Թուք ու Մուր :

Քաղաքականություն

Մշակույթ

18+

Showing posts with label Քաղաքականություն. Show all posts
Showing posts with label Քաղաքականություն. Show all posts

Ն. Փաշինյան. Սերժ Սարգսյանի հետ հանդիպեք դու՛ք

10.3.14

«Սերժիկ հեռացիր» գոչելով 2013 թվականի նախագահական ընտրություններում Սերժ Սարգսյանի ճանապարհը մաքրածները, 2008-ին Սերժի հետ Երեւանում տասը Քաղաքացի սպանածների հետ լուր են հորինել Սերժ Սարգսյանի հետ իմ հանդիպելու հնարավորության մասին:
Սերժ Սարգսյանի հետ հանդիպեք դու՛ք, Ամանորին պարտաճանաչ նրա տուն այցելողներ, նրան նվերներ եւ ընծաներ մատուցողներ, առանց նրա կենացի հաց չուտողներ, օդանավակայանում նրան դիմավորող-ճանապարհողներ, ինքնակոչ այդ մարդասպանին «Հանրապետության նախագահ Սերժ Սարգսյան» տիտղոսով պատվողներ, եւ ի վերջո՝ նրա հետ Հայաստանը ավերակի վերածելու ճանապարհը՝ որպես ղեկավար եւ որպես ենթակա անցածներ:

Անհեռանկար քայլերը քաղաքականության մեջ կարող են հանգեցնել Տիտանիկի ճակատագրին

13.3.13

Անցած շաբաթվա ընթացքում այսպես ասած քաղաքական «տիտանները», ուղղակի կամ անուղղակի, իրենց հանդիպումների ժամանակ չեն կարողացել յոլա գնալ առանց երիտասարդ հանրապետականներին հիշելու։ Կա երկու պատճառ. նախ՝ ՀՀԿ երիտասարդական կազմակերպությունը կայացած կառույց է, որից նեղվում են առանձին քաղաքական ուժեր։
Երկրորդ՝ ընդդիմադիր ուժերի օրակարգը սպառվել է, և ասելիք ուղղակի չունեն։
Հարգելի′ ընդդիմախոսներ, եթե ձեզ համար խնդիր են երիտասարդ հանրապետականները, ապա քաղաքական դաշտում, մեղմ ասած, անելիք չունեք և լուրջ նկրտումների էլ մի փորձեք ձգտել։ Ասելիքներս ավելի շատ են, սակայն դրանք՝ հացադուլի ավարտից հետո։
Պարզապես զգուցաշեք, քանի որ ձեր անհեռանկար քայլերը քաղաքականության մեջ կարող են հանգեցնել Տիտանիկի ճակատագրին։

Նախագահական ընտրությունները ավարտվեցին

27.2.13

Նախագահական ընտրությունները ավարտվեցին, շուտով կհրապարակվեն վերջնական արդյունքները: Սակայն արդեն հավաքած ձայների հարաբերկացությունից պարզ է` նախագահական ընտրություններում վերընտրվել է Սերժ Սարգսյանը: Ինչպես գիտենք ժողովրդավարական երկրներում ընտրությունները համարվում են ամենակարևոր քաղաքական իրադարձությունները: Սակայն այս ընտրությունների նկատմամբ քաղաքական ուժերի կողմից դեռ պահպանվում է, որոշակի իներտություն, մասնավորապես խոսքս վերաբերում է ՀՅԴ-ին, ՀԱԿ-ին և ԲՀԿ-ին: Նշեմք, որ այս ուժերը չմասնակցեցին նախագահական ընտրություններին իրենց թեկնածուով, ԲՀԿ-ն հայտարարեց, որ չի մասնակցում և չի սատարում, ՀԱԿ-ը, այսինքն` Լևոն Տեր-Պետրոսյանը հայտարարեց իր չմասնակցելու մասին, ինչպես նաև լռությամբ անցկացրեցին իրենց համակիր ՀԱԿ անդամ կուսակցության ղեկավար Հրանտ Բագրատյանին սատարելու հանգամանքը, իսկ ՀՅԴ-ն հայտարարեց, որ չի մասնակցում բայց իր կողմնակիցներին հորդորեց քվեարկել ընդդիմդաիր թեկնածուներից որևէ մեկին: 
Այսօր արդեն ավարտվել են նախագահական ընտրությունները, այս ուժերը նույնիսկ հայտարարությամբ հանդես չեն եկել երկրում տեղի ունեցած քաղաքական կարևոր իրադարձության վերաբերյալ: Կարո՞ղ ենք ենթադրել, որ այս քաղաքական ուժերը ընտրությունների վերաբերյալ որևէ կարծիք չունեն, իսկ կարո՞ղ ենք ենթադրել, որ ոչ միայն կարծիք չունեն, այլ նաև հետաքրքրություն չունեն քաղաքական իրադարձության վերաբերյալ: Համարենք, որ հայտարարությունը ինչ-որ մի տեղ հետընտրական զարգացումների ատրիբուտ է, իսկ քվեարկության մասնակցության արհամարհանքն արդեն անընդունելի է: Քանի որ քվեարկությունը ոչ թե քաղաքական, այլ քաղաքացիական պարտավորություն է, որը չի իրացվում: Շատ երկրներում քվեարկության չմասնակցելը սանկցիավորված է օրենքով և ունի համապատասխան պատիժ` տուգանք:

Աշոտ Գիզիրյանը հրաժարականի դիմում է ներկայացրել

Հետընտրական կադրային զտումներն իշխանական ճամբարում ոնց որ թե մեկնարկել են։ Շիրակի մարզպետ Աշոտ Գիզիրյանը հրաժարականի դիմում է ներկայացրել, ինչը մեկնաբանում են որպես հետևանք նրա, որ հենց Շիրակը դարձավ այն միակ մարզը, որտեղ Սերժ Սարգսյանը պաշտոնապես պարտություն կրեց։ Մարզպետը չի հերքել այս տեղեկությունները` ասելով. «Պայմանավորվենք, երբ դիմումը հրապարակվի, կիմանաք: Առայժմ ոչ մի բան չկա»: Այս մասին հաղորդում է «Առաջին լրատվականը»։

Հարգելի՛ էպոսագետ, մտածի՛ր խոսելուց առաջ

6.2.13

Հետևելով ՀՀ նախագահի թեկնածու և իրեն Էպոսագետ հռչակած Վարդան Սեդրակյանի ելութներին, որպես պատմաբան ցավ եմ ապրում, որ նման մտածողության մարդը իր թեկնածությունն է առաջադրում ՀՀ նախագաի ընտություններում: Սեդրակյանի հայտարարություններն այն մասին, որ Հայաստանին է վերադարձնելու Նախիջևանը, իհարկե դեմագոգիայի ժանրից է, սակայն նրա հարցազրույցներում տեսնում եմ ավելի վտանգավոր միտումներ: Հայտարարելով այն մասին, որ ինքը նախագահ ընտրվելու դեպքում "Աստծու" օգնությամբ Հայաստանի և Ռուսատանի միջև Վրաստանի հաշվին ցամաքային կապ է ստեղծելու կարող է հակահայկական լուրջ խմորումներ առաջացնել մեր հարևան երկրում, ինչին, բնականաբար, կնապեստեն ադրբեջանցիները: Ուստի էպոսագետին խորհուրդ կտամ կշռադատված հայտարարություններ անել և մտածել խոսելուց առաջ:
պատմական գիտ. թեկնածու Գ. Մելքոնյան

Իսկ մեր չտեսնե՞րը

Ամերիկայի պրեզիդենտների ամենամեծ PR այն է որ նրանք ոչ մի բանով ցույց չեն տալիս որ իրենք տարբեր են հասարակ ամերիկացուց: Դա նրանց մոտ բնական է ստացվում որովհետև իրոք այս երկրում մարդիկ դասային հիերարխիային կարևորություն չեն տալիս: Կարևորը դու քեզանից որպես մարդ և մասնագետ ինչ ես ներկայացնում: Մնացած բոլորը երկրորդական բաներ են: Վերջերս ինտերնետում պտտվում էր աշխարհի ամենահարուստ ու ամենալխելոք մարդկանցից մեկի` GOOGLE-ի ստեղծող և սեփականատեր Սերգեյ Բրինի լուսանկարը կատարված մետրոյի կայարանում: Նայելով նրա հագուստ կապուստին, մետրոյում գտնվելու հանգամանքին և առանց որևէ թիկնապահի, իր համար ազատ ման գալուն չես էլ մտածի որ աշխարհի հզորներից մեկն է կողքիդ կանգնած:
Իսկ մեր չտեսնե՞րը:

Ու՞մ շահերից էր բխում Պարույր Հայրիկյանի վրա իրականացվաց մահափորձը

Այսօր` մահափորձի ենթարկված ԱԻՄ առաջնորդ Պարույր Հայրկյանը հանդիպեց լրագրողների հետ: Հանդիպման ընթացքում հայտարարեց, որ չի օգտվելու իր Սահմանադրական իրավունքից և չի դիմելու ՍԴ, ընտրությունները 15 օրով հետաձգելու պահանջով: 
Սակայն հետաքրքիր է իմանալ, թե ու՞մ շահերից էր բխում Պարույր Հայրիկյանի վրա իրականացվաց մահափորձը`
1. Քանի որ, Պարույր Հայրիկյանը չէր գտնվում նախագահի թեկնածուների "ֆավորիտների" շարքում, դա չէր կարող ներքաղաքական դրդապատճառ ունենալ:
2. Դա կարող էր բխել այլ ուժերի շահերից` հիմնականում արտաքին, որոնց ուղղակի "ձեռք" չի տալիս, որ ՀՀ-ում քաղաքական գործընթացները անցնեն առանց մեծ ցնցումների:
3. ԵՎ վերջապես, մահափորձը կարող էր լինել անձնական բնույթի, իսկ նախագահական ընտրությունները օգտագործվեց, որպես "հարմար" առիթ:
Հ.Գ. Մահափորձի հետևանքով տուժեց ՀՀ վարկանիշը և ինչ որ չափով "շահեց" հենց ինքը Պարույր Հայրիկյանը` գտնվելով ամբողջ երկրի ուշադրության կենտրոնում, և միաժամանակ ստացավ խոսքը լսելի դարձնելու հնարավորություն, ինչը օգտագործելով, նա արեց հայտարարություն. "Եթե հայ քաղաքական գործիչները մի կողմ դնեն իրենց ամբիցիաները, որևէ մեկի հետ դաշինք կազմելով` մենք կկարողանանք Հայաստանը դարձնել ամենաօրինակելի երկիրը", այսինքն` Հայրիկյանը ևս հասկացրեց արեց, որ իր ՍԴ չդիմելը ունի "գին", ինչը կարող է արտահայտվել ընտրություններից հետո որևէ պաշտոնի նշանակումով:
Մաղթում ենք շուտափույթ ապաքինում Պարույր Հայրիկյանին!!!

Ընդդիմադիր դաշտի դուխը վիրտուալ ա

Ընդդիմադիր դաշտի "դուխը" վիրտուալ ա ու էտ շատ ձեռնտու ա հենց իշխանությանը...ինքներդ Ձեզ հարց տված կաք, թե ինչից ա, որ էս սոցցանցերում ում մասին ինչ հայհոյանք, ինչ վիրավորանք ուզում գրում եք ու շատ դեպքերում տեղին, Ձեզ մի օր 'ակտիվիստներ ջան', չեկան ասեին, այ ջահել ջան, քեզ խելոք պահի, ''կտամ ծնոտդ կպոկեմ'' կամ էկել ստեղ վիրավորական ստատուսներ էս գրում, ''որ ինչ անես''? կամ էլ, ոմանց պատժամիջոցների համապատասխան 'ծեծեն, պատժեն' Ձեր կողմից արված քայլերի համար...չի եղել չէ? դե ինչի պիտի լինի որ, էս սոցցանցերը նպաստում են մարդու 'միջից' ինչ-որ չափով դուրս հանել էն բացասական էներգիան, որը կուտակվել ա անարդարության հողի հիման վրա...պատկերացրեք, եթե չլիներ ֆեյսբուքը ու հասարակության մի հոծ զանգված, էտ բացասական էներգիան չկարողանար ինչ-որ կերպ հեռացնել, ինչ կլիներ արյունքում? այո այո, ես էլ եմ տենց մտածում, կլինեին ցույցեր, միտինգներ և օրեցօր այդ մարդկանց քանակը կավելանար, քանզի շատերն են Հայաստանում հոգնել արդեն, նման ապրելակերպից...և արդյունքում, եթե իշխանությունները չզիջեին ինչ կլիներ?? այո այո, քաղաքացիական պատերազմ, որի հիմքում ընկած է հեղափոխությունը, իսկ ցանկացած երկրում, իշխանություններին ձեռք չի տալիս նման բոյկոտը...դրա համար էլ աչքները փակում են ամեն մի գրառման վրա, երևի սենց էլ ասում են.
"հա դե ջահել ա էլի, արյունը եռռում ա, թող մի բան ասի, գնա հանգիստ քնի, կարևորը բանը չհասնի դիվան բաշուն"...

Վահրամ Սահակյան. Դուրս է գալիս, որ մենք անգլիացիների ու ամերիկացիների շունն ենք

5.2.13

Լրիվ խայտառակություն է, երբ զոռով բռնում ու միջազգային, ընդունված բառերը թարգմանում են հայերեն, իրենց ասելով, դարձնում են ՀԱՅԵՑԻ։ Դեմ չեմ, հնարավոր է, որ ինչ-որ ժամանակ մի երկու բառ ստացվել է, ասենք՝ հեռախոս, օդանավ… լավ, ասենք նաեւ՝ կայք։ «Համացանց»-ին էլ ենք համաձայն (ով հնարել է, թող նա էլ գործածի)։ Կարճ բառեր են, հնչում են ի վերջո… Բայց պրեզերվատիվին ասել ԱՊԱՀՈՎԻՉ ԽԵԺԱՊԱՊԱՆԱԿ… ներողություն, դա արդեն լրիվ խեժապահպանակություն է։ Ու նրանք չեն ալարում, նստում են, թարգմանում են ու էնպիսի բառարաններ են ստեղծում, որ կարդացողը կաթվածահար է լինում տեղում։ 
Աթոռից, պատից կամ առաստաղից բռնվեք ու կարդացեք, որովհետեւ սա բառարան չի, սա термоядерный удар ա…
«ակումուլյատոր - ուժկուտակիչ, անեկդոտ - խնդուկ, բադմինտոն - փետրագնդակ, բիգուդի - վարսափաթթուկ, բոյկոտ - նենգադուլ, բուլդոգ - ցլաշուն, դալտոնիզմ - գունակուրություն, դեբյուտ - առաջնելույթ, դելիկատես - նրբախորտիկ, դիզայն - գեղատեսք, դիսոնանս - անհամահունչություն, դեպրեսիա - ընկճախտ, էյֆորիա - բերկրաթմբիր (վայ քո, արա), էքսպրեսիոնիզմ - արտահայտչապաշտություն, իմպրովիզացիա - հանկարծաստեղծում, լեքսիկոն - բառամթերք, կասկադ - սանդղաջրվեժ, միրաժ - օդատեսիլք, նարգիլե - ջրամորճ, պարոդիա - ծաղրանմանակում, սենսացիա - ցնցադեպ… ԵՎ ԱՅԼՆ»
Պատկերացնում ե՞ք, մարդիկ խոսեն էս բառերով… Օրինակ՝ «Եթե պիտի ԲԵՐԿՐԱԹԲԻՐ-ի մեջ ընկած տափակ ԽՆԴՈՒԿ-ներ պատմեք՝ ուրեմն ես ՆԵՆԳԱԴՈՒԼ կանեմ, այսուհետ ոչ միայն ՓԵՏՐԱԳՆԴԱԿ չեմ խաղա ու ՋՐԱՄՈՐՃ չեմ ծխի, այեւ ՑԼԱՇԱՆ-ս բաց կթողնեմ ձեր վրա… Այ, էդ ժամանակ ՑՑՆՑԱԴԵՊ կլինի ու սաղդ կընկնեք ԸՆԿՃԱԽՏ-ի մեջ, որովհետեւ դուք իմ ԲԱՌԱՄԹԵՐՔ-ին ծանոթ եք»։ 
Ուշադրություն դարձրեք, որ բուլդոգը (ՑԼԱՇՈՒՆՆ, էլի) անգլերենից են թարգմանել՝ bulldog, այսինքն՝ bull - ցուլ, dog - շուն… Դուրս է գալիս, որ մենք անգլիացիների ու ամերիկացիների շունն ենք, որովհետեւ, ասենք ֆրանսիացին հանգիստ գրում է bouledogue, չի թարգմանում որպես bœuf-chien։
Ամեն բան հայացնելու միտումը (ավելի ճիշտ՝ ԲԹԱմիտումը) լեզուն դարձնում է այլանդակ, անճոռնի ու անգործածելի, երիտասարդությանն էլ դարձնում է ազգայնամոլ, դատարկապորտ ու ԼԱՓԱՌՈՇ։ Առողջ մարդը չի ասի, չէ՞ «Արա ախպեր, ամերիկացիներն էշ են ,որովհետեւ իրանք ազգություն չունեն» կամ «Ո՞վ են, ախպեր, էդ դոդ գլուխ ամերիկացիները, ֆուցըն գերմանացիները, իրանք կարա՞ն հայի հետ ոտ գցեն, ոչ պատմություն ունեն, ոչ ազգություն, երբ մենք քրիստոնեություն էինք ընդունել՝ իրանք հլը ծառներից չէին իջել»… Ասա այ ոչխարի արտաթորանք, այ օրանգուտանգի ենթաստամոքսային գեղձ, այ быдло, ախր ոչ մեկին չի հետաքրքրում քո պատմությունը, մշակույթն ու քրիստոնյա լինելը, եթե ԷՍՕՐ քո վրայից անգամ ԿՌԱՀԵԼ չի լինի դրա մասին։ Ու աշխարհում առաջին քրիստոնյա լինելը շատ լավ հասկացվում է սրանց լսած թուրքական մուղամներից, կլկլոցից ու ոռնոցից։ Մենակ իրենց ԳԵՂԱՏԵՍՔ-ն է (դիզայնը) իրենց սազական (գեղատեսք - գեղական տեսք)։
Սովորական, առողջ, բանական մարդը գիտի այս ճշմարտությունները.
«Անընդհատ իր անցյալը փորրփող, 
ժողվուրդը դատապարտված է փտման, նեխման ու մահվան, որովհետեւ չի կարելի անցյալի կղկղանքը պեղել, գտնել ու քսել ապագայի վրա»։ 
«Փառավոր անցյալից եւ վառ ապագայից խոսող մոծակը պիտանի չէ ներկայի համար»։
«Ազգությամբ հպարտացողը՝ իր ժառանգական հիվանդության համար էլ կհպարտանա»։
Բա։ Ամեն ինչ պիտի լինի հայեցի։ Այ էսպես հայեցի ապրում ենք, հայեցի էփում, հայեցի թափում, հայեցի ուտում, հայեցի հետ տալիս իրար վրա, բայց ամենալավը՝ հայեցի ձեռնաշարժությունն է ստացվում։
ՀԳ Վայ քո, արա, մոռացա հանրությանը զգուշացնեմ, որ «ՑԼԱՇԱՆԸ բաց թողնելուց հետո հացադուլ կանեմ ու էլ երբեք ՆՐԲԱԽՈՐՏԻԿՆԵՐ չեմ ուտի, к чёртовой матери»։

Նախորդ իշխանությունների սխալները

Ավելի շուտ կասեի՝ նախորդ իշխանության հանցագործությունները…
Մի քանիսը թվարկեմ.
ՀՅԴ փակումը և որ ամենակարևորը՝ ՀՅԴ թերթերի թալանը, ամբողջ գրականության ոչնչացումը:
Մութ ու խավար տարիները, երբ ԱՊԱՑՈՒՑՎԱԾ է, որ էներգետիկ ճգնաժամ չկար: Ծառ կտրող և իր սեփական հայրենիքը թալանող սերնդի դաստիարակումը: 
Արտագաղթը, որ հենց այդ պատճառով էր, մարդկանց ուղղակի դրդեցին, որ հեռանան: 
Տնտեսության քայքայումը, արդյունաբերական հիմնարկների համատարած ու անխնա թալանն ու վաճառքը: 
Անառողջ ու հիվանդ սերունդը, որ մթի ու ցրտի պատճառով ծնվում էին անոմալիաներով երեխաներ: 
Եռամսյա հավաքները, երբ հենց ավտոբուսից փախցնում, տանում էին ճակատ, առանց մարզելու և միանգամից թշնամու գնդակի տակ: 
Քաղաքական սպանություններն ու ընտրակեղծիքները: 
1996 -թվականի խայտառակ ընտրությունները, որից հետո երկրի ողնաշարը կոտրվեց: 
Լևոն Տեր-Պետրոսյանի անսկզբունքայնությունը, երբ դաշտային գեներալիտետին բերեց Երևան (քաղաքականություն): 
"ԱրմենՏելի" վաճառքը և Հայաստանի տեղեկատվական շրջափակումը, որի պատճառով այսօր գավառական հասարակություն է ձևավորված: 
Ես ժողովրդի սխալների մասին էլ կասեմ: Այս ժողովրդին իր այսօրվա վիճակը քիչ է, որովհետև այս ժողովուրդը հիշողություն չունի: Այն նույն մարդիկ, ովքեր բյուջեն էին թալանում, սոված ժողովրդին եկող օգնությունն էին թալանում, վաուչերներն էին բանվորներից թալանում, հսկա արտադրական գիգանտներ էին թալանում, այժմ իրենց սրբի տեղ դրած՝ գոռում են, որ հարկերը չե՞ն մուծվում, ու ժողովուրդը հիացած գլխով է անում: Այն նույն մարդիկ, ովքեր իրենց խանգարողներին օգնում էին, որ զենքի հետ անզգույշ վարվելու պատճառով կյանքից հեռանա (մի քանի աղմկոտ դեպքերում հենց այս ձևակերպումն է տրվել, երևի հիշողներ կլինեն), այժմ իրենց ‘’թույն’’ հումանիստների տեղ դրած` բանտարկությունների դեմ են բողոքում, ու ժողովուրդը հիացած գլխով է անում: Մի խոսքով կուսակցություններ փակելուց մինչև ամենացինիկ կեղծիքները իրականացնողները, հիմա հանկարծ արդարության ծարավ են դարձել: Այնպես որ հիշողություն չունեցող ժողովուրդը, երբեք նորմալ պետություն չի ունենա: Այս Ժողովրդի միակ ազգային հուշը եղեռնն է, էլ ի՞նչ եք ուզում:

Շահինյան Հովիկը անդամակցել է ՕԵԿ-ին

27.1.13

Շահինյան Հովիկը անդամակցել է ՕԵԿ կուսակցությանը... ցավակցում եմ ողջ հայ ազգին, որ նման քաղաքական վերնախավ ունի, որտեղ աբիժնիկության դրսևորումը արտահայտվում է օպինգպոնգի գնդակի նամն մի կուսակցությունից մյուսը մտնելը... և, բնականաբար, շնորհավորում եմ ՕԵԿ-ին, որովհետև պարզվեց, որ դեռ մարդ կա որ ցանկանում ա անդամակցլե ՕԵԿ-ին

Դատապարտվել է 2 տարվա ազատազրկման

ՀՀ գործող նախագահի եղբայրներից մեկը այլոց բիզնեսում հարկադրանքով փայ մտնելու համար դատապարտվել է 2 տարվա ազատազրկման և մեկ տարում ստացվելիք գումարի չափով տուգանքի: Հը, հայեր, ո՞նց է հնչում՝ ֆանտաստիկ, չէ՞: Որոշ փոփոխություններով (տեղական միջավայրին հարմարեցված) տվյալ դեպքը տեղի է ունեցել Հարավային Կորեայում (ՀԺ): Ոնց չհիշես՝ երբ մենք թատրոն ունեինք…

ՀՅԴ-ն վեր է ածվել շեսծյոռկայի

26.1.13

Ինչպես ասվում է հայտնի ասացվածքում, սա ծիխաղելի կլիներ, եթե այդքան տխուր չլիներ։ Շարքային ու ոչ շարքային դաշնակներին որ խոսցնում ես, միանգամից սկսվում է իրենց 130 -ամյա պատմության, մեծամեծ վաստակների (եղած ու չեղած), գաղափարականության ու այլ բաների գովքը, բայց ինչպես նշել եմ բազմիցս, ՀՅԴ-ի հռետորիկկան մնում է միակ հռետորիկա, իսկ գործնականում ՀՅԴ-ն վեր է ածվել շեսծյոռկայի, ընդ որում վաղուց։
Ասածիս խոսուն ապացույցն էլ թող լինի այն, որ ՀՅԴ անդամ, նախկին նախարար և Ավշարի գինու գործարանի սեփականատեր Արամայիս Գրիգորյանն ու եղբայրը՝ ԱԺ անկախ պատգամավոր Արայիկ Գրիգորյանը, նախօրեին փոխմարզպետի ուղեկցությամբ եղել են մարզի գյուղերում, հանդիպումներ ունեցել գյուղապետարանի աշխատակիցների, դպրոցների կոլեկտիվների և շարքային գյուղացիների հետ և ակտիվորեն քարոզել են քվեարկել Սերժ Սարգսյանի օգտին...
Մի տարբերակով, սա կուսակցական կուրսն է՝ քողարկված քարոզչություն իրականացնել Սերժի օգտին և սա այն դեպքում, որ ՀՅԴ-ն հայտարարել էր, որ ոչ մեկին չի սատարելու։
Մյուս տարբերակը էլի լավ ճէ ՀՅԴ-ի համար. կուսակցության անդամները՝ թքած ունենալով կուսակցության որոշման վրա, զբաղված են ինքնագործունեությամբ, որը հակասում է կուսակցության հայտարարած դիրքորոշմանը։
Չնայած, ինչո՞ւ եմ զարմանում, քաղական դիակներին երկրորդ շունչ կարող է տալ միայն հաճախորդացումը։

ՀԱՅԿԱԿԱՆ ԸՆՏՐՈՒԹՅՈՒՆՆԵՐԻ ԶԱՎԵՇՏԸ

25.1.13

Փաստորեն ստացվում է այնպես, որ ժողովրդավարության առաջնային հիմքերից մեկը՝ ընտրությունները, Հայաստանում վերածվում են շատ գեղեցիկ բեմադրված թատերական ներկայացման, այնքան գեղեցիկ, որ անգամ այսօր հայկական սերիալների սցենարիստները կնախանձեն այդպիսի բարձր որակին: Սերիալի և ընտրության թեև միակ տարբերությունը Հայաստանում՝ դերասաններն են: Սերիալում խաղում են դերասաններ (որոնցից շատերը մասնագիտությամբ դերասան չեն), ընտրություներում՝ քաղաքական դերասաններ (որոնցից շատերն իրականում քաղաքականությունից կիլոմետրերով հեռու են): Մինչդեռ բովանդակային և սցենարային առումով ոչ մի տարբերություն: Բովանդակությամբ դատարկ ու աղքատ են և հայկական սերիալները և ընտրությունները: Սերիալում սցենարային կարուսելը կատարվում է ամեն օր, ընտրություններում՝ 5 տարին մեկ: Սերիալում ամեն օր են համոզում, որ Ես քեզ սիրում եմ, ընտրություններում 5 տարին մեկ են համոզում, որ Ես ձեզ սիրում և հարգում եմ: Թե սերիալի և թե ընտրության դեպքում փոխանակ վարի ժողովուրդը, հակառակն է՝ վարում են ժողովրդին (ժողովրդավարություն բառի փայլուն երկիմաստություն): 20 տարի շարունակ փորձում ենք տրանսֆորմացվել, արդյունքում թե սերիալում, թե ընտրություններում ստացվում է COPY PASTE՝ բացասական երանգներով: Հեռուն չենք գնում, բացում ենք Նժդեհի մտքերը ու կարդում ենք. "Կուլտուրան, եթե ազգային չէ, կուլտուրա չէ, ինչպես ազգը, եթե կուլտուրական չէ, ազգ չէ: Ամեն վախկոտ կեսնաբանորեն անբարոյական է: Անհայրենիք դարձած մի ժողովրդի համար չկա ավելի բարձր և նվիրական նպատակ, քան իր հայրենիքի` իր հավիտենական սեփականության վերստացումը: Ճիշտ է, չկան անտականք ազգեր, բայց հայ տականքը կմնա անմրցելի: Ուզո՞ւմ ես հաղթահարել ցավդ... Արձանացրու այն, ապա կանգ առ նրա առջև ու ասա. "Այո, բարեկամ, անծանոթ չենք իրար, քանզի առաջ ես ճանաչում էի ուրիշներին, քեզնից ավելի մեծերի: Գոյությունդ քարշ տալու համար մի՛ սողա, մի՛ ստորանա եւ մի՛ ստիր: Ստել` նշանակում է հայհոյել ճշմարիտը, ուրանալ` նշանակում է դադարել մարդ լինելուց ...": Հետևությունները թողնում եմ ձեզ:

ԴԱՍԱԿԱՆ ՈՒ ՀԱՅԿԱԿԱՆ ԸՆՏՐՈՒԹՅՈՒՆՆԵՐ

Կուսակցության լիդեր-անդամներ-կողմնակիցներ-համակիրներ՝ դասական տեսակն է: Հայաստանում՝ կուսակցության թագավոր՝ եթե նա ԳՄՓ, կուսակցությունը ևս ԳՄՓ, ապա անդամներ՝ ավելի կոնկրետ 1. արջի ծառայությամբ զբաղվող "էլիտար" դեմքեր, 2. Թաղային հեղինակություններ, 3. Կուսակցության ջահելներ՝ լավ տղեք, 5. շտաբների ղեկավարներ՝ ցուցակների վերահսկողությամբ զբաղվողներ, 6. Շենքերի պատասխանատուներ, 7. Շենքի մուտքերի պատասխանատուներ՝ անձնագրային տվյալներ հավաքողներ և բերանից խոսք քաշողներ: Առանձին խումբ են կազմում պատվիրակված վերլուծաբաններն ու հարցում անցկացնողները՝ Ահարոն Ադիբեկյանի գլխավորությամբ: Վերջինիս գլխավոր գործառույթը ընտրություններից 3 ամիս առաջ ընդդիմադիր թեկնածուի շանսերը բարձր գնահատելն է, իսկ 2 ամիս անց՝ շրջադարձը օգուտ իշխանական թեկնածուի կատարելը: Առանձնահատուկ կարգավիճակ ունեն տաքսու և գազելների վարորդները, որոնց պարտականությունն է կայանել շենքերի դիմաց և էլիտար ծառայություն մատուցել, որպեսզի մարդկանց ոտքերը չցավեն ընտրատեղամաս գնալիս: 
Հիմա ամենահամեղ մասը: Ընտրատեղամասեր՝ "ընդմիջման ժամ", դիտորդների և վստահված անձանց համար բացվում է շռնդալից, ճոխ, տեղը տեղին հայկական հյուրասիրությանը վայել սեղան. կեր, խմի, քեֆ արա: Այդ ընթացքում համապատասխան մարդիկ իրենց գործը գիտեն: Կարգը պահպանող ոստիկանները պետք է պարտադիր լինեն, բայց տվյալ դեպքում հակառակն է՝ կարգն է պահպանում իրենց: Մինչդեռ ոստիկանի հագ ու կապը, տեսքը, դիրքը պետք է լինի այնպիսին, որ իր հետ դուքով խոսեն, կարգն է այդպիսին, իսկ նրանք էլ պարտավոր են դուքով խոսել քաղաքացու հետ: Բայց սա հայկական իրականությունից չէ արդեն: Զբոսնում ենք, արևածաղիկ "չրթում", ու նայում ենք, ինչպես են լավ տղեքը կարգ պահպանում: Մինչդեռ մասնագետներն ասում են ժամանակը ռացիոնալ է պետք օգտագործել: Ասանից երեք խնձոր ընկավ՝ մեկն ասողին, մեկը լսողին, մեկն էլ ականջ դնողին:

Քոչարյանը «բլթցրե՞լ» է

17.1.13

Այսօր լրագրողների հետ հանդիպմանը քաղտեխնոլոգ Կարեն Քոչարյանը, անդրադառնալով Ռոբերտ Քոչարյանի օրերս տված հարցազրույցին, ասաց.
«Ես այնքան եմ վրդովվել ղարաբաղիների հետ կապված խոսքի մասով: Տաս տարի հասարակությունում կար այդ խնդիրը, փորձում էին հանել դա, օբյեկտիվ, թե սուբյեկտիվ այլ խնդիր է, բայց դա տհաճ հակամարտություն էր: Վերջին հինգ տարվա ընթացքում կարծես թե,ինձ համար հաճելիորեն, դա վերացել էր, և մեկ էլ ֆիքսել իսկ ի՞նչ: Եթե ղարաբաղցի չլիներ Սերժ Սարգսյանը, այսինքն ինչ` հայաստանցին թու՞րք է,որ պետք է գար,պայքար էր: Ինչի մասին է խոսքը,ես չեմ կարողանում հասկանալ»:
Շարունակելով խոսել այդ մասին` նա հայտնեց. «Երկրորդ խոսքը քաղաքական առումով նայելու դեպքում, երբ ասում է` դե ես եմ բերել, կոպիտ ասած, չեմ խանգարում, բայց հետևից ասում է, որ սխալ է անում, այսինքն` եթե սխալներ է անում, թող շարունակի քանդել, պետք է չէ կպնել, որովհետև ես եմ բերել: Ես ոչ մի տեսանկյունից դա չեմ կարողանում հասկանալ: Եթե կա խնդիր, ինչու չի դնում թեկնածությունը: Ես կարծում եմ` այն, ինչ նշեց Արմեն Աշոտյանը շատ տեղին էր: Անկախ նրանից ճիշտ էր Աշոտյանը, թե` ոչ, ինքը փաստ էր գտել, որ ընդամենը տարի ու կես առաջ մի բան էր ասվել,իսկ հիմա լրիվ ուրիշ բան է ասվում Ռոբերտ Քոչարյանի կողմից: Սա է խնդիրը: Շարքային մարդիկ` մենք, կարող ենք մեզ թույլ տալ մեկ-մեկ «բլթցնել», բայց նման ծանրակշիռ մարդիկ պետք է յուրաքանչյուր բառին հետևեն»:
Հիշեցնենք, որ օրերս տված հարցազրույցում ՀՀ երկրորդ նախագահը չառաջադրման երեք պատճառ էր առանձնացրել. առաջինն այն,որ իր համար անընդունելի էր իշխանության պայքարը երկու ղարաբաղցիների,երկու վաղեմի գործընկերների միջև, երկրորդը,որ չէր ցանկանում մասնակցել իշխանության համար պայքար մղող երեք նախագահների ծայրահեղ տհաճ և երկրի համար վնասակար ձևաչափի կազմավորմանը, երրորդը` Ռոբերտ Քոչարյանը չէր ցանկանա իր ժամանակը, գիտելիքներն ու փորձը ծախսել «մանրածախ քաղաքական առևտրի» վերածված քաղաքական կոմպրոմիսի փնտրտուքի վրա:
Իսկ Արմեն Աշոտյանը նշել էր, որ կա տարբերություն 2011թ.-ի հայտարարության և այս անգամվա հարցազրույցի միջև: Ռոբերտ Քոչարյանն այն ժամանակ ասել էր,թե կվերադառնա միայն այս երեք դեպքերում.երկրի տնտեսական վիճակի և մարդկանց բարեկեցության զգալի և կայուն բարելավման բացակայության և արտագաղթի աճի,հասարակության տարբեր շերտերի կողմից մեծ քաղաքականություն վերադարձի պահանջարկի և իր ներքին համոզվածության առկայության դեպքում առ այն, որ ինքը կարող է արմատական ձևով բարելավել իրավիճակը:
Ըստ Արմեն Աշոտյանի` Ռոբերտ Քոչարյանի չառաջադրման իրական պատճառները ոչ թե այս անգամվա թվարկածներն էին, այլ նախանցյալ տարի սեպտեմբերինը:

Թե ինչու եմ ես նախագահին անվերապահ հավատում

14.1.13

«Թե ինչու եմ ես նախագահին անվերապահ հավատում, գալիս ա իմ կենսակուրսից. ինքը ամենակարևոր հարցերում չսխալվեց երբեք:» - Վազգեն Սարգսյան:
Եվ թե ոնց վստահեց-վստահեց ու հանկարծ ԱՄԵՆԱԿԱՐԵՎՈՐ հարցում չվստահեց , տենց էլ "գաղտնիք" մնաց... 
Ենթադրությունները բազմաթիվ են, բայց կոնկրետ համոզվածություն չի լինում հայտնել: Միայն կարելի ա ՊՆԴԵԼ, որ բոլոր հարցերի վերաբերյալ նախագահի դիրքորոշման մասին 100%-ով տեղյակ էր Վ. Սարգսյանը:

Ադրբեջանը ևս մեկ անգամ հաստատեց, որ ինքն է Բաքվի կոտորածի հեղինակը. Գրիգորի Այվազյան

«23 տարի առաջ հենց հունվարյան ցրտերին Ադրբեջանի մայրաքաղաք Բաքվում սկսվեց հայերի կոտորածը»,- այսօր լրագրողների հետ հանդիպման ժամանակ ասաց «Ադրբեջանահայերի ասամբլեայի» նախագահ, ադրբեջանագետ Գրիգորի Այվազյանը` հայտարարելով, որ Հայաստանում բնակվող բաքվահայերը ՀՀ ԱԺ քննարկմանն են ներկայացնելու Բաքվի ցեղասպանության պաշտոնական ճանաչման օրինագիծ:
Նա նշեց, որ անկախ պետականության բացակայության պատճառով էր, որ Ադրբեջանը իրականացրեց ադրբեջանահայերի կոտորածը: Ըստ բանախոսի` Ադրբեջանցի թուրքերը համարձակ են այն ժամանակ, երբ 400 հոգով հարձակվում են անպաշտպան հայկական գյուղերի վրա կամ կացնահարում քնած մարդուն:
«Ռամիլ Սաֆարովի հերոսացմամբ, Ադրբեջանը ևս մեկ անգամ հաստատեց այն, որ ինքն է Բաքվի կոտորածի հեղինակը: ՀՀ առաջին խնդիրն այս հարցում իր ուժերը համախմբելն է՝ Ադրբեջանին Բաքվի կոտորածի իրավահաջորդ ճանաչելու գործում»,- նշեց Գրիգորի Այվազյանը:
Նա նաև նշեց, որ ադրբեջանահայությունը կարիք ունի ԶԼՄ-ների աջակցության, քանի որ Ադրբեջանն ամեն ինչ անում է, որ խնդիրը ներկայացնի իրեն ձեռնտու տարբերակով:
Ադրբեջանագետը նաև այն կարծիքին է, որ այս հարցը կապված է նաև Ղարաբաղի հարցի հետ, ուստի հաջողության չհասնելու դեպքում դժվար կլինի հասնել Ղարաբաղի վերջնական անկախության:
Գրիգորի Այվազյանը տեղեկացրեց, որ նախապատրաստվում է մի աշխատություն, որով կբացահայտվեն ադրբեջանահայերի կոտորածների մութ և դեռևս անհայտ էջերը:
«Պետք է իրազեկ պահել միջազգային հանրությանը՝ ինչ է տեղի ունեցել իրականում: Ստրասբուրգի դատարանում Ադրբեջանի դեմ հարուցվել է դատական գործ, քանի որ ադրբեջանահայերի կոտորածն իրականում ցեղասպանություն է»,- ասաց ադրբեջանագետը:
Գրիգորի Այվազյանը տեղեկացրեց, որ ԱՄՆ-ի սենատորները սկսել են կայուն կերպով դատապարտել Ադրբեջանի հանցավոր քաղաքականությունը:
«Միջազգային հանրության գիտակցության մեջ արդեն մտնում է այն, որ Ղարաբաղը չի կարող լինել Ադրբեջանի կազմում»,- ընդգծեց նա:

Էպոսագետը Իվանիշվիլիին եւ Պուտինին կոչ է անում չգալ Հայաստան

Էպոսագետ, նախագահի թեկնածու Վարդան Սեդրակյանին հետաքրքրում է, թե այդ ինչ լուրջ եւ շտապ հարց կա Հայաստանի եւ Վրաստանի միջեւ, որ Վրաստանի վարչապետ Բիձինա Իվանիշվիլին գալիս է Հայաստան, եւ, օրինակ, Սերժ Սարգսյանը Վրաստանի վարչապետին ընդունում է որպես գործող նախագահ, թե որպես նախագահի թեկնածու: Վրաստանի վարչապետի այցելությունը նախագահի էպոսագետ թեկնածուն լրագրողների հետ հանդիպման ժամանակ որակեց որպես ՀՀ ներքին կյանքին միջամտելու կոպիտ գործ: Վարդան Սեդրակյանը կոչ արեց Վրաստանի վարչապետին զերծ մնալ ՀՀ կատարելիք այցից եւ նշեց, որ Իվանիշվիլիի կատարելիք այցելությունը միակ պաշտոնական այցելությունը չէ ՀՀ:
«Ընկեր Վլադիմիր Պուտինն էլ է այցելու Հայաստան` իր աջակցությունը հայտնելու Սերժիկ Սարգսյանին»,- հայտարարեց Սեդրակյանը եւ ՌԴ նախագհին էլ կոչ արեց զերծ մնալ ՀՀ կատարելիք այցից:
Էպոսագետը հիշեցրեց նաեւ, որ նախագահ ընտրվելուց հետո ճանաչելու է Աբխազիայի եւ Հարավային Օսիայի անկախությունը:

Ուգո Չավեսի առողջական վիճակը բարելավվել է

Ուգո Չավեսի առողջական վիճակը բարելավվել է: Այդ մասին այսօր հայտարարել է Վենեսուելայի կապի և տեղեկատվության նախարար Էռնեստո Վիլեգասը:
«Չնայած դեկտեմբերի 11-ի վիրահատությունից հետո նախագահի առողջական վիճակի վատթարացմանը՝ հաղորդվում է, որ վերջին օրերին Չավեսի վիճակը համեմատաբար բարելավվել է: Թոքային վարակը բժիշկների հսկողության տակ է. Չավեսը գիտակցության է եկել»:
Չնայած այդ ամենին՝ լրատվական գործակալության ղեկավարի խոսքերով, պետության առաջնորդը դեռ պետք է գտնվի բժիշկների հսկողության տակ, որպեսզի որոշվի շնչառական ապարատի հետ կապված խնդիրները:
Հիշեցնենք, որ Չավեսը վիրահատման համար Կուբա էր ժամանել 2012 թվականի դեկտեմբերի սկզբին՝ կապված հայտնաբերված չարորակ ուռուցքի հետ: Թվով չորրորդ վիրահատությունը կատարվել է Հավանայում դեկտեմբերի 11-ին: Իշխանությունները հայտնել էին, որ վիրահատությունը տևել է վեց ժամ և ուղեկցվել է արնահոսությամբ, որը բժիշկները հաջողել են դադարեցնել, հաղորդում է ИТАР-ТАСС-ը:

Տնտեսություն

Հասարակություն

 

© Copyright ԹուքուՄուր Լրատվական 2011 -2012 | Powered by Blogger.com.