Ի՞նչ անել գրիպից կամ սուր շնչառական վարակներից խուսափելու համար

Առողջապահության համաշխարհային կազմակերպության տվյալների համաձայն` եվրոպական տարածաշրջանի երկրներում ներկայումս դիտվում է գրիպանման հիվանդությունների աճման միտում: Ըստ նույն կազմակերպության հայտարարության` եվրոպական տարածաշրջանում վիրուսաբանական հետազոտություններում արձանագրվում են գրիպի վիրուսի ինչպես Ա, այնպես էլ Բ տեսակները:

ԱՀԿ եվրոպական տարածաշրջանի երկրներում գրիպի ակտիվության մակարդակը միանման չէ: Հիվանդության լայն տարածվածություն նկատվում է տարածաշրջանի արևմտյան և հյուսիսային հատվածներում: Արևելյան հատվածում գրիպի հիվանդացության ակտիվություն չկա:

Ընդհանուր առմամբ, տարածաշրջանում գրիպի ակտիվությունն աստիճանաբար աճում է: Գրիպի Ա տեսակի Ա(H1N1)պնդ09, Ա(H3N2) ենթատեսակները և Բ տեսակը շարունակում են զուգահեռաբար շրջանառվել, սակայն ներկայումս առավել շատ արձանագրվում է Ա տեսակի Ա(H1N1)պնդ09 ենթատեսակը:

Տարածաշրջանի երկրներում՝ Վրաստանում, Ադրբեջանում, Թուրքիայում, ինչպես նաև Ռուսաստանի Դաշնությունում, համաձայն Առողջապահության համաշխարհային կազմակերպության տվյալների, գրիպի և սուր շնչառական վարակների համաճարակային իրավիճակը լարված չէ:

Ինչ վերաբերում է Ամերիկայի Միացյալ Նահանգներում սուր շնչառական վիրուսային հիվանդությունների և գրիպի իրավիճակին, ապա այնտեղ ընթանում է գրիպի սեզոնային բռնկում, հիմնական շրջանառող շտամը վիրուսի Ա (H3N2) տեսակն է:

Հայաստանի Հանրապետությունում, դեկտեմբերի 24-ից առ այսօր գրիպի և սուր շնչառական վարակների համաճարակային իրավիճակը եղել է համեմատաբար հանգիստ: Ինչպես 2012-2013 թվականների, այնպես էլ 2011-2012 թվականների միևնույն ժամանակահատվածում նշված հիվանդություններով հիվանդացության մակարդակի աճ չի արձանագրվել:

Հանրապետությունում գրիպի դետքային համաճարակաբանական հսկողության շրջանակներում իրականացված վիրուսաբանական լաբորատոր հետազոտությունների արդյունքում բացահայտվել է, որ հանրապետությունում շրջանառվում է գրիպի վիրուսի Ա տեսակը:

Գրիպից կամ սուր շնչառական վարակներից խուսափելու համար ՀՀ առողջապահության նախարարությունը հիշեցնում է`

- խուսափե´ք հիվանդների հետ շփումից,

- եթե հիվանդ եք, ապա մնացե´ք տանը,

- եթե հիվանդ եք, հրավիրեք տեղամասային մանկաբույժին, թերապևտին կամ ընտանեկան բժշկին, մի´ զբաղվեք ինքնաբուժմամբ,

- հագնվե´ք եղանակին համապատասխան,

- պահպանե´ք հազի և փռշտալու վարվերակարգը,

- օգտագործե´ք հնարավորինս շատ հեղուկներ,

- հաճախակի օդափոխե´ք փակ տարածքները:

Գվարդիոլան կզբաղեցնի Բավարիայի գլխավոր մարզչի պաշտոնը

Բոլոր կայքերի առաջին լուրը սա է: Հասկանալի է, իհարկե, Պեպը արդի ֆուտբոլային պատմության ամենատաղանդավոր ու հեռանկարային մարզիչներից մեկն: Նրա անհավանական 14 տիտղոսները Բարսելոնայի հետ հավերժ կմնան պատմության մեջ` որպես անհասանելի արդյունք: Բայց մտավախություն կա, որ Գվարդիոլան չկարողանա Բավարիայում աշխատել Բարսելոնայի պես: Թող չնեղանան Բավարիայի երկրպագուները, բայց այնտեղ չկա այն թիմային հոգին, որը տիրում է Բարսելոնայում: Ընդ որում, Գվարդիոլայի երկրպագուները նկատած կլինեն, որ բոլոր այն ակումբներում, որտեղ խաղացել է Պեպը, միշտ էլ ջերմություն է տիրել` թե Բրեշիայում, թե Բարսելոնայում, թե Ռոմայում...իսկ Բավարիայում այդպես չէ: Ճիշտ է Մյունխենյան թիմը անխափան մեխանիզմ է, բայց այնտեղ չկա այդ եղբայրական ջերմությունը...Ցավոք...Մաղթենք Պեպին հաջողություն:

Իսկ ինչ վերաբերում է Պեպի` Բարսելոնային դավաճելու` Ֆեյսբուքյան անիմաստ մեղադրանքներին, անհեթեթ է նրա հասցեին նման զրպարտող խոսքեր ուղղելը: Ի վերջո, Բարսելոնան Ռեալով չի փոխել: Այնպես որ,

ԿԵՑՑԵՍ, ՊԵՊ....

Հիմա նորաձև է` բոլորը քլնգում են TV-ին

Այսօրվա լրատվականների մեծ մասը բացի նրանից, որ չունի ինքնուրույնություն, նաև անմակարդակ ու ցածրակարգ ծառայություն է մատուցում հանրությանը:

Նրանք, ովքեր կլոր տարի իրականացրել են Էլեկտրոնային լրատվականների մեդիամոնիթորինգ, կարող են փաստել, թե որքան քիչ են ոլորտում պրոֆեսիոնալները:

Լրագրողի նկատմամբ ձևավորված երբեմնի հանրօգուտ ասոցիացիաների դեմ այսօր պայաքարում են հենց անգրագետ լրագրողները: 

Վատ չէր լինի, քաղաքական և այլ ինստիտուտների չկայացվածության ու թերի լինելու մասին վերլուծություններ գրողներից շատերը մի պահ մտածեին լրագրողական ինստիտուտի ներկայիս տենդենցների մասին, որը ոչ պակաս կարևոր է դրական սոցիալական էֆեկտի կերտման ճանապարհին:

Հ.Գ. Հիմա նորաձև է` բոլորը քլնգում են TV-ին` համարելով այն դեգրադացնող ու զոմբիացնող... 

է հա ի՞նչ տարբերություն, թե որտեղից է դուրս գալիս անմակարդակ ինֆորմացիան ...

Ես կուզենայի, որ հայոց եկեղեցին մաքրվեր. Վարդան Ղուկասյան

168.am-ի հարցին, թե` որպես հավատացյալ, ի՞նչ եք կարծում` այսօր մենք ունե՞նք հավատքի խնդիր` հաշվի առնելով օրեցօր կառուցվող եկեղեցիները, Գյումրիի նախկին քաղաքապետ Վարդան Ղուկասյանը պատասխանեց. «Ես կուզենայի, որ հայոց եկեղեցին մաքրվեր: Մեզ պետք են ոչ թե հարյուրների հասնող եպիսկոպոսներ, այլ 5 կամ 1 եպիսկոպոս, որի աղոթքը բարձրանար առ Աստված:

Մինչև հոգևոր տունը չմաքրվի, աշխարհիկը չի մաքրվի: Ես դրա կողմնակիցն եմ և սպասում եմ, թե ե՞րբ կլինի դա: Հայոց եկեղեցին այլ աշխատանք ունի անելու: Ինքն ավելի լուրջ աշխատանք կարող է անի: Ես ուզում եմ տեսնել նմանատիպ հավատքով մարդկանց, հոգևորականների»:

Իսկ հարցին, թե հոգևորականի ճգնաժամ կա՞ այսօր Հայաստանում, Վ. Ղուկասյանը պատասխանեց. «Միանշանակ, մենք այսօր ունենք հոգևորականի պակաս, այն հոգևորականի, որի աղոթքը բարձրանում է առ Աստված»:

Վարդան Ղուկասյանի հետ ամբողջական հարցազրույցը կարող եք կարդալ «168 ԺԱՄ»-ի վաղվա տպագիր համարում:

Սեքսուալությունը` ըստ արյան խմբի

Մասնագետները վստահ են'կախված արյան խմբից, մարդիկ սեքսուալ իմաստով ունենում են բազմաթիվ նմանություններ: LN-ը կփորձի օգնել ձեզ կողմնորոշվել նաեւ այդ հարցում:

Եվ այսպես, արյան առաջին խումբ ունեցող կանայք չափազանց խանդոտ են, էգոիստ ու սեփականատեր: Փոխարենը նրանք հիանալի սիրուհիներ են, չեն վախենում ստեղծագործական տարր մտցնել ննջասենյակ: Ունակ են ոչ միայն տղամարդկանց անկողին քարշ տալու, այլև ստիպելու, որ ամուսնանան իրենց հետ: Հավատարիմ են լինում միայն այն դեպքում, եթե անկեղծորեն սիրում են:

Արյան առաջին խումբ ունեցող տղամարդկանց համար բնորոշիչ են գրեթե նույն հատկությունները, ինչ կանանց: Նրանք կարող են լինել կոպիտ սեքսի կողմնակիցներ: Հաճախ գիտակցաբար նետվում են սիրային եռանկյունիների, արկածների ու խնդիրների մեջ: Սիրում են արժանանալ կնոջը, և որքան ավելի դժվարհասանելի լինի նա, այնքան ավելի դուր կգա այսպիսի տղամարդկանց:

Արյան երկրորդ խումբ ունեցող կանայք մանկուց աչքի են ընկնում ճիշտ կենցաղավարությամբ ու մաքրասիրությամբ: Մեծանալով նրանք չեն փոխվում, շարունակում են ձգտել ամեն ինչում առաջինը լինել: Սեքսով զբաղվում են միայն լույսն անջատված ժամանակ և միայն դասական դիրքերով: Նրանք հաճախ կարող են ընդհանրապես սեքսի կարիք չունենալ, փոխարենը իմաստուն են ու հավատարիմ:

Արյան երկրորդ խումբ ունեցող տղամարդիկ ռոմանտիկներ են, կրքոտ ու հոգատար: Այսպիսի տղամարդկանց մասին գրեթե յուրաքանչյուր կին երազում է: Սիրում են իրենցից տարիքով մեծ կանանց, կարդացած են ու գիտեն' ինչպես վարվել կնոջ հետ: Անկողնում նրանք առավել հաճախ ենթարկվում են ընկերուհու կամքին:

Արյան երրորդ խումբ ունեցող կանայք սեքսի իսկական աստվածուհիներ են: Նրանք կարող են տղամարդու հետ առանձնանալ անմիջապես առաջին հանդիպումից հետո, բայց երբեք որևէ մեկը չի կարող նրանց թեթևամիտ անվանել: Նրանք սովորաբար շրջապատված են լինում հակառակ սեռի բազմաթիվ ներկայացուցիչներով: Սիրում են սիրով զբաղվել, սովորել նորը, ինչպես զուգընկերոջից, այնպես էլ կարդալով համապատասխան գրականություն:

Արյան երրորդ խումբ ունեցող տղամարդկանց, ինչպես էր նաև կանանց դեպքում, գրեթե հնարավոր չէ մերժել: Նրանք միշտ հասնում են իրենց նպատակին, լավ սիրեկաններ են ու գիտեն կանանց ու կյանքի գինը:

Արյան չորորդ խումբ ունեցող կանայք կարող են օրեր շարունակ սիրով զբաղվել: Սա կատակ չէ: Նրանք իրոք սիրում են դա: Միակ խնդիրն այն է, որ այս արյան խմբով կանայք հաճախ շատ ինքնաքննադատ են ու կարող են անկողնում ցանկացած անհաջողության վերագրել իրենց, եթե անգամ մեղավորը տղամարդն է եղել: Հաջողված ընտանեկան կյանք ունենալու դեպքում այս կանայք պահպանում են հավատարմությունը:

Արյան չորորդ խումբ ունեցող տղամարդիկ մաքսիմալիստ են ամեն ինչում: Նրանք պետք է ունենան ամենաթանկ ավտոմեքենա, ամենահարկի աշխատանք և ամենագեղեցիկ կին: Կարող են սիրով զբաղվել ինչպես մեքենայում, այնպես էլ աշխատավայրում: Միակ պայմանը ընկերուհու արտաքին տեսքն ու սեքսուալությունն են:

Տասը հրաշալի միտք Ավ. Իսահակյանից

1. Ճշմարտությունը ոտքով է գնում, սուտը՝ թևերով:

2. Մարդը ձգտում է նրան, ինչն անհնար է: Հետո սկսում է ողբալ, թե ինչո՞ւ է անհնարը՝ անհնար:

3. Կյանքի սափորը լիքն է աղի ջրով, որ ինչքան խմում ես, այնքան ավելի ծարավում, այրվելով խմում վերստին և զզվում, բայց բնավ չհագենում:

4. Կյանքն իր ծնած պահից գրավ է դրված մահի մոտ:

5. Վրեժը քաղցր բան է. թող բարոյախոսներն ինչ ուզում են՝ ասեն:

6. Միտքը մեռցնում է զգացմունքը:

Բայց երբեմն երկուսն եղբայրացած միմյանց հետ՝ տիեզերքն են գրկում:

7. Մարդ այնքան մեծ է, ինչքան որ նա ընդունակ է ուրիշներին սիրելու։

Երբ սիրում ես քո ընկերին, ավելի մեծ ես, քան եթե սիրես միայն քեզ՝ միայն քո ես-ը։

Երբ սիրում ես մի ամբողջ ժողովուրդ, ավելի մեծ ես, քան եթե սիրես միայն ընկերիդ։

Մարդկությունը սիրիր ― մարդկության չափ մեծ կլինես։

Տիեզերքը սիրիր ― տիեզերքի չափ մեծ կլինես։

8. Մարդ պետք է բնության մեջ ապրի, բնությունը զգա․․․

9. Զարմանալի հրաշք է հողը, հողի ուժը անսպառելի է․․․

Բնության մեջ մարդ իրեն բազմապատկված կզգա․․․

10. Մայրենի լեզվի բառերը մենք կը զգանք, կ՛ապրինք, իսկ օտար լեզուինը՝ կը հասկնանք, կը սորվինք և կը հիշենք:

Ավ. Իսահակյանի այս հրաշալի մտքերով Ֆեյսբուքի իր էջում կիսվել է Վիգեն Զարգարյանը:

Կանանց սեռական ակտիվ կյանքի ընդհատումն ու դրա հետևանքները

Պատկերացնենք' ինչ է կատարվում ակտիվ սեռական կյանքով ապրող կնոջ օրգանիզմում, երբ նրա ամուսինն ինչ-որ ժամանակով դառնում է անհասանելի կամ դժբախտաբար մահանում է: Խոսքը գնում է առողջ և կանոնավոր սեռական կյանքով ապրող կնոջ մասին, ով չունի սեռական խնդիրներ,- ասում է Սեքսոլոգների հայկական ասոցիացիայի անդամ, սեքսոպաթոլոգ Նարինե Ներսիսյանը:

Որոշակի շրջանից հետո չբավարարված սեռական պահանջը, աստիճանաբար հասունանալով, օրգանիզմում ստեղծում է ներքին լարվածության կամ դիսկոմֆորտի վիճակ: Այս վիճակը պայմանավորված է նյարդա-հորմոնալ մեխանիզմներով, չէ՞ որ սեռական ֆունկցիային մասնակցող համակարգերը աշխատում են նախկին ռեժիմով և դեռ չեն հասցրել հարմարվել նոր ռեժիմին: Ի հայտ է գալիս բարձր սեռազգայունություն. ամենաչնչին սեքսուալ գրգիռները կարող են սեռական ցանկություն հարուցել, երազների բովանդակությունը ստանում է էրոտիկ երանգավորում, մարմնի մեջ կա ինչ-որ անհասկանալի լարվածություն, դյուրագրգռություն, նյարդայնություն:

Կան կանայք, ովքեր սեքսուալ աբստինենցիայի վիճակը միանգամայն հանգիստ են տանում, բայց կան նաև այնպիսինները, ովքեր ոչ մի կերպ չեն կարողանում վերագտնել իրենց ներքին հանդարտությունը և ֆիզիոլոգիական կոմֆորտ վիճակը: Այս վերջին խումբ կանանց մոտ ի հայտ են գալիս կլինիկական նշաններ, որոնք խոսում են նյարդային համակարգի ներընդգրկման մասին: Դրանք են գլխացավերը, դյուրագրգռությունը, հուզական անկայությունը, արյան ճնշման տատանումները, շնչառության հետ կապված խնդիրներ, ցավերը սեռական օրգանների շրջանում և մարմնի տարբեր մասերում:

Հայազգի տղամարդկանց 90 տոկոսի փորը հասնում է Ցխինվալի

Սննդամթերքի խանութների դատարկ դարակներինն նայելիս՝ հասկանում ես, որ էս ազգաբնակչությունը մենակ նոր տարուն ա հաց ուտում… Մի 3-4 օր ուտում են՝ հետո ամբողջ տարի քա… մարսում։ Բա ինչի՞ ամենուր ու մանավանդ Facebook-ում քարշ էկող ուռո գլուխ «հայրենասերները» նման կոչ չեն անում՝ «Հայրենակիցներ, մի մոռացեք, որ ինչքան մեր հայրենիքը ազատ ու անկախ է, այնքան ավելի՝ թռվառ ու անտեր է։ Սիրեք մեր անտերությունը, քիչ լափեք նոր տարուն, մի թալանեք խանութները, մի տարեք լցրեք տուն ու գյոռմվեք»։ 

Բա… Ու նաեւ ասում են՝ «Փող չկա հաց առնենք», բայց հայազգի տղամարդկանց 90 տոկոսի փորը հասնում է Ցխինվալի, իսկ կանայք հետույքով ավլում են Ջհանդամ Դարասու ճանփեն հիշեցնող երեւանյան փողոցները… Շատերը մոռացել են, որ լափելուց մեռնելը հերոսի մահ չի։ Իսկական հերոսները մեզ մոտ սովից են մեռնում։

Զղջո՞ւմ ես...

-Զղջում ես?

-Զղջալ?Ինչի համար?Այն գեղեցիկ պահերի,այն երջանկության համար,որ ապրեցի այդ կարճ ժամանակահատվածում?Զղջալը կյանքում ամենաանօգուտ բանն է…Թեև հիմա նա'իմ կյանքի փոքրիկ այդ լույսը, վաղուց արդեն չի լուսավորում իմ ներկան, չի տաքացնում այս գրողի տարած ձմեռը, միևնույնն է ես զղջալու ոչ մի առիթ և պատճառ չունեմ.. Ոչինչ առհասարակ հնարավոր չէ շտկել:Մարդ ոչինչ չի կարող վերադարձնել. դա անհնար է, և պետք էլ չէ: Ուղղակի պետք է ապրել ու վայելել այդ ակնթարթը: Ակնթարթ,որը կարող է երբևէ էլ չկրկնվել,որը կարող է վերջանալ նույնքան հանկարծակի, որքան հանկարծակի և սկսվել էր: Եվ եթե այդ ակնթարթը սկսվելուց եղել ես <<այս աշխարհի ամենաերջանիկ մարդը>> պետք չէ վերջում զղջալ:

Զղջալ մեկի համար ով քեզ երջանկացրել է? Ով քեզ պարգևել է հեքիաթային վայրկյաններ? Ում հաղորդագրություններից ու զանգերից հետո այս աշխարհը քեզ համար ուղղակի երազ ու անիրական է թվացել? Միթե կարելի է զղջալ այդպիսի ակնթարթների համար…Ակնթարթներ, որոնք յուրաքանչյուր ուրիշը կերազեր նույնիսկ երազում տեսնել:Եվ միևնույնն է ինչքան է տևել այդ առասպելական ակնթարթը, դու ուղղակի քեզ պետք է համարես այս կյանքում այն հաջողակներից մեկը ով զգացել է ,թե ինչպես է շունչը կտրվում, սիրտը այնքան ուժգին բաբախում և թե ինչպես են ոտքերն ու ձեռքերը դողում քո այդ թվացյալ հեքիաթի հերոսին տեսնելիս: Եվ նշանակություն չունի, թե քո հեքիաթի հեղինակը ինչ վերջաբան է գրում: Ճիշտ է այդ վերջաբանը կարող է քո սրտով չլինել, քեզ ցավ պատճառել, բայց երբեք չի կարելի մոռանալ այդ հեքիաթի գեղեցիկ սկիզբն ու ընթացքը: Եվ ինչքան էլ ցավոտ լինի այդ հեքիաթի վերջը,միևնույնն է,միշտ հիշիր'երբ վերջանում է հեքիաթը, գիրքը պետք է փակել: Պետք է փակել և դնել այն պահարանում, որի բանալին միայն դու ունես: Եվ հավատա, որ դա ոչ առաջին, ոչ էլ վերջին գիրքն է, որը փոշոտվելու է այդ պահարանում:Գիտեմ'այդ գրքից բաժանվելը տխուր է, չէ որ այդ գրքի թեթերից չես գտնի և ոչ մի գրքում:Բայց միշտ հիշիր մի բան,կգա ժամանակ և այս աշխարհիս երեսին կգտնես մեկին, ով կգրի քո կյանքում կարդացած ամենագեղեցիկ հեքիաթը, որի գլխավոր հերոսը կլինես դու և որը կունենա ամենագեղեցիկ ու ամենասպասված վերջաբանը: Թերևս այդ ժամանակ, բացելով քո գրքերի պահարանը, դու մի պահ շնորհակալություն կհայտնես այն գրքերի բոլոր հեղինակներին, ովքեր տառասխալներ էին թույլ տվել իրենց գրքում:Եվ, որոնց տառասխալների շնորհիվ դու կարողացար գտնել քո հեքիաթի իրական հեղիանակին…

Յապոնչիկը ողջ է

«Առաջին լրատվական»-ի զրուցակիցն է շուրջ 27 գրքի հեղինակ, ուսումնասիրող, քրեագետ Սերգեյ Գալոյանը:

-Պարոն Գալոյան, օրեր առաջ ռուսական Росбалт լրատվամիջոցը հրապարակեց մի վերլուծություն այն մասին, որ քրեական աշխարհը հարաբերական լռությունից հետո կրկին սկսել է պատերազմի պատրաստվել. այս անգամ ծրագրում են կռվի բռնվել Ասլան Ուսոյանի կլանը, ինչպես նաև Ռովշան Ջանիևի ու Ջեմո Միքելաձեի գլխավորած միացյալ ընդդիմության կլանը: 2013 թ. «գողական» աշխարհում արյունալի պատերազմ սպասվո՞ւմ է:

-2013թ. կրիմինալ աշխարհում պատերազմ չի սպասվում, որովհետև պատերազմը սկսվել է 6-8 տարի առաջ: Սկսվել է այն ժամանակ, երբ սկսվեց աշխարհի խոշորագույն կրիմինալ աշխարհներից մեկի՝ ռուսական աշխարհի վերաձևավորումը, երբ հիմնական գործող անձը դարձավ Վյաչեսլավ (Յապոնչիկ) Իվանկովը: Պատերազմը սկսվել էր երկու հիմնական՝ ռուսական և վրացական (կովկասյան) թևերի միջև: Պատերազմի հիմնական իրադարձություններն արդեն խաղացվել են: Նպատակը երկու թևերի ազդեցության ոլորտների վերաձևավորումն էր, վերակազմավորումը ինչպես բոլոր իշխանություններում, այնպես էլ կրիմինալ աշխարհում: Լուրջ խմորումներ սկսվեցին 2008թ. մայիսի 2-ին գողական Կրասնոդարի երկրամասում գումարված «գողական գագաթնաժողովից» հետո: Այդ ժամանակ լուրջ հակադրություններ ի հայտ եկան: Ռուսական կողմը՝ Իվանկովի գլխավորությամբ, Ուսոյանի (Դեդ Հասանի) աջակցությամբ, ուզում էր իշխանություն գրավել, իսկ վրացական կողմը՝ Ջաբա Իոսելիանիի և Տարիել (Տարո) Օնիանիի գլխավորությամբ, ցանկանում էր իր կողմը գրավել իշխանությունը: Սակայն Ջաբա Իոսելիանին մահացավ 2003թ., որից հետո վրացական թևը ղեկավարում է Տարոն, որը բավականին բարդ իրավիճակում է, քանի որ հետախուզվում է իսպանական իշխանությունների կողմից, վրացական իշխանությունները նրա հետ գործարքի մեջ չեն մտնում: 2009 թ. հունիսի 13-ին Տարիել Օնիանիին ձերբակալում են 218 հազար դոլար շորթելու փորձ անելու համար: Նա այսօր բանտում է, բայց դա որևէ նշանակություն չունի, նա փակված վիճակում էլ ղեկավարում է:

Ռուսական թևի առաջնորդ Իվանկովի դիրքերը խարխլվեցին այն ժամանակ, երբ նրան սկսեցին չսիրել նաև իր կողմնակիցները, սկսեցին կասկածել: Գալիս էր սերունդների հերթափոխություն, և որոշ մարդիկ նրա շրջապատից ցանկանում էին ազդեցության ավելի մեծ ոլորտների հասնել, ավելի մեծ ֆինանսական պատառներ ստանալ: Քանի որ Իվանկովը շատ խելոք է, զգաց, որ ժամանակն է ընդհատակ անցնելու: Հենց սա առիթ դարձավ, որ նրա նկատմամբ մահափորձ կատարվի 2009 թ. հուլիսի 28-ին, և հոկտեմբերի 12-ին կատարվեց նրա շքեղ թաղումը լրատվամիջոցների համար՝ բեմականացում հավատացողների և չհավատացողների համար: Այդ շքեղ թաղման արարողության տեսանյութերը նայելով՝ ցանկացած ուշադիր մարդ կզգա, որ մարդ չեն թաղում, կատարվում է դագաղի հուղարկավորություն: Զարմանալի էր նաև, որ Իվանկովի մտերիմը՝ Դեդ Հասանը, ներկա չէր նրա թաղման արարողությանը: Ավելին՝ միայն մեկ ծաղկեպսակ էր ուղարկել: Քանի որ Յապոնչիկը դեռ գոյություն ունի, առաջին ջութակը նա է, թեև Դեդ Հասանը հեղինակություն է և կանգնած է Օնիանիի դեմ պայքարի առաջին գծում:

-Դուք համոզվա՞ծ եք, որ Յապոնչիկը ողջ է: Ամեն դեպքում, ռուսական կրիմինալ կայսրության ղեկը ազգությամբ եզդի Ասլան Ուսոյանի ձեռքում է: Հնարավոր համարո՞ւմ եք, որ որոշում կայացվի գահընկեց անել Դեդ Հասանին և, այսպես ասած, ռուսականացնել այդ աշխարհը: Իրադարձությունների նման զարգացումների դեպքում ի՞նչ ազդեցություն կունենան դրանք Հայաստանում:

-Ամեն ինչ հնարավոր է, որովհետև, եթե Դեդ Հասանին հզորությանը, գիտելիքներին համապատասխան մեկը, փոխարինող գտնվի, Հասանը դուրս կգա առաջին գծից: Հասանի կապը Հայաստանի հետ հետևյալն էր. ծնողները ծնվել են Ապարանի շրջանում, հետո փոխադրվել են Թբիլիսի, այնտեղ էլ ծնվել է Դեդը: Հայերի հետ նրա մյուս կապն այն է եղել, որ նա և Սվո Ռաֆը ամուսնացած էին հորեղբոր աղջիկների, քույրերի հետ: Դեդ Հասանը և Սվո Ռաֆը շատ մոտ էին: Հասանը միշտ գալիս է այստեղ Սվո Ռաֆի գերեզմանին:

Այսօր Հայաստանն այս իմաստով երկրորդական դեր կատարող է, որովհետև մեր ամենահիմնական խոշոր ֆիգուրը Սվո Ռաֆն էր, ով հիմա չկա, Ալիկ Մինալյանը (Սոչինսկի) ևս չկա:

-Ծագումով հայ քանի՞ հեղինակավոր «օրենքով» գող կա այսօր:

-Երկու-երեքը կան նոր սերնդից, որոնք կարող են դեր խաղալ. նոր ժամանակներ են գալիս, նոր գործընթացներ են տեղի ունենում այդ աշխարհի առջև, այսինքն՝ թալանելու և՛ ձևերն են փոխվում, և՛ նյութերը: Նրանք կգան, և կիմանանք, քանի որ Դեդ Հասանի մոտիկներն են՝ ռուսական թևից:

-Սվո Ռաֆից հետո կարծես հայերը դուրս մղվեցին կրիմինալ աշխարհի մեծ կայսրությունից, և առաջ եկան վրացիները, չեչեններն ու ադրբեջանցիները այն դեպքում, երբ ժամանակին հայերն ու վրացիներն այս իմաստով հավասար դիրքերով էին շարժվում այս աշխարհում: Ի՞նչ պատճառով ամայացում տեղի ունեցավ այս դաշտում:

-Ժամանակին Վանո Սիրադեղյանը այս երկրի համար արեց առավելագույնը: Նա արեց այնպիսի մի բան, ինչ ժամանակին արեց Դուչեն Իտալիայում, և ինչ որ արեց Վանոյից հետո Սաակաշվիլին Վրաստանում: Վանոն մաքրեց Հայաստանը տականքներից, որովհետև հայկական կրիմինալ աշխարհում շատ տականքներ կային: Սակայն հայկական գողական աշխարհի մեջքը դեռևս չի կոտրվել: Ես շատ ուշադիր եմ կարդում մամուլը՝ «Հայկական ուժ»-ի գործը շարունակվում է, նշանակում է, որ այդ հզոր երկրի համար դա հզոր ուժ է: Բայց Սվո Ռաֆի գիտելիքների, հզորության տեր մարդ դեռևս ասպարեզում իրեն ցույց չի տվել: 1999 թվականին, երբ ես գիրք հրատարակեցի, հաշվառված էր 156 «օրենքով» գող ամբողջ ԽՍՀՄ տարածում, տասը տարի հետո այդ ցուցակը հասավ 1000 մարդու, բայց այդպես չի լինում: Այս ցուցանիշը հիմնականում ավելացավ վրացիների շնորհիվ, նրանք սկսեցին գումար տալով առնել այս կոչումը: Այսինքն՝ կրիմինալ աշխարհը դուրս էր գալիս իր նախկին սկզբունքներից:

Անկախության տարիներին կրիմինալ աշխարհի վերաձևումն էր նաև այն, որ մեր կրիմինալ աշխարհն ու օլիգարխիան համարյա խառնվեցին իրար, իսկ դա սարսափելի է: Սրա վատն այն է, որ ամեն ինչ խառնվում է իրար: Օլիգարխները ոչ մի օրենքի չեն ենթարկվում: Եթե գողականների օրենքներին ենթարկվեին, ֆիզիկապես ոչնչացված կլինեին, որովհետև գողական աշխարհում կան «չի կարելի»-ներ: Հայաստանում օլիգարխներն ավելի մեծ անուն ունեն, քան գողերը, բայց ոչ հեղինակություն:

-Հնարավո՞ր է օլիգարխ-«օրենքով» գող հասկացությունները Հայաստանում հստակեցվեն:

-Հայ «օրենքով» գողերն անհանգստացնում են դրա համար, կրիմինալ աշխարհը կսկսի կամաց-կամաց մաքրվել նախ ներսից, հետո օլիգարխիան ստիպված կլինի ենթարկվել գողական աշխարհի օրենքներին: Ուշադիր կարդացեք թերթերը և կզգաք դա: Շատ են լինում միամիտ ինֆորմացիաներ, որ որևէ երկրում նրանցից մեկի գործերը չեն հաջողվել, հանկարծ Հայատսնաում շատ ճանաչված մարդու գործերը չեն հաջողվում ԱՄՆ-ում: Ինչո՞ւ է այդպես լինում: Ինչո՞ւ Armenian power-ը բռնվեց, և ԱՄՆ-ում այդքան մեծ գործ սարքվեց:

-Պարո՛ն Գալոյան, ինչո՞ւ կրիմինալ բարքերը տեղափոխվեցին հայկական բանակ:

-Պարզապես, կրիմինալ աշխարհը մարդկանց հետաքրքրում է, սկսում են հետաքրքրությունից, հետաքրքրությունը գալիս է ամեն ոլորտ է մտնում, դժբախտաբար, այս աշխարհը մտավ նաև բանակ: Եթե ժամանակին ճիշտ քննություններ իրականացվեին սպանությունների քննություններ, ամեն ինչ ճիշտ կլիներ:

-Ի՞նչ ծրագրեր ունեք, ի՞նչ գրքեր ունեք՝ պատրաստ հրապարակման:

-Արդեն պատրաստ ունեմ 9 գիրք, գրելու ընթացքում է ևս 6 գիրք: Ցանկացած տպարանատեր, հրատարակիչ, եթե ցանկանա, կարող է այսօր հրատարակել: Պատրաստ է նաև «Մարդկության քրեական քրոնիկոն» գիրքը, որը հետաքրքիր փաստեր է ներառում աշխարհի տարբեր ոլորտներում իրականացված հանցագործություններից: Մնացյալը նաև կենսագրականներ են՝ Փարաջանովի, ամերիկաբնակ հայտնի փաստաբանի, Մհեր Մկրտչյանի և այլոց մասին: