Ռոմարիոն նախկին ակումբից կստանա 9 միլիոն դոլար

1994թ. աշխարհի չեմպիոն, Բրազիլիայի հավաքականի նախկին հարձակվող Ռոմարիոն հաղթող է դուրս եկել իր նախկին ակումբի` «Վասկո դա Գամայի» դեմ դատավարությունում, որը սկսվել էր ութ տարի ատաջ: 47-ամյա Ռոմարիոն պահանջում էր 29 միլիոն դոլար, որն ակումբը պարտք էր մնացել իրեն: Հայցը բավարարվել է մասնակի: Նախկին ֆուտբոլիստը կստանա 9 միլիոն դոլար: Ակումբը վճարումները կսկսի 2014թ. հունվարին եւ պարտքը կմարի 120 հավասար մասերով, հաղորդում է Sambafoot-ը:

Ռոմարիոն «Վասկո դա Գամայում» հանդես է եկել 2000-2001-ին եւ 2007-ին:

Նեմեցի ճչուն ագահության պատճառով մեր հավաքականը զրկվեց հոյակապ խաղացողից

Նեմեցի ճչուն ագահության պատճառով մեր հավաքականը զրկվեց հոյակապ խաղացողից ու ասենք ամենակատաղացնողը էս հարցում՝ էն մելչնիկությունն ա, որ դրսևորվել ա։ Ուրեմն, մենք մի հատ հայրենակից ունենք Ուրուգվայում՝ Մաուրո Գևգեոզյան, ով շատ հեռանկարային ֆուտբոլիստ է։ ՀՖՖ-ն հրավիրել է նրան մասնակցելու Հայաստան-Լյուքսսեմբուրգ ընկերական խաղին՝ մեր հավաքականի կազմում։ Մաուրոն համաձայնվել էր, միայն թե մեկ նախապայմանով՝ ՀՖՖ-ն պետք է գներ ինքնաթիռի բիզնես կլասսի տոմս, որովհետև Մաուրոն մոտ 20 ժամ պետք է թռներ դեպի նշանակության վայր ու ընդամենը մեկ օր էր ունենալու հանգստանալու համար։

Նեմեց դու Նեմեց, երևում ա մտածել էր, որ էդ մ 2 հազար դոլարը ավել տալուց ինքը կսննկանա ու էկոնոմ դասի տոմս էին ուղղարկել էս տղուն։ Մաուրոն էլ վիրավորվել էր նման վերաբերմունքից ու ճիշտ էլ արել էր, նշելով, որ երևում ա, որ ՀՖՖ-ն էդքան էլ չի գնահատում նրան ու չի ուզում տեսնել հավաքականի կազմում, ուստի նա հրաժարվում է մասնակցել խաղին, իսկ հավաքականին մաղթում է միայն հաղթանակներ։

Տո ասա այ Նեմեց, այ անաստված, մենակ Հարսնաքար սպանդանոցդ մի օրվա մեջ ա քեզ էդքան փող բերում, ո՞նց կարելի ա տենց մանր ու անմակարդակ մարդ լինել էդքան միլլիոնների մեջ...

Գվարդիոլան կզբաղեցնի Բավարիայի գլխավոր մարզչի պաշտոնը

Բոլոր կայքերի առաջին լուրը սա է: Հասկանալի է, իհարկե, Պեպը արդի ֆուտբոլային պատմության ամենատաղանդավոր ու հեռանկարային մարզիչներից մեկն: Նրա անհավանական 14 տիտղոսները Բարսելոնայի հետ հավերժ կմնան պատմության մեջ` որպես անհասանելի արդյունք: Բայց մտավախություն կա, որ Գվարդիոլան չկարողանա Բավարիայում աշխատել Բարսելոնայի պես: Թող չնեղանան Բավարիայի երկրպագուները, բայց այնտեղ չկա այն թիմային հոգին, որը տիրում է Բարսելոնայում: Ընդ որում, Գվարդիոլայի երկրպագուները նկատած կլինեն, որ բոլոր այն ակումբներում, որտեղ խաղացել է Պեպը, միշտ էլ ջերմություն է տիրել` թե Բրեշիայում, թե Բարսելոնայում, թե Ռոմայում...իսկ Բավարիայում այդպես չէ: Ճիշտ է Մյունխենյան թիմը անխափան մեխանիզմ է, բայց այնտեղ չկա այդ եղբայրական ջերմությունը...Ցավոք...Մաղթենք Պեպին հաջողություն:

Իսկ ինչ վերաբերում է Պեպի` Բարսելոնային դավաճելու` Ֆեյսբուքյան անիմաստ մեղադրանքներին, անհեթեթ է նրա հասցեին նման զրպարտող խոսքեր ուղղելը: Ի վերջո, Բարսելոնան Ռեալով չի փոխել: Այնպես որ,

ԿԵՑՑԵՍ, ՊԵՊ....

Յուրի Վարդանյանը Սպորտի նախարա՞ր

Operativ.am-ը անդրադարձավ օրեր առաջ մամուլում շրջանառվող այն լուրերին, թե ՀՀ նախագահական ընտրություններից հետո Սպորտի և երիտասարդության նախարար է նշանակվելու ծանրամարտի օլիմպիական չեմպիոն, ռեկորդակիր, ՀՀ նախագահի խորհրդական Յուրի Վարդանյանը:

«Դրանք ընդամենը խոսակցության մակարդակի ասեկոսեներ են. նախարարությունն էլ, նախարարն էլ բնականոն ռեժիմով աշխատում են, այդ լուրը այս պահին ուղղակի հերքում եմ.նման լուրերը պետք է ճշտել այն գերատեսչություններից, որոնք որ իրավասու են նման որոշումներ կայացնելու համար»,- Operativ.am-ի հետ զրույցում նշեց վերոնշյալ նախարարության հասարակայնության հետ կապերի վարչության պետը:

Հենրիխ Մխիթարյանը շուտով ճանաչվելու է ֆուտբոլի արքա

Դատելով հայկական լրատվամիջոցների հրապարակումներով՝ Հենրիխ Մխիթարյանը շուտով ճանաչվելու է ֆուտբոլի արքա: Նոր կայքերից մեկը գրեց, որ նա հանդիսանում է Եվրոպայի ամենահայտնի ֆուտբոլիստը:

Հարգելի գործընկերներ, ախր մեզ էտ կեղծ փառքը պետք չի: Մեզ պետք է այն իսկապես գեղեցիկ ու գրագետ ֆուտբոլը, որը ցուցադրում է Հենրիկ Մխիթարյանը: Ծայրահեղությունների մեջ մի ընկեք: Փոխարենը, եկեք բոլորս երկրպագենք մեր հավաքականի բոլոր ֆուտբոլիստներին ու մաղթենք նրանց նորանոր ձեռքբերումներ:

Իշխան Զաքարյան-Գագիկ Ծառուկյան մտերմությունը՝ սպորտի «կուսության» պահապա՞ն

Ինչո՞ւ Վերահսկիչ պալատը մինչ օրս ստուգումներ չի իրականացրել սպորտի ոլորտում. այս հարցը Սպորտի և երիտասարդության նախարարությունում հաստատված անառողջ մթնոլորտով մտահոգ շատերին է հուզում: Մեր հարցմանն ի պատասխան՝ Վերահսկիչ պալատից հայտնեցին, թե ստուգումներ իրականացվել են, և որ ՎՊ-ն այս նախարարությունը ստուգել է 2009-ին:

Բացում ենք 2009թ. ՎՊ հաշվետվության համապատասխան բաժինը. պատկերն ավելի քան հետաքրքիր է: Սպորտի և երիտասարդության նախարարության անվան տակ ստուգումներ են իրականացվել միայն «Երիտասարդական միջոցառումների կազմակերպման կենտրոն» ՊՈԱԿ-ում և «Համահայկական երիտասարդական միջազգային կենտրոն» հիմնադրամում, այսինքն՝ այնտեղ, որտեղ ՀՀԿ-ականներն են՝ Արսեն Քարամյան, Արմեն Սինանյան, երկուսն էլ՝ նախագահականին առնչություն ունեցողներ:

Սպորտը Հայաստանի Հանրապետությունում անձեռնմխելի բնագավառ է, և այնտեղ անգամ Վերահսկիչ պալատը իրավունք չունի մուտք գործել: Վերահսկիչ պալատի մամուլի պատասխանատու Աննա Վարդանյանն ասում է, թե իրենք չեն որոշում՝ որտեղ ստուգել, որտեղ՝ ոչ, Վերահսկիչ պալատի տարեկան ծրագիրը կազմում է Ազգային ժողովը: «Վերահսկիչ պալատը ստուգում է ըստ անհրաժեշտության, եթե նման անհրաժեշտություն կա, ստուգում ենք». սա պաշտոնական պատասխանն է:

Ստացվում է՝ Հայաստանի Հանրապետությունում մի առանձին ոլորտի անձեռնմխելիության ստատուս շնորհողը ոչ թե Վերահսկիչ պալատն է, որի ղեկավարը ինչ-ինչ հարաբերությունների մեջ է ոլորտը «նայողի» հետ և հենց այդ հարաբերությունների դինամիկայից ելնելով էլ ստուգումների տատանումներ է գրանցում, այլ՝ Ազգային ժողո՞վը (սա, իհարկե, եթե ՎՊ պաշտոնական պատասխանը «հալած յուղի» տեղ ենք ընդունում, սակայն իրականում ՎՊ-ն ինքն է կազմում իր տարեկան ծրագիրը, ներկայացնում Ազգային ժողովին, որտեղ այն քննարկվում է, ինչի ընթացքում, հնարավոր է, լինեն առաջարկություններ, բայց հիմնականում գործն ավարտվում է ընդամենը ներկայացվածին հավանություն տալով): Մեղավորը, ըստ ՎՊ-ի, փաստորեն, մեր օրենսդիրներն են, որ իրենց անգիտության, անտարբերության ու մի շարք այլ «ան»-երի պատճառով թույլ են տվել, որ սպորտի ասպարեզը մի տեսակ պետությունից անկախ, ինքն իրենով հիացած ու ինքնավստահ վիճակում շարունակի յուր գոյությունը, իսկ ոլորտի ղեկավարները, օգտվելով նման բացառիկ կարգավիճակից, իրենք իրենց է՛լ ավելի բացառիկների տեղ դնեն ու հաստատված բարքերը կատարելագործեն:

Թե ինչ փողեր են պտտվում այստեղ, ինչ գումարներ են կորչում այդ պտույտների ընթացքում և, որ ավելի հետաքրքիր է, ովքեր են կանգնած այդ պտույտների գլխին, և ում գրպանն է հոսում դրանց հիմնական մասնաբաժինը, այդպես էլ այս տարիների ընթացքում որևէ մեկը չի էլ փորձել պարզել: Հետաքրքրվելը տաբու է, խոսելը՝ տաբու, գործնական քայլեր ձեռնարկելը՝ հղի վտանգավոր և անկանխատեսելի հետևանքներով: Իսկ այդ ընթացքում մարզիկները, մարզիչները, սպորտի բազմաթիվ նվիրյալներ շարունակում են մնալ իրենց ներշնչած համոզման մեջ, թե սպորտին փող չի հատկացվում, իսկ եզակի հատկացումները պետության հետ կապ չունեն:

Ի՞նչն է պատճառը, որ Իշխան Զաքարյանը՝ այն նույն Իշխան Զաքարյանը, որ 2000-2004թթ. ղեկավարում էր Օլիմպիական կոմիտեն, այսինքն՝ մարդ, ով ավելի քան քաջատեղյակ է ոլորտից, ով ավելի քան լավ է տիրապետում ներքին խոհանոցին, ոլորտը վերահսկողների մախինացիոն հնարավորություններին, դրանց նպաստող սողանցքերի տեղերն ավելի քան լավ գիտի, չի համարձակվում մոտենալ սպորտին, ստուգել և տեսնել, թե պետբյուջեի գումարների գոնե 10 տոկոսը հասնո՞ւմ է մարզիկներին, թե՞ դա էլ է յուրացվում:

ՎՊ նախագահը սիրում է հաճախակի մի ֆիկտիվ նախադասություն կրկնել. «Թող ոչ ոք չփորձի Վերահսկիչ պալատը տանել սուբյեկտիվ դաշտ, դա չի լինելու»: Երբ Վերահսկիչը ստուգումներ իրականացրեց Արարատի մարզում, այդպես էլ որևէ լուրջ խախտում չգրանցվեց Արարատի քաղաքապետ Աբրահամ Բաբայանի հաշվեկշռում, այն դեպքում, երբ հենց նույն ժամանակահատվածում մամուլը ողողված էր նախկին ոստիկանապետ Ալիկ Սարգսյանի այս դրածոյի բազմաթիվ չարաշահումների բացահայտումներով: Ինչո՞ւ. որովհետև Իշխան Զաքարյան-Աբրահամ Բաբայան (Աբրիկ) մտերմությունը գալիս է դեռ այն ժամանակներից, երբ Զաքարյանը գլխավորում էր Օլիմպիական կոմիտեն և Բաբայանի գլխավորած «Այգ» մարզաբազայով փողեր էր, որ ֆռռացնում էր: Ֆռռացվող փողերի գիտակ ՎՊ նախագահը չտեսնելու տվեց իր երբեմնի պարտնյորի մախինացիաները ճիշտ այնպես, ինչպես արդեն որերորդ տարին շրջանցում է սպորտի ոլորտը:

2009-ի ՎՊ ստուգումը, ամենայն հավանականությամբ, ընդամենը նախազգուշական քայլ էր. այդ ժամանակ շրջանառվող լուրերի համաձայն՝ բավական լարված էին Իշխան Զաքարյան-Գագիկ Ծառուկյան հարաբերությունները: Ծառուկյանն, ասում էին, կատաղած էր իր երբեմնի պատգամավորի վրա այն բանի համար, որ նա, անտեսելով իր շնորհիվ ԲՀԿ ցուցակով պատգամավոր, հետո էլ ԱԺ փոխնախագահ դառնալու, հետո էլ ՎՊ նախագահ ընտրվելու փաստը, համարձակվում էր ԲՀԿ-ին հանձնված ոլորտներում ստուգումներ իրականացնել և ինչ-ինչ չարաշահումներ հայտնաբերել: Երբեմնի ղեկավարին կողմնակի ոլորտներով բարկացնելով հանդերձ՝ ՎՊ նախագահն, այնուամենայնիվ, չէր մոտենում Ծառուկյանի հիմնական ոլորտին՝ սպորտին: Ըստ երևույթին, հիշյալ լոյալությունն էր, որ ի վերջո գնահատվեց Ծառուկյանի կողմից՝ Իշխան Զաքարյանին Համահայկական խաղերի համաշխարհային կոմիտեի նախագահի աթոռի հանձնման ձևով: 2011թ. հուլիսից Ծառուկյան-Զաքարյան մտերմությունն այլևս վերականգնված էր և, բնական էր, որ Սպորտի և երիտասարդության նախարարության «կուսությանն» այլևս վտանգ սպառնալ չէր կարող:

Մեր տեղեկություններով՝ որպես Իշխան Զաքարյանի նվիրվածության առհավատչյա՝ Սպորտի և երիտասարդության նախարարությունում նրան կաբինետ է հատկացված, որը, սակայն, չի գործածվում, փակ է, բայց սրբորեն պահպանվում է: Մեր հարցմանն ի պատասխան՝ ՎՊ խոսնակն այս փաստը ժխտեց՝ հայտնելով, թե իրենց ընդամենը անցյալ տարի Համահայկական խաղերի կազմակերպման ժամանակ են հազիվ երկու կաբինետ տվել, և որ ինքն էլ ստիպված, տեղ չլինելու պատճառով աշխատում էր նախարարի մամուլի քարտուղարի կաբինետում: Ի տարբերություն 2009թ. ՎՊ՝ ձեռքի տակ եղած հաշվետվության, որտեղ առկա փաստերը միանգամայն այլ բան էին ապացուցում՝ այս պահին զաքարյանական VIP կաբինետի հաշվով առանձապես իրեղեն ապացույց չկա, և ասել անհնար է, թե պաշտոնական այս պատասխանն իրականում ի՛նչ արժե, սակայն սա այս պահին այդքան էլ էական չէ:

Իսկ էականը սպորտի ասպարեզի ներկա ողորմելի վիճակն է. բավական է հետաքրքրվել շարքային մարզիկներով, ենթակառուցվածքներով, ամեն ինչ պարզ կլինի, սակայն սա շատ ավելի տարողունակ և հետագա հրապարակումների ենթակա նյութ է:

Թե ինչ չարաշահումներ են թույլ տվել Սպորտի և երիտասարդության նախարարներից յուրաքանչյուրն այս տարիների ընթացքում, կարող է պարզել միայն այն մարմինը, որը կոչված է դրան: Թե ինչ խախտումներ, յուրացումներ և համանման այլ ապօրինություններ է թույլ տալիս ներկա՝ ինքն իրեն արդեն կիսաստված երևակայող և առյուծային հավակնություններ դրսևորող ներկա նախարարը, ավելի քան հետաքրքիր տեղեկություններ կարող է հաղորդել դարձյալ նույն Վերահսկիչ պալատը: Ընդ որում, մեր կողմից հավելենք, որ այդ տեղեկություններին ավելի քան անհամբեր սպասում են հենց սպորտի շատ ու շատ նվիրյալներ, սպորտով մտահոգ շատ ու շատ պարկեշտ հայեր, որոնց համբերության բաժակն, ի դեպ, արդեն լցվում է:

Թե ինչի՞ց է այդքան վախենում Իշխան Զաքարյանը, որ չի համարձակվում անգամ մոտ գնալ սպորտին, ասել անհնար է: Իհարկե, հասկանալի է, որ Զաքարյանն ինքն էլ վախենալու շատ բաներ կունենա (բավական է բացել «Հայկական ժամանակ» օրաթերթի՝ ՎՊ նախկին մամուլի խոսնակ Կարմեն Դավթյանին աշխատանքից ազատելու հենց հաջորդ օրվա համարը և կարդալ Ծաղկաձորի Մարզաբազան սեփականացնելու զաքարյանական պատումը, ամեն ինչ պարզ կլինի), բայց այդ ամենով հանդերձ, դժվար է հավատալ, որ դրանք այնպիսի բաներ են, որ Զաքարյանին լրիվ փակուղու առաջ են կանգնեցրել՝ ստիպելով գնալ Վերահսկիչ պալատի անաչառության վրա ստվեր գցող վերապահումների: Հատկապես, որ դեռ տարիներ առաջ խոսվում էր այն մասին, թե Զաքարյանն ավելի քան հարուստ «թղթապանակ» ունի Ծառուկյանի հետ կապված, և որ սրբորեն պահում է այդ թղթապանակն այն «սև օրվա» համար, երբ հանկարծ ու Օլիմպիական կոմիտեի ղեկավարը որոշի իրեն «փուռը տալ»:

Ուսեյն Բոլթի ընկերուհին լքել է նրան

Օլիմպիական 6-ակի չեմպիոն, 100 մետր վազքի աշխարհի ռեկորդակիր, ջամայկացի Ուսեյն Բոլթի ընկերուհի Մեգան Էդվարդսը լքել է արագավազորդին:

22-ամյա Էդվարդսը նման որոշում է կայացրել նրանց միջեւ եղած մեծ հեռավորության պատճառով: Նա աշխատում է Լոնդոնում՝ որպես հաշվապահ: Մեգանն ու Բոլթը ծանոթացել էին Լոնդոնի Օլիմպիական խաղերից առաջ, երբ նրանք մոդելի աշխատանք էին կատարում աթլետիկայի Ջամայկայի հավաքականի համար, գրում է bossip.com-ը:

«Ուսեյնը խնդրել էր, որ ես չլքեմ նրան, սակայն դա հնարավոր չէր: Շատ դժվար է սիրել, երբ ձեզ մեծ տարածություն է բաժանում: Նա ցանկանում էր, որ ես պարբերաբար մեկնեմ Ջամայկա, բայց ես այդպես չեմ կարող, քանի որ սիրելի աշխատաք ունեմ այստեղ: Ես պարզապես հասարակ աղջիկ եմ: Եթե ես հայտնի լինեի, հնարավոր է, որ մեր հարաբերություններն ավելի երկար կտեւեին»,- հայտարարել է Մեգան Էդվարդսը:

Սնեյդերի կինը հայտարարել է, որ իրենք լքելու են Իտալիան

Յոլանտե Սնեյդեր-Կաբաուն, ով «Ինտերի» կիսապաշտպան Ուեսլի Սնեյդերի կինն է, հայտարարել է, որ իրենք պատրաստվում են լքել Իտալիան արդեն իսկ հունվար ամսին.

- Մենք պատրաստվում ենք այլ երկիր տեղափոխվել, և դա կարող է տեղի ունենալ արդեն իսկ այս հունվար ամսին: Մենք հանգիստ տեղ ենք փնտրում, որտեղ կկարողանանք ընտանիք կազմել,- Յոլանտեի խոսքերն է մեջբերել La Gazzeta dello Sport-ը:

Միլանը ջնջել է Պատոյի անունը

Բրազիլիայի ազգային հավաքականի հարձակվող Ալեշանդրե Պատոյի անունը հեռացվել է իտալական «Միլանի» պաշտոնական կայքից, փոխանցում է Football Italia-ն:

«Միլանի» խանութներից հեռացվել են Պատոյի անունով բոլոր մարզաշապիկներն ու իրերը: Հունվարյան տրանսֆերային պատուհանի ժամանակ բրազիլացին, ամենայն հավանականությամբ, կվերադառնա հայրենիք:

Պատոյին ձեռք բերելու գլխավոր հավակնորդը աշխարհի ակումբային չեմպիոն «Կորինտիանսն» է, որը պատրաստ է 15 միլիոն եվրո առաջարկել հարձակվողի համար: 23-ամյա Պատոն 2007-ին բրազիլական «Ինտերնասիոնալից» է տեղափոխվել «Միլան»:

Անչելոտին կարող էր կորցնել աշխատանքը դեկտեմբերի սկզբում

«Պարի Սեն-Ժերմենի» գլխավոր մարզիչ Կառլո Անչելոտին դեկտեմբերի սկզբին կարող էր հեռացվել զբաղեցրած պաշտոնից, հայտնում է ֆրանսիական մամուլը։

Ֆրանսիայի մայրաքաղաքը ներկայացնող ակումբի սեփականատեր Նասսեր Ալ-Հելաիֆին դժգոհ էր թիմի արդյունքներից, ու նոյեմբերի վերջում կարգադրել էր ակումբի մենեջերներին ազատել աշխատանքից Անչելոտիին, եթե «Պարի Սեն-Ժերմենը» պարտվի «Պորտուին» Չեմպիոնների լիգայի խմբային փուլի 6-րդ տուրում։ Բարեբախտաբար, ՊՍԺ այդ խաղում հաղթանակ տոնեց ու դուրս եկավ Չեմպիոնների լիգայի փլեյ-օֆֆ փուլ առաջին հորիզոնականից։

Մենք որոշել ենք գնել Մեսսիին. Վենգեր

«Արսենալի» գլխավոր մարզիչ Արսեն Վենգերը խոսեց երկրպագուների սպասումների մասին, որոնք ցանկանում են հունվարին տեսնել թիմի որակական առաջընթացը՝ հաշվի առնելով, որ «Արսենալի» ներկայիս կազմը այդքան էլ ուժեղ չէ, որ կարողանա զբաղվել լուրջ խնդիրների լուցումներով:

«Ինչն եք դուք անվանում մեծ տրանսֆեր: Մենք հունվարին որոշել ենք գնել Մեսսիին և զարմացնել ձեզ» ասել է Վենգերը:

Playboy-ի մոդելը խոստովանել է, որ կարոտում է Նեյմարին

Բրազիլիայի հավաքականի եւ «Սանթոսի» հարձակվող Նեյմարի նախկին ընկերուհի, Playboy-ի մոդել Անամարան պատմել է, որ մինչեւ օրս կարոտում է 20-ամյա ֆուտբոլիստին:

«Մենք ծանոթացել էինք 2011-ին երեկույթի ժամանակ: Նեյմարը շատ յուրահատուկ անձնավորություն է եւ մենք շատ ընդհանուր բաներ ունենք: Հիմա մենք պարզապես ընկերներ ենք: Ես միշտ Նեյմարի երկրպագուն եմ եղել եւ հիացել եմ նրա խաղով: Ես մինչեւ օրս հիշում եմ նրա մասին»,- հայտարարել է Անամարան:

Հիմա Անամարան հայտնի մոդել է Բրազիլիայում: Նա հայտնի է դարձել բրազիլական Big Brother ծրագրի շնորհիվ, գրում է A Bola-ն:

Շարապովան Gangnam style է պարում (Տեսանյութ)

Ռուս թենիսիստուհի Մարիա Շարապովան, ով այժմ ապրում եւ մարզվում է ԱՄՆ-ում, Gangnam Style –ի ոճի տեսագրություն է նկարահանել։ Հոլովակում Մարիան ընկերների հետ ընդօրինակում է հարավկորեացի ռեպեր PSY-ին, հաղորդում է «7 дней» ամսագիրը։ «Դա Gangnam Style պարելու փորձ էր։ Որպես ապացույց շուտով կտեղադրեմ տեսանյութը», - գրել է Շարապովան Ֆեյսբուքի իր էջում։ «Ահա եւ հոլովակը։ Չէի կարողանում դեմքի լուրջ արտահայտույուն պահել։ Իսկ որեւէ մեկը կարո՞ղ է», - ավելացրել է թենիսիստուհին՝ իր բառերը լրացնելով տեսահոլովակով։

NEWS.am STYLE - ն ավելի վաղ հայտնել էր, որ ռեպեր PSY –ի Gangnam style երգի հոլովակն ամենանայվածն է YouTube –ի ողջ պատմության ընթացքում։ «Լայքերի» քանակը, որոնցով PSY – ն որոշել է իր մրցակիցների քանակը դեռեւս անցյալ ամիս, հասել էր 5 մլն 362 հազար 374 –ի։ Տվյալ ռեկորդը Գինեսի ռեկորդների գրքում արդեն գրանցված է որպես YouTube –ում ամենաշատը դուր եկած տեսահոլովակ։

Կգա ժամանակը, և ես կմտածեմ ապագայի մասին. Պիրլո

Թուրինի «Յուվենթուս»-ի 33-ամյա կենտրոնական կիսապաշտպան Անդրեա Պիրլոն իտալացի լրագրողներին հայտնել է, որ ֆուտբոլը շարունակում է կարևորագույն դեր խաղալ իր կյանքում: Ֆուտբոլիստը, սակայն, չի շտապում երկարաձգել գործող պայմանագրի ժամկետը:

«Իմ գործող պայմանագիրը ուժի մեջ կլինի դեռևս 1.5 տարի, և ես չեմ մտածում այն երկարաձգելու մասին: Կգա ժամանակը, և ես կմտածեմ ապագայի մասին:

Ես նախկինի պես հաճույքով եմ զբաղվում ֆուտբոլով` մշտապես այցելելով Իտալիայի և աշխարհի տարբեր քաղաքներ»,- հայտարարել է Իտալիայի ազգային թիմի ֆուտբոլիստը, ով հանդես է գալիս «Յուվենթուս»-ի կազմում 2011 թվականից: