մեջ ու նրան սպասվում է ցմահ բանտարկություն։

Դատապարտյալի փաստաբանը հայտարարել է, որ «ընկեր Արտեմիոն» իրեն մեղավոր չի ճանաչում: