14-ամյա աղջնակին բռնաբարած գյուղապետին տեղափոխել են արվամոլների խուց

Սյունիքի մարզի Հարթաշեն համայնքի ղեկավար, գյուղի դպրոցներից մեկի ֆիզկուլտուրայի ուսուցիչ Ազատ Ղուկասյանն, ով 2012 թ. փետրվարի 27-ին անչափահասի նկատմամբ բռնաբարության մեղադրանքով դատապարտվեց 8 տարվա ազատազրկման, հայտնվել է արվամոլների պատժախցում: Այդ մասին գրում է «Ժամանակ» թերթը։

«Ամեն ինչ սկսվել էր անցյալ տարվա փետրվարին: Համայնքապետ Ազատ Ղուկասյանը, ով միաժամանակ գյուղի դպրոցում ֆիզկուլտուրա էր դասավանդում, 8-րդ դասարանցիների միացյալ դասին երկու դասարանի աշակերտներին տարել էր մարզադահլիճ եւ պատվիրել «խելոք խաղալ»: Իսկ 14-ամյա Կարինեին (անունը փոխված է) գյուղապետը հանձնարարել էր հետեւել իրեն: Ուսուցիչն այդ քայլին դիմել էր մի քանի անգամ, ինչն էլ առիթ էր հանդիսացել, որ աղջկա համադասարանցիները սկսեն կասկածել, հետեւել ու «բռնացնել» ուսուցչին անչափահաս աղջնակի նկատմամբ անառակաբարո գործողությունների ժամանակ:

Ազատ Ղուկասյանը դատապարտվել է ՀՀ Քրեական օրենսգրքի 138 հոդվածի 2-րդ մասի 3-րդ կետի (բռնաբարություն, որը կատարվել է անչափահասի նկատմամբ) եւ 142-րդ հոդվածի 1-ին մասի (անառակաբարո գործողություններ 16 տարին չլրացած անձի նկատմամբ) հատկանիշներով:

Հարթաշենի գյուղապետին տեղափոխել էին «Նուբարաշեն» քրեակատարողական հիմնարկ: Ինչպես «Ժամանակին» հայտնի դարձավ, Ազատ Ղուկասյանն իր պատիժը ստիպված է կրել արվամոլների հետ միեւնույն պատժախցում: Նշենք, որ քրեակատարողական հիմնարկներում գործող քրեական օրենքների համաձայն՝ սովորաբար հենց այսպես են վարվում բոլոր այն դատապարտյալների հետ, որոնք դատապարտվում են բռնաբարության համար: Այս դեպքը փաստորեն եւս բացառություն չէր, ավելին՝ Հարթաշենի գյուղապետն անառակաբարո գործողություններ էր իրականացրել անչափահաս աղջնակի նկատմամբ»,- գրում է «Ժամանակը»։

Վերջին շրջանում տեսածս անհեթեթություններից

1. Մեծ գովազդային վահանակ Տիգրան Մեծ փողոցում (Սիլաչու կամուրջ չհասած), որի վրա մեծ-մեծ տառերով գրված է«book you future», այն ինչ պետք է գրված լիներ «book _Y_ou_R_ future»

2. Ինչ-որ ՍՊԸ-ի գովազդ «Հ2» հեռուստաալիքով, որում գրված է «Շնորհավորում ենք մայության և գեղեցկության տոնի կապակցությամբ», այն ինչ պետք է գրված լիներ «Շնորհավորում ենք մայ_Ր_ության և գեղեցկության տոնի կապակցությամբ», այն էլ դա պետք է Ապրիլի 7-ին գրված լիներ, քանի որ Մարտի 8-ին Կանանց միջազգային օրն է

3. Աշխատանքի որոնման կայքերից մեկում «D» կարգի վարորդական իրավունք ունեցող աղբահանության աշխատակցի թափուր տեղ, որի համար CV է հարկավոր ներկայացնել: Աշխատանքի ընդունումը՝ հարցազրույցով...

Անհեթեթությունների շարքն անսպառ է: Եվ որքան շատ ես դրանց հանդիպում, այնքան ավելի խորն ես գիտակցում, թե որքա՞ն լավ կլիներ, որ ամենքն իր տեղում լիներ. բանվորը՝ բանվորի; պատգամավորը՝ պատգամավորի; ուսուցիչը՝ ուսուցչի; լրագրողը՝ լրագրողի; ոստիկանը՝ ոստիկանի; քննիչը՝ քննիչի; տաքսիստը՝ տաքսիստի; նախարարը՝ նախարարի; բլոգգերը՝ բլոգգերի; գործավարուհին՝ գործավարուհու; թիկնապահը՝ թիկնապահի... Անգրագետը՝ անգրագետի, բոշեն՝ բոշու, փաշեն՝ փաշու... Ամենքն իր տեղում լիներ, ամենքն իր տեղը գիտենար... Այ այդ ժամանակ շատ բան այլ կլինի, այդ ժամանակ «Երկիրը երկիր կլինի»... Ողջ լինեմ, աչքովս տեսնեմ:

Իմ ընկերը լինելու համար մարդը պետք է նախևառաջ բարի լինի

Ընդհանրապես ընկերները տարբեր տեսակի են լինում։ Կյանքում հաճախ այնպես է ստացվում, որ ոչ միայն մենք ենք ընտրում ընկերներին, այլև մեզ են ընտրում։ Իսկ որոշ դեպքերում պարզապես իրավիճակն է ամեն ինչ որոշում։ Օրինակ, մանկության ընկերներին չեն ընտրում, ու հաճախ մարդիկ պահպանում են նրանց հետ հարաբերությունները երկար տարիներ՝ անկախ իրենց միջև հետագայում զանազան հանգամանքների բերումով առաջացած տարբերություններից։ Նման դեպքերում միասին անցկացրած մանկության հիշողություններն այնքան շատ են լինում, որ հաճախ այդքանն էլ բավական է լինում ընկերությունը շարունակելու համար, չնայած հաճախ ակնհայտ է լինում, որ տվյալ մարդիկ իրենց հետաքրքրություններով, հայացքներով ու մտածելակերպով արդեն բավականին հեռացել են միմյանցից:

Ինչ վերաբերում է արդեն քիչ թե շատ հասուն տարիքում ձեռք բերած ընկերներին, ապա վերջիններիս դեպքում շատ բան այլ է։ Քանի՜-քանի՜ ընկեր-ընկերուհիներ ենք ունեցել դպրոցական տարիքում, որոնց հետքն էլ չի մնացել այսօր։ Հաճախ իրարից անբաժան, այսպես ասած՝ «քիփ» ընկերուհիները դպրոցն ավարտելուն պես բառիս բուն իմաստով մոռանում են միմյանց գոյության մասին։ Ինչու՞։ Որովհետև դպրոցն ավարտելուց հետո հանկարծ պարզվում է, որ նրանց կապող միակ բանը դպրոցն էր։ Սա դպրոցական «ընկերության» տիպիկ օրինակ է, որը սակայն, նույն հաջողությամբ կարող է լինել նաև ավելի հասուն տարիքում՝ համապատասխանաբար բուհում կամ աշխատավայրում։ Նման դեպքերում մարդիկ չեն էլ իմանում, թե ինչու են ընկերություն անում այս կամ այն մարդու հետ, պարզապես այդպես է ստացվել, հանգամանքների բերումով։

Իմ ընկերը լինելու համար մարդը պետք է նախևառաջ բարի լինի, ազնիվ ու անշահախնդիր։ Պետք է հնարավորինս շատ ընդհանուր հետաքրքրություններ ունենանք, մարդը պետք է նաև հումորի զգացումից զուրկ չլինի, սահմանափակ չլինի, որպեսզի կարողանամ նրա հետ զրուցել տարբեր թեմաներով: Հետևաբար, կարելի է ասել, ցանկացած հետաքրքիր, բարի ու ազնիվ մարդ իմ պոտենցիալ ընկերն է։ Հոգեբանական մտերմիկ զրույցներն իմ կյանքում զգալի նշանակություն ունեն, ուստի ես չեմ կարող ընկեր համարել այն մարդկանց, որոնց հետ իմ շփումը սահմանափակվում է զուտ գործնական հարաբերություններով։ Դժբախտաբար, մարդիկ հաճախ են նման հարաբերությունները շփոթում ընկերության հետ:

Իսկ ինչ վերաբերում է այն ժամանակին, որն անհրաժեշտ է մարդուն ընկերդ համարելու կամ չհամարելու համար, ապա, կարծում եմ, դա էական չէ։ Երբեմն մարդու հետ ընդամենը մի հանդիպումն էլ բավական է լինում, որ նրան ընկերդ համարես։ Չեմ ասում, թե դա օրինաչափություն է, բայց այդպես էլ է պատահում։ 

Ընդհանրապես ինձ միշտ գրավում են ոչ ստանդարտ՝ ամբոխից տարբերվող մարդիկ, բայց նրանց միջից ես որպես ընկեր կուզենայի տեսնել նրանց, ովքեր հետաքրքիր լինելուց բացի, նաև լավ մարդ են:

Արա, բայց ով ինչ ուզում ա ասի, հալալ ա Լֆիկին

Արա, բայց ով ինչ ուզում ա ասի, հալալ ա Լֆիկին, մեկ ա, տղեն եթե մի բան մտքին դնում ա, մինչև վերջ գնում ա, անգամ եթե սաղ ազգաբնակչությունը դեմ լինի դրան։ Փակ շուկան որոշեց, որ հերթական լֆիկնոց պետք ա սարքի, արեց, իսկ մենք, բացի ֆեյսբուքում ծլվլալուց, առանձնապես բան չարինք, որոշեց որ «Կարֆուրը» չպետք է գա Հայաստան ու ոնց որ թե էս էլ ա ստացվում մոտը, իսկ էդ համաձայնվեք քիչ բան չի, ի վերջո, 15000 խանութից բաղկացած ցանց ունեցող գիգանտին տեղի չտալը մեր օրերում...

Ամեն դեպքում, դեռ ասեկոսեների մակարդակով, բայց «Ժողովուրդ»-ը՝ հղում անելով իշխանական աղբյուրների վրա, հաղորդում է, որ Սամվել Կարապետյանը՝ Տաշիր Գրուպի սեփականատերը, կասեցրել է պայմանագիրը «Կարֆուրի» հետ, համձայն որի, վերջինիս տարածք պետք է հատկացվեր Դալմա Գարդեն Մոլում։

Հայազգի տղամարդկանց 90 տոկոսի փորը հասնում է Ցխինվալի

Սննդամթերքի խանութների դատարկ դարակներինն նայելիս՝ հասկանում ես, որ էս ազգաբնակչությունը մենակ նոր տարուն ա հաց ուտում… Մի 3-4 օր ուտում են՝ հետո ամբողջ տարի քա… մարսում։ Բա ինչի՞ ամենուր ու մանավանդ Facebook-ում քարշ էկող ուռո գլուխ «հայրենասերները» նման կոչ չեն անում՝ «Հայրենակիցներ, մի մոռացեք, որ ինչքան մեր հայրենիքը ազատ ու անկախ է, այնքան ավելի՝ թռվառ ու անտեր է։ Սիրեք մեր անտերությունը, քիչ լափեք նոր տարուն, մի թալանեք խանութները, մի տարեք լցրեք տուն ու գյոռմվեք»։ 

Բա… Ու նաեւ ասում են՝ «Փող չկա հաց առնենք», բայց հայազգի տղամարդկանց 90 տոկոսի փորը հասնում է Ցխինվալի, իսկ կանայք հետույքով ավլում են Ջհանդամ Դարասու ճանփեն հիշեցնող երեւանյան փողոցները… Շատերը մոռացել են, որ լափելուց մեռնելը հերոսի մահ չի։ Իսկական հերոսները մեզ մոտ սովից են մեռնում։

Նժդեհյան գաղափարախոսությունը մեր ժողովրդի բոլոր զավակների համար է

Նժդեհյան գաղափարախոսությունը ոչ մի կուսակցության, այդ թվում նաև ՀՀԿ-ի մենաշնորհը չէ, այն մեր ժողովրդի բոլոր զավակների համար է:

Վերջերս մամուլում տարաբնույթ մեկնաբանություններ հայտնվեց Գարեգին Նժդեհի գաղափարախոսության վերաբերյլ: Ցավալի է այն փաստը, որ որոշ մարդիկ Նժդեհի գաղափարախոսությունը փորձում են կապել մի քանի չինովնիկի վարքի հետ: Այնինչ մոռանում են ամենակարևորը. Նժդեհի գաղափարախոսությունը ընդհանուր առմամբ արդիական է և զորավարի արտահայտած մտքերը բանակի, մամուլի և հասարակական կայնքի տարբեր ոլորտների մասին չեն կորցրել իրենց կարևորությունը, այլ հարց է, որ մենք այդպես էլ չկարողացանք դասեր քաղել մեր սխալներից: Նժդեհի գաղափարները արատավորել ցանկացող մարդկանց որպես պատմաբան խորհուրդ եմ տալիս հասկանալ, որ Նժդեհյան գաղափարախոսությունը ոչ մի կուսակցության, այդ թվում նաև ՀՀԿ-ի մենաշնորհը չէ, այն մեր ժողովրդի բոլոր զավակների համար է, անկախ այն հանգամանքից, թե նարնք ապրում են ՀՀ-ում, թե սփյուռքում:

Աներձագ ըլնի դեպուտատ սարքեն

Այ ժողովուրդ, մի բողոքեք, Երևանի քաղաքապետարանը ձունը չի մաքրելու, դրանից ՓԻԱՌ չկա: Այ սիրամարգ ըլնի տեղադրեն, լուսեր լինի տեղադրեն, տոնածառի լուս վառեն, աներձագ ըլնի դեպուտատ սարքեն, թե չէ ինչ աղ ու ավազ, ինչ ձուն, ձունը հարամ բան ա, անեցք ա...

Առաջարկս փիառներիդ վնաս չի տարբերակով, խորհուրդ կտայի ձնամաքրման չորեքշաբթի կազմակերպեիք, ու ինչի չէ, քաղաքապետն էլ մի լապատկա ձեռը վերցներ ու սկսեր մաքրել քաղաքը, սաղի հետ միասին

Ինչպես են երևանյան խանութները խաբում գնորդներին՝ sms-ների միջոցով

Ինչպես տեղեկացնում է ՀՀ Տնտեսական մրցակցության պետական հանձնաժողովը, «Արայ» և «Տեխնոլայֆ» ընկերությունները մեղադրվում են հնարավոր անբարեխիղճ վարքագծի համար։

Նշված ընկերությունները հարյուրավոր մարդկանց ուղարկել են sms հաղորդագրություն հետևյալ բովանդակությամբ. «Շնորհավորում ենք, դուք ընտրվել եք որպես եզակի ակցիայի մասնակից: Ներկայացրեք այս SMS-ը ցանկացած «Արայ» վաճառասրահ և ստացեք մինչև 100 հազար դրամ զեղչ: 010222513»: Նույնաբովանդակ հաղորդագրություն ուղարկվել է նաև «Տեխնոլայֆ» խանութի կողմից։ Ակցիայի վերաբերյալ մանրամասներ ճշտելու համար հնարավոր չի եղել միանալ նշված հեռախոսահամարին: Հաղորդագրություն ստացած շատ քաղաքացիներ, գայթակղվելով առաջին հայացքից բավականին շահավետ առաջարկից, այցելել են վերոնշյալ խանութների վաճառասրահներ, որտեղ պարզվել է, որ ակցիան տարածվում է հատուկենտ, առավելապես բավականին բարձր գնային շեմ ունեցող ապրանքների վրա, որոշ ապրանքների վրա գործում է 5-20 տոկոսի չափով զեղչ' վիճակախաղի սկզբունքով, իսկ շատ այլ ապրանքներ ընդհանրապես զեղչված չեն եղել: Ընդ որում նույն պայմաններն ու գնային առաջարկները գործել են նաև այն հաճախորդների համար, ովքեր sms հաղորդագրություններ չեն ստացել: Հանձնաժողովը հսկիչ գնման միջոցով ձեռք է բերել որոշ ապրանքներ, որոնց վրա որևէ զեղչ չի գործել: Համաձայն օրենքի, ապրանքի գովազդման կամ իրացման ընթացքում թերի, կեղծ կամ ոչ լիարժեք տեղեկությունների նշումը կամ այնպիսի տվյալների բացակայությունը, որը սպառողին հնարավորություն չի տալիս կազմելու ամբողջական պատկերացում, համարվում է հասարակության մոլորեցում: Հանձնաժողովի դիտարկմամբ, «Արայ» և «Տեխնոլայֆ» ընկերությունների կողմից կազմակերպված իբրև թե եզակի ակցիայի մասնակից ընտրված լինելու մասին սպառողներին հաղորդագրություններ ուղարկելը և մինչև 100 հազար դրամ զեղչ ստանալու հնարավորություն առաջարկելը, կարող է ապակողմնորոշել և մոլորեցնել սպառողներին: Վարույթի ընթացքում կուսումնասիրվի ընկերությունների վարքագիծը, որից հետո Հանձնաժողովը կհրապարակի իր որոշումը:

Ճամբարափոխ Արկադի Ստանիսլավիչը

Հասարակությունն իր համար առաջնորդ ընտրելուց միանշանակ հաշվի է առնում նրա անցյալը և կատարած աշխատանքները: Սակայն, այնպիսի մարդու համար, ինչպիսին Արկադի Ստանիսլավիչն է, անցած ուղին այնքան էլ չի կարևորվում: Երևի դա էր պատճառը, որ չստացված քննիչից Արկադին ուղղորդվեց դեպի բիզնես միջավայր:

Սակայն, թե այդ ոլորտին զուգահեռ ինչ հետաքրքրություն առաջացրեց Արկադիի մոտ քաղաքական դաշտը, դժվար չէր հասկանալ: Արկադիի համար բիզնես զարգացնելու և անվտանգ պահելու ամենալավ ճանապարհը դա էր:

Դրա պատճառով է, որ այս «երիտբիզնեսմենը» հասցրել է ճամբար փոխել և հայտնվել ՀՀԿ խմբակցության կազմում: Այս «երիտպատգամավորը», երևի, դեռ վերջնականապես չի կողմորոշվել ճամբար ընտրելու հարցում, քանի, որ նա միչև Հանրապետականի կողմ թեքվելը, փորձեր էր կատարել ԲՀԿ մտնելու, սակայն, մերժում էր ստացել ԲՀԿ-ից:

Դե, Համբարձումյանը գտել է ճանապարհը «տաք տեղերում» դիրքավորվելու և իր անձնական շահերը պահելու համար: Հակառակ դեպքում, հանուն հասարակության, այս երեք պատգամավորական շրջանի ընթացքում գոնե մեկ անգամ ելույթ կունենար: Քանի, որ «ինտելեկտուալ» դեմքով այս երիտպատգամավորը մի անքամ խոսափողի մոտ չի կանգնել և ելույթ ունեցել:

Հետաքրքիր է՝ ինչ արժանիքի համար է Արկադի Ստանիսլավիչը երեք անգամ անընդմեջ ընտրվում պատգամավոր. երբ պիտի հասկանա , որ ԱԺ ում կնոպկա սեղմողներ չեն պետք, այլ ժողովրդի մասին մտածող և աշխատող մարդիկ են հարկավոր:

Պակիստանը ճանաչեց Կոսովոյի անկախությունը

Պակիստանի Իսլամական հանրապետությունը երեկ' դեկտեմբերի 24-ին, պաշտոնապես ճանաչել է Կոսովոյի անկախությունը:

Ինչպես հաղորդում է ռուսական РБК գործակալությունը, այդ մասին համապատասխան հայտարարությամբ հանդես է եկել Պակիստանի արտաքին գործերի նախարարությունը:

Միաժամանակ Պակիստանն արդեն նշանակել է դեսպան Կոսովոյում, որպիսին լինելու է Թուրքիայում իսլամական Հանրապետության արտակարգ և լիազոր դեսպանը համատեղության կարգով: Այսպիսով Պակիստանը դաձավ 98-րդ պետությունն, ով ճանաչել է Կոսովոյի անկախությունը:

Վերջինիս անկախության ճանաչման դեմ են արտահայտվում Իսպանիան, Չինաստանն ու Ռուսաստանը:

Ամերիկացիները երեք օրում գնել են հրազենի խանութների 3 տարվա պաշարները

ԱՄՆ-ում կտրուկ աճել է AR-15 հրացանների վաճառքը: Ինչպես հաղորդում է New York Daily News-ը, անցած շաբաթ երեք օրվա ընթացքում հրազենի վաճառքով զբաղվող Brownells ընկերությունից ամերիկացիները գնել են այնքան AR-15 հրացան, որքան սովորաբար գնում են երեքուկես տարվա ընթացքում:

Վաճառքի ծավալները կտրուկ աճել են Կոնեկտիկուտ նահանգի Նյութաուն դպրոցում տեղի ունեցած ողբերգությունից հետո, երբ 20-ամյա Ադամ Լանզան սպանեց 27 մարդում՝ կիրառելով Bushmaster-ի AR-15 հրացան:

«Սենդի Հուքում» տեղի ունեցած ողբերգությունից հետո ԱՄՆ-ում ակտիվացել են զենքի վաճառքի սահամանափակման մասին քննարկումները: Սպիտակ տան կայքում տեղադրված համապատասխան դիմումը մի քանի օրվա ընթացում ստորագրել է առնվազն 200 հազար մարդ:

Դեկտեմբերի 19-ին հայտնի դարձավ, որ ԱՄՆ նախագահ Բարաք Օբաման մտադիր է աջակցել կիսաավտոմատ զենք կրելու արգելքի գաղափարին: Բացի այդ, Օբաման հանդես է եկել 10 փամփուշտից ավել տարողությամբ փամփուշտատուփերի և առանց թույլտվության մասնավոր անձնաց զենքի վաճառքն արգելելու նախաձեռնությամբ:

Օրենսդրության հավանական խստացման ֆոնին նվազել է հրազենային զենք արտադրող ընկերությունների բաժնետոմսերը, սակայն միևնույն ժամանակ մեծացել է հրազենի պահանջարկը:

Իշխանություններն ամեն ինչ անում են երեխաներին բթացնելու համար

Հայաստանում գործող մի շարք կայքեր, որոնք որոշակի վճարի դիմաց աշակերտներին մատուցում են տնային առաջադրանքների լուծումները, պարզվում է՝ ուղղակի կապ ունեն ՀՀ կառավարությանն առընթեր Գնահատման և թեստավորման կենտրոնի հետ: Այդ կայքերից մեկի հղումը տեղադրված է հենց ԳԹԿ պաշտոնական կայքում: Սույն նորամուծության շնորհիվ՝ աշակերտներն այսուհետ կարող են գլուխ չկոտրել այս կամ այն խնդրի լուծման համար, այլ պատրաստի լուծումը պարզապես copy-paste անել կամ պարզապես՝ արտագրել»,- գրում է «Հայկական ժամանակը»:

Իռլանդիան օրինականացնում է աբորտը

Իռլանդիան պատրաստ է օրինականացնել հղիության արհեստական ընդհատումները՝ աբորտները, եթե հղիությունը ցանկացած տիպի սպառնալիք է պարունակում մոր կյանքի համար. գրում է Russia Today-ը:

Նման որոշում է կայացվել հնդկուհի Սավիթա Խալափավանարի մահվանից հետո երկրում ծայր առած զանգվածային բողոքի ցույցերի ներքո:

Իռլանդիայի իշխանությունները ստիպված էին զիջումների գնալ հասարակական կարծիքի ճնշման տակ: Ողբերգական դեպքը, որը բողոքի ցույցեր էր առաջ բերել Իռլանդիայում, Անգլիայում, Հնդկաստանում, տեղի էր ունեցել մի քանի շաբաթ առաջ, երբ 17 շաբաթական հղիություն տանող հնդկուհին դիմել էր բժշկի՝ գանգատվելով առողջական վիճակից: Բժիշկներն ախտորոշել էին պտղի անկենսունակություն, սակայն հրաժարվել էին ընդհատել հղիությունը, քանի որ Իռլանդիան կաթոլիկ երկիր է, և քանի դեռ պտղի սիրտը բաբախում է, աբորտ անելն արգելված է: Կնոջ մոտ արյան վարակում էր տեղի ունեցել, ինչի արդյունքում մահացել էին թե՛ մայրը, թե՛ չծնված երեխան:

Դեպքին միջամտել էր նաև հնդկական կառավարությունը:

Իռլանդիայում 1861 թվականից գործում է աբորտն արգելող օրենք, որը 1992թ. իշխանությունների կողմից մեղմացվել էր ևս մեկ ողբերգական միջադեպի ֆոնի վրա, երբ բռնաբարության հտևանքով հղիացած աղջիկն ինքնասպան էր եղել՝ չկարողանալով օրինական ճանապարհով ընդհատել իր հղիությունը:

Օրենքում փփոխություններ կատարվեցին, որոնց համաձայն՝ հղիությունը թույլատրվում է ընդհատել այդ դեպքում, երբ պտուղը վտանգ է պարունակում մոր կյանքի համար, այդ թվում՝ և ինքնասպանության վտանգ: Սակայն այդ որոշման սահմանների և ձևակերպումների «լղոզված» լինելու պատճառով բժիշկները չեն դիմում ռիսկի՝ հրաժարվելով աբորտներ կատարելուց:

Հարցի կապակցությամբ Իռլանդիայի առողջապահության նախարարը նշել է, որ նախարարների խորհուրդը կքննարկի այդ հարցի շուրջ բոլոր վիճելի կողմերը:

Մեր հայրենադարձները մի շատ մեծ խնդիր ունեն

Մեծ ոգևորությամբ ընդունում են, որ Հայաստանում ապրանքների և ծառայությունների գները զգալիորեն մատչելի են քան այն երկրներում որտեղից եկել են, բայց միևնույն ժամանակ հրաժարվում են վերանայել իրենց առաջարկած ծառայությունների գները ու դրանք հարմարեցնել հայաստանյան իրականությանը: Սա գլխավոր պատճառներից է, որ սփյուռքահայերը գործ չեմ գտնում մեզ մոտ:

Ես, որ շատ հակված եմ աշխատել հենց հայրենադարձների հետ ու օգնելու նպատակով միտված եմ նախապատվությունը վերջիններիս տալ, վճռել եմ էլ երբեք համագործակցության փորձ չանել հետները: 

Ի՞նչ է նշանակում մեկ կարիկատուռայի համար 100.000 դրամ պահանջել, երբ տեղացին դա 10.000-ով էլ կանի: Կամ ի՞նչ է նշանակում համակարգիչը "ֆոռմատ" անելու համար 50.000 դրամ պահանջել:

Տատյանա Մաքսիմովան հաղթել է «Միսս տուրիզմ - 2012» -ում

Բանգկոկում տեղի ունեցած «Աշխարհի միսս տուրիզմ» գեղեցկության միջազգային մրցույթի հաղթող է դարձել Նովոսիբիրսկի Elite Stars գործակալության մոդել Տատյանա Մաքսիմովան։ «Деловой квартал» կայքը հաղորդում է, որ Հաղորդակցման միջոցների սիբիրյան համալսարանի ուսանողուհի Մաքսիմովան գեղեցկության մրցույթին Ռուսաստանի միակ ներկայացուցիչն է եղել։ Մրցույթին ընդհանուր առմամբ մասնակցել է տարբեր երկներից 60 աղջիկ։

23-ամյա Տատյանա Մաքսիմովան նախկինում եւս մասնակցել էր մարցույթների. «Համալսապանների թագուհի», «Ռուսաստանի գեղեցկուհի 2010», «Միսս Ռուսաստան 2007», «Միսս Սիբիր»։ Վերջինում նա հաղթել է։

Մեկ տարի Տատյանան որպես մոդել աշխատել է Թայլանդում, որտեղ «Աշխարհի միսս տուրիզմ» մրցույթի հարցազրույցն անցնելու համար բավարար անգլերերն է սովորել։ Նա Նովոսիբիրսկ կվերադառնա հունվարի 15-ին՝ Miss Snow Universe 2013 մրցույթի ժուրիի պատվավոր անդամ դառնալու համար։

Սեզոնային բանվորից՝ նախարար

ԱՐՏՖՈՒԴ-ի Սերգոն՝ այսօր արդեն նախարար Սերգո Կարապետյանը, մինչև նախարար դառնալը ունի հետաքրքիր կենսագրությոն:

Սեզոնային բանվորից մինչև նախարար հասած Սերգոյի կենսագրականում ուշագրավ է այն, որ Սերգոն միայն 36 տարեկանում է հասցրել ավարտել Հայկական գյուղատնտեսական ինստիտուտը. երևի այդ տարիքում է հասկացել, որ սովորել է պետք. «դե տուն է պետք կգա»:

Հետաքրքիր է այն, որ Սերգոն այդ ժամանակահատվածում, երբ սովորում էր բուհ-ում նաև հանդիսանում էր Արտաշատի պահածոների՝ «Սովխոզ» գործարանի գլխավոր ինժեներ, գլխավոր տնօրեն:

Թե ինչպե՞ս է հասցրել համատեղել ուսումը, այդքան զբաղված Կարապետյանը իր աշխատանքի հետ՝ դժվար է ասել: Չնայած՝ դժվար չէ կռահել:

Միայն մի բան հստակ է՝ նա, լինելով գյուղում մեծացած տղա, և գյուղատնտեսական ինստիտուտի սան՝ չհասկացավ գյուղացուն:

Բախտի բերմամբ՝ Արգամիչի հովանավորյալ Կարապետյանը, լծվեց Օրինած Երկիր կառուցելու գործին, և դարձավ նախարար՝ այն էլ գյուղատնտեսության: Սակայն մինչև օրս Սերգոն չի հասկացել, որ գյուղացու միակ եկամուտը բերքից է, իսկ ինքը պետք է վճարի ու ամիսներով չուշացնի՝ իրեն պատկանող ԱՏՐՖՈՒԴ-ում գյուղացու մթերված բերքի դիմաց:

Իսկ, այ թե Կարապետյանը, ունենալով «բազմազբաղ կենսագրություն», որտեղի՞ց է յուրացրել, որ աղոթքը օգնում է բերքի առատությանը, դժվար է ասել: Երևի իր «PR չիկների » մեջ ճեմարան ավարտած մարդիկ կան, ովքեր համոզում են, որ ամեն գարուն պետք է գնալ կաթողիկոսի մոտ, բերքի համար աղոթել, ինչպես նաև հոգևորական տանել՝ դաշտերը օծելու:

Այդքանը բավարար չեր հետնել գնացել էր գյուղացուն բահ բռնել եր սովորացնում:

ժողովրդական ասացվացքի համայայն «սելը ճռալու փոխարեն՝ սելվորն էր ճռում»:

Դե ցավալի է, բայց արի ու տես, որ մեր գյուղացուն այսպիսի նախարար է բաժին հասել: Եվ պետք է ուղղակի միանալ՝ նրան աղոթելու, սակայն ոչ միայն բերքի առատության, այլ նաև «Աստված էլ բեթարից ազատիի» համար:

Ինչ ՉՊԵՏՔ է ասել նոր ղեկավարին

1. «Սա իմ աշխատանքը չէ»: Երբ ղեկավարդ քեզ որևէ բան է հանձնարարում, նա սպասում է, որ դու խնդրի լուծման ուղիներ փնտրես ու առաջարկես, ոչ թե միանգամից հետ քաշվես՝ գործը գցելով ուրիշների վրա:

2. «Ես մեղավոր չեմ»: Պատասխանատվություն ստանձնելը կարևոր հատկանիշ է, ինչը ցանկանում է տեսնել ցանկացած գործատու: Մեղավորներ փնտրելու փոխարեն ղեկավարիդ օգնիր շտկել իրավիճակը:

3. «Ես չեմ կարող աշխատել Անիի հետ»: Աշխատանքը մնում է աշխատանք, ու թիմով գործելու կարողությունն առաջնային հատկանիշ է, եթե նույնիսկ Անին վերջերս այնքան ջանասիրաբար ազդում է նյարդերիդ վրա:

«Դա հնարավոր չէ»: Դու աշխատում ես, որպեսզի հեշտացնես խնդիրների լուծումն ու տարբերակներ առաջարկես և ոչ թե կատեգորիկ հայտարարություններ անես:

Աշխարհի ամենամեծ կուրծքը

Աշխարհի ամենամեծ բնական կուրծքը պաշտոնապես պատկանում է 52-ամյա բրիտանուհուն` Աննա Խոկինս-Թերներին, որի կրծկալի չափը հասնում է 102ZZZ-ի: Աղջկա կուրծքը սկսել է աճել 9 տարեկանից և Աննան շուտ հասկացել է, որ տարբերվում է հասակակիցներից և աշխարհին ցույց տալու բան ունի: 1999 թվականին նրա ամեն կուրծքը արդեն կշռում էր 12 կգ: Այժմ նրա կրծքերի ընդհանուր քաշը կազմում է 50 կգ, իսկ ընդհանուր մակերեսը` 259 սմ: Աննան ասում է, որ մինչև հիմա փնտրում է այնպիսի տղամարդու, որը կհետաքրքրվեր նրանով, սակայն մեծամասնությունը նույնիսկ ի վիճակի չի լինում նրա հետ խոսել, երբ տեսնում են այդպիսի անսովոր տեսարան:

Շատերը Աննային հարցնում են, թե նա ինչու չի փոքրացնում իր կուրծքը, ինչին նա պատասխանում է. «Դուք խելագարվե՞լ եք: Ես սիրում եմ իմ կուրծքը և նա ինձ օգնեց իմ կյանքը դարձնել հիանալի: Ինձ տարբեր հեռուստաընկերություններից առաջարկներ էին գալիս, որոնք պատրաստ էին հեռարձակել այդ վիրահատությունը, սակայն ես մերժեցի:

Իսկ աշխարհի ամենամեծ կուրծքը, որը դարձել է այնպիսին վիրահատությունների արդյունքում, պատկանում է պոռնոաստղ Չելսի Չարմսին, որը կրում է 164XXX համարի կրծկալ:

Շուտով կկորցնենք կենդանաբանական այգին...Տարոն ջան սիրուն չի

Կենդանաբանական այգին արդեն մեկ շաբաթ է՝ անտերության է մատնվել. տնօրեն Ռուբեն Խաչատրյանը գործուղման մեջ է, իսկ տնօրենի պարտականությունները, ենթադրվում է, դրված են փոխտնօրենների վրա, որոնցից Մ. Մանուկյանը, ով իր թերի կրթությամբ տնօրենի գիտական գծով տեղակալն է, գտնվում է Միացյալ Նահանգներում, իսկ մյուսը' Գ. Սարգսյանը, աստված գիտի թե որտեղ:

Սակայն զարմանալի չէր Ռ. Խաչատրյանի նման գործելաոճը, հատկապես երբ ունկնդրում ենք FM 106.5 ռադիոյին նոյեմբերի 14-ին տրված հարցազրույցը. «…Անկեղծ ասած՝ ես ինձ պրոֆեսիոնալ այս ոլորտում չեմ համարում: Ես ինքս մասնագիտությամբ կենսաբան չեմ կամ կենդանաբանական այգիների աշխատանքում փորձ չունեմ, փորձ ունեմ վայրի բնության մեջ աշխատելու' վայրի կենդանիների հետ աշխատելու, ֆիլմեր նկարահանելու կենդանիների մասին, կրթության ոլորտում փորձում եմ բավականին եւ հասարակական գործունեությամբ…»: Հիշեցնենք, որ նա ռեժիսոր Հարություն Խաչատրյանի որդին է: Իսկ թե ինչ գործ ունի նման սիրողական մակարդակի տնօրենն այգում, կարծում եմ՝ պատկան մարմինների քննարկման առարկա է:

Նման աշխատաոճի արդյունքում, շուրջ մեկուկես տարվա ընթացքում իրենց «դիմումների համաձայն» աշխատանքից ազատվել են ավելի քան 70 աշխատակիցներ: Ինչը պետք է նաեւ հայտնվեր Հայաստանի Հանրապետության աշխատանքի պետական տեսչության ուշադրության կենտրոնում:

Բնականաբար, հարց է առաջանում, թե ինչո՞ւ այդ աշխատակիցները, որոնք զոհ են եղել տարբեր խաբկանքների ու շանտաժների եւ զրկվել են աշխատանքից, չեն դիմել դատարան' իրենց իրավունքները վերականգնելու համար: Պատասխանը տրամաբանական է' նույնիսկ երեք ամսվա աշխատավարձը բավարար չէ փաստաբանական ծառայությունների դիմաց վճարելու համար, նրանք ուղղակի փրկել են իրենց երկար տարիների բարի համբավը:

Նոյեմբերի 26-ին Ավան եւ Նոր Նորք վարչական շրջանների ընդհանուր իրավասության դատարանում քննվում էր Անահիտ Գալստյանի հայցն ընդդեմ «Երեւանի կենդանաբանական այգի» ՀՈԱԿ-ի (որի տնօրենն է Ռուբեն Խաչատրյանը)' աշխատանքում վերականգնելու պահանջի մասին: Երրորդ դատական նիստն էր: Չնայած այն հանգամանքին, որ այգու պատասխանատուները, ինչպես միշտ, թռած են, ի զարմանս ինձ, դատական նիստին «Կենդանաբանական այգի» ՀՈԱԿ-ի ներկայացուցիչը' փաստաբանը, ներկայացել էր: Սակայն զավեշտալին այն էր, որ պատասխանող կողմը երեք ամիս անց դատական նիստի է ներկայանում անպատրաստ, այն դեպքում, երբ դեռեւս ս.թ. սեպտեմբերի 26-ին պատասխանող կողմը միջնորդել էր հայցադիմումին պատասխան ներկայացնելու ժամկետը երկարաձգել, ինչը դատարանը բավարարել էր:

Այս անգամ պատասխանող կողմը ներկայացավ հայտարարությամբ, որով առաջարկեց հաշտության համաձայնագիր կնքել եւ միջնորդեց դատարանին' դատական նիստը հետաձգել: Պատասխանող կողմը չուներ հստակ առաջարկ եւ ակնկալում էր, որ կողմերը քննարկեն հաշտության համաձայնագրի կետերը: Հայցվոր կողմն առարկեց միջնորդությանը, քանի որ հայտարարությունը նախ վստահություն չէր ներշնչում եւ երկրորդ՝ ավելի շատ նպատակ էր հետապնդում դատական նիստը հերթական անգամ հետաձգելու: Ուստի դատարանը բավարարեց հայցվոր կողմի միջնորդությունը, եւ դատական նիստը կայացավ…:

Հայցվոր կողմը դատարանին ներկայացրեց հայցային պահանջները, ինչպես նաեւ դրանք հիմնավորող փաստական եւ իրավական հիմքերը' «Կենդանաբանական այգի» ՀՈԱԿ-ի տնօրեն Ռ. Խաչատրյանի կողմից թույլ տրված անօրինականությունները' անհիմն նկատողություններն ու աշխատանքից ազատման հրամանները, ինչպես նաեւ հայցի պահանջը' այն է հայցվորին վերականգնել աշխատանքում: Այնուհետեւ պահանջեց, որ պատասխանող կողմը հիմնավորի եւ ապացուցի իր գործողությունների օրինականությունը: Հաջորդ նիստին կողմերը համապատասխան ապացույցներ կներկայացնեն:

«Ամոթ» իշխանությանը

Թուրքիայի Սիիրթ (Սղերթ) և Էրուհ գավառների միջև ընկած ճանապարհահատվածում իրականացվող շինարարական աշխատանքների ժամանակ հայտնաբերվել է հայկական գերեզման:Ճանապարհահատվածին մոտ գտնվող Քայաբողազ գյուղի բնակիչները հայտնել են, որ դեռևս 2011 թվականից սկսված շինարարական աշխատանքների արդյունքում ի հայտ են եկել հայերին պատկանող շուրջ 100 գերեզման: «Գերեզմանի ոսկորները տարածքում էին թափվել: Մենք դրանք հավաքեցինք, սակայն այս իրադարձությանը ոչ մի ուշադրություն չդարձվեց: Կիսափոր գերեզմանից ոսկորները շարունակում են դրսից երևալ: Գիտենք, որ գերեզմանը պատկանում է հայերին: Գերեզմանից ավելի վեր կա նաև եկեղեցի: Այստեղ տարիներ առաջ հայեր էին ապրում, սակայն այժմ գյուղում ոչ ոք չկա»,-պատմել են գյուղացիները: Նրանք բողոքել են, որ արդեն շուրջ մեկ ամիս է՝ ապրում են բաց գերեզմանի հարևանությամբ, իսկ թուրքական իշխանությունները ոչինչ չեն նախաձեռնում այս կապակցությամբ: Գյուղի բնակիչներն իշխանությունների նման պահվածքը որակել են որպես իշխանությունների «ամոթ»և «մեղք»:«Անհրաժեշտ է, որ իշխանությունները հետաքրքրվեն այս հարցով: Պետք է տեղափոխել ոսկորները համախպատասխան վայր: Չի կարելի այսպես թողնել»,- դժգոհել են նրանք: Այս մասին տեղեկացնում է թուրքական Haber3 գործակալությունը: