Հեռավորությունն է՞ր արդյոք, որ նրանց բաժանեց

Հետաքրքիր է… որքան հաճախ է այսպես պատահում… հանդիպում… հրապուրանք… սեր… բաժանում… հիշողություններ…

Հեռավորությունն է՞ր արդյոք, որ նրանց բաժանեց… օ ոչ, հեռավորությունը չի կարող արգելք հանդիսանալ սիրո համար… այն էլ նոր սկիզբ առած ու նոր բոցավառվող, բոցկլտացող ինչպես մի կրակ… ու, այնքան հույսեր արթնացնող… միշտ էլ լինում է էլի մի արգելք… այնքան սովորական, բայց և նույնքան էլ անհաղթահարելի… երևի իրոք, սիրո համար մի աներևույթ ու ոչ երկրային պահապան կա, որը միշտ արգելքներ է ստեղծում… ինչի՞ համար… կասեմ, թե ինչի… որպեսզի պահպանի

ու ուժեղացնի սերը… այո....Այո, ուժեղացնի, չէ որ սիրո համար արգելքներ են անհրաժեշտ… սերը դժվարություն ու արգելք է սիրում… դժվարություն ու արգելք հաղթահարել է սիրում… թախիծ է սիրում… երևի իրոք, սիրո քույրն է թախիծը, անբաժան… միշտ միասին… օրերով, ամիսներով, տարիներով… միշտ էլ այսպես է լինում… սեր…թախիծ… բաժանում… ու էլի սեր… էլի սեր ու թախիծ…

Հետաքրքիր է… հաճախ է այսպես պատահու՞մ… սեր… հույսեր… արգելք…. թախիծ… և հիշողություն… միայն հիշողություն ու աղջկա անմեղ շուրթերից հնչած մի խոստովանանք… 

ես քեզ սիրում եմ…

Ի՞նչ են ծխում մեր թեկնածուները, որ մոտները սենց գլյուկեր ա լինում

Ինձ համար ամենաակտուալ հարցը՝ կապված նախագահական ընտրությունների հետ, կայանում է նրանում, թե ի՞նչ են ծխում մեր թեկնածուները, որ մոտները սենց գլյուկեր ա լինում։ Օրինակ, վերցնենք քաղաքական դաշտի նորահայտ գիգանտ ու նախագահացու «Քաշաթաղ» ՀԿ նախագահ Ռոբերտ Սիմոնյանի մտքի մարգարիտը.

... Սահմանադրության մեջ հստակ ասվում է, որ Հայաստանի նախագահ կարող է ընտրվել 35 տարին լրացած, վերջին տասը տարում Հայաստանի Հանրապետության քաղաքացի հանդիսացող, մշտապես բնակվող և ընտրական իրավունք ունեցող յուրաքանչյուր ոք, ապա էլ ինչո՞ւմն է խնդիրը, ի՞նչ 8 միլիոն ընտրագրավի մասին է խոսքը...

Էհ պարոն Սիմոնյան ջան, որ 8 միլլիոն դրամի պարագայում են էսքան ծաղրածուներ հավաքվել, բա որ դա՞ էլ չլիներ, պատկերացնո՞ւմ եք, թե ի՞նչ կլիներ։ Այդ ժամանակ, մեզ մոտ առանց այն էլ վատ ընտրությունները կվերածվեին բրազիլական կառնավալի, որովհետև Ձեր տրամաբանության համաձայն, հանգիստ կկարողանային առաջադրել Աղի Հանքի գժեր, կայարանի բոմժեր և այլք։

Հետո, սահամանադրությունը հիմքն ա, իսկ գրավի պահը ոչ մի կերպ դուրս չի գալիս այդ հիմքի տիրույթից։ Վերցրեք ցանկացած երկիր, որտեղ գործում է ներկայացուցչական համակարգ ու ցույց տվեք, թե որտե՞ղ է սահամանադրությամբ ակնարկվում ընտրագրավի պահը։

Աներձագ ըլնի դեպուտատ սարքեն

Այ ժողովուրդ, մի բողոքեք, Երևանի քաղաքապետարանը ձունը չի մաքրելու, դրանից ՓԻԱՌ չկա: Այ սիրամարգ ըլնի տեղադրեն, լուսեր լինի տեղադրեն, տոնածառի լուս վառեն, աներձագ ըլնի դեպուտատ սարքեն, թե չէ ինչ աղ ու ավազ, ինչ ձուն, ձունը հարամ բան ա, անեցք ա...

Առաջարկս փիառներիդ վնաս չի տարբերակով, խորհուրդ կտայի ձնամաքրման չորեքշաբթի կազմակերպեիք, ու ինչի չէ, քաղաքապետն էլ մի լապատկա ձեռը վերցներ ու սկսեր մաքրել քաղաքը, սաղի հետ միասին

Նյու Յորքի թերթերից մեկը հրապարակել է զենք ունեցող բնակիչների հասցեները

Նյու Յորքի The Journal News թերթն իր կայքում հրապարակել է զենք ունեցող բնակիչների անուններն ու բնակավայրերի հասցեները։ Վեսթչեսթեր և Ռոքլենդ շրջանների հարյուրավոր բնակիչներ ցնցված էին՝ գտնելով իրենց անունն այդ ցուցակում, հայտնում է Правда-ն՝ վկայակոչելով ABC News-ին։

Իմանալու համար տարածքում զենք ունեցող կա, թե ոչ՝ բավական է շրջանի քարտեզի ցանկացած կետում նշում կատարել։

Հոդվածի վերաբերյալ եղել է ավելի քան 500 մեկնաբանություն, որոնք հիմնականում քննադատել են կայքին՝ անձնական տեղեկություններ հրապարակելու համար։ Բոլոր անուններն ու հասցեները ստացվել են բաց աղբյուրներից։

Ամսագրի խմբագրությունը հայտնել է, որ իր ընթերցողներին «հետաքրքիր կլինի իմանալ, թե իրենց հարևաններից ով ունի զենք»։

Գագոյից Սերժին

«Երեկ երեկոյան «Օջախ» ռեստո­րանային համալիրում տեղի է ու­նեցել Հայաստանի օլիմպիական կոմիտեի կազմակերպած հայ մարզիկների և մարզիչների պարգևատրման ամենամյա արարողությունը, որին մասնակցել է նաև Սերժ Սարգսյանը: Նա մի շարք պարգևներ է հանձնել տարվա լա­վագույն մարզիկներին: ՀԱՕԿ նա­խագահ, ԲՀԿ առաջնորդ Գագիկ Ծաոուկյանն էլ մարզաշխարհի անունից թանկարժեք ոսկերչա­կան նվեր է հանձնել Սերժ Սարգսյանին հայտարարելով, որ ինչպես «նախագահը» մրցանակ­ներ հանձնեց մարզիկներին, այն­պես էլ ինքը' մարզաշխարհի անունից նվեր պետք է հանձնի «մեր նախագահին»:

Ռոբերտ Քոչարյանը, որը ևս հրավիրված է եղել միջոցառմա­նը, ներկա չի եղել: Քոչարյանի գրասենյակի ղեկավար Վիկտոր Սողոմոնյանը լրատվամիջոցնե­րին հայտնել է, որ իր ղեկավարը հանրապետությունում չէ, և դա է բացակայության պատճառը»,- գրում է «Հայկական Ժամանակ» օրաթերթը և հիշեցնում, որ անցյալ տարի' ավանդական այս միջոցառման ժամանակ Գագիկ Ծառուկյանը Ռոբերտ Քոչարյանին և Սերժ Սարգսյանին ադամանդյա շղթա­յով հովազներ էր նվիրել:

«Միջո­ցառմանը ներկա չի եղել Հայաս­տանի ֆուտբոլի ֆեդերացիայի նախագահ Ռուբեն Հայրապետյա- նը, որը երեկ իր դժգոհությունն էր հայտնել Մարզական լրագրողնե­րի հանրապետական ֆեդերացի­այի հրապարակւսծ հարցման արդյունքների վերաբերյալ, ըստ որի’ 2012-ի լավագույն մարզիկ­ների լավագույն տասնյակում ոչ մի ֆուտբոլիստ չի ընդգրկվել»,- եզրափակում է «ՀԺ-ն»:

Պոռնոաստղը սպառնում է իտալացի ֆուտբոլիստներին

Իտալական ֆուտբոլում հասունանում է հերթական սեքս-սկանդալը:

Հանրահայտ պոռնոաստղ Լեա դի Լեոն պատրաստվում է գիրք հրատարակել, որում ցանկանում է բացահայտել իր հետ երբևէ կապ ունեցած ֆուտբոլիստների սեքսուալ գաղտնիքներն ու նախասիրությունները: Հայտնի է, որ սկանդալի կիզակետում կարող են հայտնվել Ինձագին, Լուկա Տոնին, Մասիմո Ամբրոզինին, Յակվինտան, Գալանտեն: Լեա դի Լեոն հայտարարել է, որ ցուցակը շատ մեծ է:

Տեղեկատվություն է հայտնվել այն մասին, որ պոռնոաստղը շանտաժի է ենթարկում ֆուտբոլիստներին՝ պահանջելով 10.000-40.000 եվրո:

Ինչի՞, Սամվել Ալեքսանյանն օլիգա՞րխ է. Սերգո Կարապետյան

Գյուղատնտեսության մեջ օլիգարխներ չկան: Երեկ նման հայտարարություն արեց գյուղատնտեսության նախարար Սերգո Կարապետյանը՝ պարզաբանելով, որ հողերի խոշորացումն անհրաժեշտ է ավելի արդյունավետ գյուղատնտեսություն վարելու համար:

«Առաջին լրատվական»-ի դիտարկմանը' ձկնաբուծությունում Սամվել Ալեքսանյանն է գործունեություն սկսել, Ս. Կարապետյանը հակադարձեց. «Ինչի՞, ինքը օլիգա՞րխ է: Այսօր գիտե՞ք քանի ձկնաբուծական տնտեսություն կա հանրապետությունում: Այսօր մենք ունենք մոտ 250 ձկնաբուծական տնտեսություն»:

Ս. Կարապետյանը փորձեց նաև փարատել մանր ձկնաբուծարանների մտավախությունը, ըստ որի' խոշորների ստեղծման հետևանքով իրենք կսնանկանան. «Մտավախություն թող չունենան, մանրերը պետք է զարգանան, մանրերը պետք է իրենց պայմանները բարելավեն, իրենց տեխնոլոգիաները համապատասխանեցնեն այսօրվա պահանջներին, որպեսզի գոյատևեն»:

Անցած տարի ոլորտի արտադրանքի ծավալը կազմել է 1150 տոննա, այս տարի՝ 2000 տոննա, իսկ հաջորդ տարի նպատակ կա ծավալները եռապատկելու: Մեր հարցին՝ հնարավոր կլինի՞ նման ծավալներն իրացնել, Ս. Կարապետյանը պատասխանեց, որ շատ մեծ պահանջարկ կա Ռուսաստանում:

Ձկնաբուծությունում ջրի կորուստները նվազեցնելու համար նախատեսվում է նորագույն տեխնոլոգիաներ ներդնել և կիրառել ջրի փակ կամ կիսափակ ցիկլով արտադրություն, որպիսին գործում է եվրոպական շատ երկրներում, ինչի արդյունքում ջուրը կխնայվի 70-80%-ով:

Ն. Բասկովին «խառնել են կեղտի հետ»

Ռուս հայտնի երգիչ Նիկոլայ Բասկովը հայտարարել է, որ բոյկոտում է НТВ հեռուստաալիքը և այսուհետ ու այլևս ոչ մի դեպքում չի համագործակցի այդ հեռուստաալիքի հետ: «Ինձ համար պարզապես այլևս գոյություն չունի НТВ հեռուստաալիքը. դա սկզբունքի հարց է»: Այս մասին երգիչը գրել է Թվիթերի իր բլոգում: Կոնֆլիկտի պատճառ է դարձել երգչին նվիրված ֆիլմը, որը ցուցադրվել է «Անկեղծ խոստովանություն» հաղորդման շրջանակներում և ստացել «Ճշմարտություններ և ստեր Նիկոլայ Բասկովի մասին» վերնագիրը:

Ֆիլմում լրագրողները բացահայտել են Բասկովի գաղտնիքները' սկսած այն բանից, թե որքանո՞վ է Բասկովը «իրական շիկահեր» և վերջացրած օպերային բեմի պրեֆեսիոնալների մեկնաբանություններով' կապված Բասկովի' օպային լավ երգիչ լինել-չլինելու փաստի հետ: Նրանք բաժանվել են երկու մասի. մի մասը կարծում է, որ Բասկովն ընդհանրապես օպերային ձայն չունի, մյուսները' որ նա իսկական տաղանդ է: Ֆիլմում նաև քննարկման է դրվել Բասկովի սեռական կողմնորոշվածության հարցը: Երգիչը հայտարարել է, որ այս ֆիլմում իրեն «խառնել են կեղտի հետ»:

Շոու-բիզնեսի մի շարք ներկայացուցիչներ աջակցել են Բասկովի բոյկոտը. Նրանց շարքում են Տինա Կանդելակին, Լերա Կուդրյավցևան, Անաստասիա Վոլոչկովան և այլք:

Համացանցում հայտնվել է նաև մի հարցազրույց' Բասկովի նախկին կնոջ' Սվետլանա Շպիգելի հետ: Շպիգելն ասել է, որ Նիկոլայը ժամանակ չի գտնում նույնիսկ իր որդի Բրոնիսլավի հետ հանդիպելու համար: Կայքերից մեկն էլ գրում է, որ որդուց վերցրել են հոր ազգանունն, ու նա դարձել է Բրոնիսլավ Շպիգել:

Ջերմ ժամադրությունները ցուրտ եղանակին...

Սուր զգացողություններ, կրքոտ հիշողություններ...ահա, թե ինչ ես մտածում դու տանն, աշխատավայրում և տրանսպորտում: Միապաղաղ առօրյան և սիրելի հետ հանդիպման ընդունված ձևերը կոտրելու մեծ ցանկություն ունես, ուրեմն' շարունակիր կարդալ ;)

Պատրաստեց Գայանե Ասրյանը

Ձմռանն այգեպուրակային ժամադրությունները գրեթե անհնար են դառնում: Դուք արդեն բավականին երկար ժամանակ է' հանդիպում եք և գիտեք' ինչքան կարևոր է հարաբերություններին նոր երանգներ հաղորդելը՝ անգամ ժամադրությունների դեպքում: Ահա ձմեռային հանդիպումներն էլ ավելի բուռն ու հետաքրքիր դարձնելու մի քանի տարբերակներ:

Ուղևություն հեռավոր գյուղ

Ձեր ընկերները և ծանոթները հաստատ հեռավոր գյուղերում բարեկամներ կունենան, որոնց միջոցով հնարավոր կլինի գտնել գյուղերում անբնակ տներ: Հենց այստեղ դուք հնարավորություն կունենաք մի քանի ժամով հայտնվել հեքիաթում: Լքված տուն, թույլ վառվող լամպ, տաք վառարան, որի վրա սուրճն է պատրաստվում և գաթաներ...

«Ընկերս առաջարկեց գնալ իր ծննդավայր, որտեղ իրենց փոքրիկ գյուղական տունն է: Չէի պատկերացնում, որ առնվազն 6 ժամ ճանապարհ ենք գնալու, այնքան հոգնած էի, որ թեյ խմելուց հետո անմիջապես քնեցի: Անմոռնալի էր...»

Տաթևիկ, 28 տ.

Բուխարու դիմաց ճոճվող բազմոց

Բուխարին մերձեցնող հատկություն ունի, եթե ձեր բնակարանում նման հնարավորություն չկա, պետք չէ հուսահատվել: Վերցրեք հեռախոսը և զանգեք հյուրանոցներ քաղաքում կամ քաղաքից դուրս: Պայմանավորվելուց հետո չմոռանաք շամպայնի և մրգերի մասին...Ջերմորեն գրկախառնվեք և հավերժական սիրո խոստովանություններ արեք...

«Ընկերներիցս մեկի տուն ենք գնում և բուխարու առջև գինի խմում: Գրկախառնություններից, համբույրներից հետո սկսում ենք երազել մեր ապագա տան մասին, որն անպայման ունենալու է հենց նույն բուխարուց և,երբ երեխաները գնան քնելու, մենք սիրով վերհիշելու ենք այս օրերը»:

Մելինե, 24 տ.

Դաշտային ծաղիկներով բուրող լոգարան

Լոգարան բոլորն ունեն, և այս տարբերակը հեշտ իրագործելի է: Քանի որ ձմռանն ամեն կերպ ցանկանում ենք վերհիշել ամառը, ուրեմն սկսեք փնտրել ծաղիկների այն բույրերը, որոնք ամենաշատն են տպավորված ձեր հիշողության մեջ: Բուրումնավետ մոմեր, հոտավետ ծաղիկների թերթիկներ, որոնք լողում են ջրի վրա և անկեղծություն: Անգամ եթե նա մի քիչ շփոթվի, միևնույն է՝քո այս մտահղացումը չգնահատել չի կարող...

«Չեմ գալիս, ու՞ր ես ինձ տանում, մենակ գնա լվացվելու»,-նման բառեր ասաց ինձ Գարիկը, երբ նրան առաջարկեցի միասին գնալ լոգարան: Ասացի նրան, որ լույսերը չեն աշխատում և թող լուսավորի հեռախոսով: Մտանք լոգարան, և նրա շունչը կտրվեց. «Աչքերիս չեմ հավատում»: Երջանիկ էինք երկուսս էլ, ինձ հաջողվեց հաճելիորեն զարմացնել նրան»:

Աստղիկ, 26 տ.

Արևածագ մեքենայի մեջ

Եթե ունեք մեքենա, այս տարբերակը հատկապես ձմռանն ամենահեշտ իրագործելին է: Եթե չունեք, կարող եք վարձակալել ու սլանալ հեռու՜, շա՜տ հեռու և դիմավորել արևածագը: Նոր բացվող առավոտվա ցուրտը և իրար տաքացնելու անհագ ցանկությունը ևս մեկ անգամ «Տիտանիկ» խաղալու հնարավորություն կտա քեզ...

«Գողացանք նրա հայրիկի մեքենան և գնացինք Գառնի: Անջատեցինք հեռախոսները և մեքենայի մեջ մի ամբողջ գիշեր անցկացրեցինք: Լուսաբացին զգացինք, որ մրսում ենք...պատժվեցինք գրիպով»:

Քնար, 22 տ.

Հ.Գ. Սրճարաններն ու թեյարանները միապաղաղ են, իսկ շենքերի տանիքներն ու այգիները այս եղանակին վտանգավոր առողջության համար: Երևակայիր ձմեռային վայելքների նոր տարբերակներ և այս ցրտին ջերմորեն պահպանիր ձեր զգացումունքները...

Ինչպես են երևանյան խանութները խաբում գնորդներին՝ sms-ների միջոցով

Ինչպես տեղեկացնում է ՀՀ Տնտեսական մրցակցության պետական հանձնաժողովը, «Արայ» և «Տեխնոլայֆ» ընկերությունները մեղադրվում են հնարավոր անբարեխիղճ վարքագծի համար։

Նշված ընկերությունները հարյուրավոր մարդկանց ուղարկել են sms հաղորդագրություն հետևյալ բովանդակությամբ. «Շնորհավորում ենք, դուք ընտրվել եք որպես եզակի ակցիայի մասնակից: Ներկայացրեք այս SMS-ը ցանկացած «Արայ» վաճառասրահ և ստացեք մինչև 100 հազար դրամ զեղչ: 010222513»: Նույնաբովանդակ հաղորդագրություն ուղարկվել է նաև «Տեխնոլայֆ» խանութի կողմից։ Ակցիայի վերաբերյալ մանրամասներ ճշտելու համար հնարավոր չի եղել միանալ նշված հեռախոսահամարին: Հաղորդագրություն ստացած շատ քաղաքացիներ, գայթակղվելով առաջին հայացքից բավականին շահավետ առաջարկից, այցելել են վերոնշյալ խանութների վաճառասրահներ, որտեղ պարզվել է, որ ակցիան տարածվում է հատուկենտ, առավելապես բավականին բարձր գնային շեմ ունեցող ապրանքների վրա, որոշ ապրանքների վրա գործում է 5-20 տոկոսի չափով զեղչ' վիճակախաղի սկզբունքով, իսկ շատ այլ ապրանքներ ընդհանրապես զեղչված չեն եղել: Ընդ որում նույն պայմաններն ու գնային առաջարկները գործել են նաև այն հաճախորդների համար, ովքեր sms հաղորդագրություններ չեն ստացել: Հանձնաժողովը հսկիչ գնման միջոցով ձեռք է բերել որոշ ապրանքներ, որոնց վրա որևէ զեղչ չի գործել: Համաձայն օրենքի, ապրանքի գովազդման կամ իրացման ընթացքում թերի, կեղծ կամ ոչ լիարժեք տեղեկությունների նշումը կամ այնպիսի տվյալների բացակայությունը, որը սպառողին հնարավորություն չի տալիս կազմելու ամբողջական պատկերացում, համարվում է հասարակության մոլորեցում: Հանձնաժողովի դիտարկմամբ, «Արայ» և «Տեխնոլայֆ» ընկերությունների կողմից կազմակերպված իբրև թե եզակի ակցիայի մասնակից ընտրված լինելու մասին սպառողներին հաղորդագրություններ ուղարկելը և մինչև 100 հազար դրամ զեղչ ստանալու հնարավորություն առաջարկելը, կարող է ապակողմնորոշել և մոլորեցնել սպառողներին: Վարույթի ընթացքում կուսումնասիրվի ընկերությունների վարքագիծը, որից հետո Հանձնաժողովը կհրապարակի իր որոշումը: