Լիլիթ Հովհաննիսյանի նոր հոլովակը խորը զզվանք է առաջացնում

Ես նորմալ մարդ եմ. կեղծ բարեպաշտ չեմ, սիրում եմ գեղեցիկ էրոտիկան. երաժշտության մեջ բարդույթներ ու սահմանափակումներ չունեմ, լրիվ բաց եմ ինչպես հայկականի, այնպես էլ արտասահմանյանի համար, պրակտիկորեն բոլոր ուղղություններում. ու առհասարակ ոչ կոսմոպոլիտ եմ, ոչ էլ ազգայնամոլ: Բայց Լիլիթ Հովհաննիսյանի նոր երգ-կլիպը` «Armenian girl» (ինչպես և մյուսները) ոչ մի տեսանկյունով մոտ չի գալիս ինձ: Խորը զզվանք է հարուցում միայն: Վավաշոտության տարափը խեղդում է էրոտիկայի բոլոր (հնարավոր) տարրերը: Երգի մեղեդին` գորշություն: Իսկ տեքստը… Տղան իմանում է, որ աղջիկը հայ է, ու ասում է. «Wow that՛s cool, էդտեղից չե՞ն Կարդաշյանները»: Ու աղջիկը պատասխանում է.

«Yeah, but hold on
Just relax don՛t move on
You can՛t mess with me baby
Mess with me just for fun
You don՛t know it yet
The ambitions of armenian girls»:

Այսինքն` իբր օջախի աղջիկ հայուհի է, հա՞: Ու ինչքանո՞վ է էդ պատասխանը համատեղելի նրա ծփացող վավաշոտության հետ: Մանավանդ սեղանի վրայի տեսարանում…

Դեմքի շպարն էլ, ոնց որ միշտ, թանձրախեղդ ու անբնական: Մարզադահլիճում պարող տղեքի ձագը կախ շալվարների մասին էլ չասեմ...

Ալթայից արտաքսել են հայ քրեական հեղինակության

Ռուսաստանի Ալթայի երկրամասից մեծամասնությամբ արտաքսվում են Տաջիկստանի, Ուզբեկստանի, Ղրղըզստանի և Ղազախստանի քաղաքացիները: Այս մասին հայտնում է «Амител»-ը:

Հարկադիր արտաքսման ենթակա մարդկանց կազմը շատ տարբեր է՝ ՌԴ-ի տարածքում մնացած ձախողված աշխատանքային միգրանտներից մինչև քրեական աշխարհում համապատասխան հեղինակություն ունեցող անձինք:

Փոխանցվում է, որ միայն 2014թ. մայիսի 1-ի եռամսյակում պետական սահմանից հարկադիր արտաքսել են օտարերկրացի 40 քաղաքացու, որոնք անօրինական ճանապարհով գնտվել են ՌԴ-ի տարածքում: Նրանց թվում է նաև ՀՀ քաղաքացի քրեական հեղինակություն, ով խախտել է միգրացիոն օրենսդրությունը:

Դեռևս 28 անօրինական ներգաղթյալներ սպասում են իրենց հերթին՝ Ռուսաստանի Ալթայի երկրամասի ԴՄԾԳ-ի (Դաշնային միգրացիոն ծառայության գրասենյակ) ժամանակավոր կացարանում:

Միապետություն ենք հիմա

Համաձայն նրա, որ Հայաստանը կոչված է Հանրապետություն, ըստ այդմ երկրի նախագահ պետք է ընտրվի ժողովրդի ընտրյալը, այսինքն այն մարդը, որին կնտրի ժողովուրդը, բայց ներկայիս իրավիճակը վերլուծելով գալիս եմ եզրահանգման, որ հեչ էլ Հանրապետություն չենք, կոպիտ ասած Միապետություն ենք հիմա, այսինքն իշխանությունը փոխանցվում է էլի կոպիտ ասած "ժառանգաբար", այսինքն նախկին նախագան, ինքն է որոշում, նորից վերընտրվի թե չէ, կամ թե ով պիտի փոխարինի իրեն...բա էսքան խոսում ենք ընտրակեղծիքներից և ընտրախախտումներից, է ինչի լուրջ չենք վերաբերվում...բոլորը, բացի ներկայիս իշխանավորներից, արծարծում են այս թեման, բայց մենակ ասելով չի է, եթե իրոք վստահ եք, որ նման բան կա, բա ուր մնաց Ձեր թասիբը? հելեք գնացեք Ձեր քվեին տեր կանգնեք, բոյկոտեք ու ամենակարևորը էն ա, որ ազգովի պիտի գլուխ բարձրացնենք, այլ ոչ թե ինչ-որ մի ստվար ակտիվ զանգված...նստած տներում, բողոքում բողոքում եք...ժամանակն է գլուխ բարձրացնել էս անարդարությունների դեմ, եթե ոչ, ուրեմն սուսուփուս նստեք տեղներդ...էս երկրին վախկոտ 'դուխովներ' պետք չեն ու քանի էտ հոգեբանությունը մեջներիցդ չեք հանել, միշտ էլ ականատես եք լինելու անարդարությանը.

Աշոտ Գիզիրյանը հրաժարականի դիմում է ներկայացրել

Հետընտրական կադրային զտումներն իշխանական ճամբարում ոնց որ թե մեկնարկել են։ Շիրակի մարզպետ Աշոտ Գիզիրյանը հրաժարականի դիմում է ներկայացրել, ինչը մեկնաբանում են որպես հետևանք նրա, որ հենց Շիրակը դարձավ այն միակ մարզը, որտեղ Սերժ Սարգսյանը պաշտոնապես պարտություն կրեց։ Մարզպետը չի հերքել այս տեղեկությունները` ասելով. «Պայմանավորվենք, երբ դիմումը հրապարակվի, կիմանաք: Առայժմ ոչ մի բան չկա»: Այս մասին հաղորդում է «Առաջին լրատվականը»։

Արա, բայց ով ինչ ուզում ա ասի, հալալ ա Լֆիկին

Արա, բայց ով ինչ ուզում ա ասի, հալալ ա Լֆիկին, մեկ ա, տղեն եթե մի բան մտքին դնում ա, մինչև վերջ գնում ա, անգամ եթե սաղ ազգաբնակչությունը դեմ լինի դրան։ Փակ շուկան որոշեց, որ հերթական լֆիկնոց պետք ա սարքի, արեց, իսկ մենք, բացի ֆեյսբուքում ծլվլալուց, առանձնապես բան չարինք, որոշեց որ «Կարֆուրը» չպետք է գա Հայաստան ու ոնց որ թե էս էլ ա ստացվում մոտը, իսկ էդ համաձայնվեք քիչ բան չի, ի վերջո, 15000 խանութից բաղկացած ցանց ունեցող գիգանտին տեղի չտալը մեր օրերում...

Ամեն դեպքում, դեռ ասեկոսեների մակարդակով, բայց «Ժողովուրդ»-ը՝ հղում անելով իշխանական աղբյուրների վրա, հաղորդում է, որ Սամվել Կարապետյանը՝ Տաշիր Գրուպի սեփականատերը, կասեցրել է պայմանագիրը «Կարֆուրի» հետ, համձայն որի, վերջինիս տարածք պետք է հատկացվեր Դալմա Գարդեն Մոլում։

Վահրամ Սահակյան. Դուրս է գալիս, որ մենք անգլիացիների ու ամերիկացիների շունն ենք

Լրիվ խայտառակություն է, երբ զոռով բռնում ու միջազգային, ընդունված բառերը թարգմանում են հայերեն, իրենց ասելով, դարձնում են ՀԱՅԵՑԻ։ Դեմ չեմ, հնարավոր է, որ ինչ-որ ժամանակ մի երկու բառ ստացվել է, ասենք՝ հեռախոս, օդանավ… լավ, ասենք նաեւ՝ կայք։ «Համացանց»-ին էլ ենք համաձայն (ով հնարել է, թող նա էլ գործածի)։ Կարճ բառեր են, հնչում են ի վերջո… Բայց պրեզերվատիվին ասել ԱՊԱՀՈՎԻՉ ԽԵԺԱՊԱՊԱՆԱԿ… ներողություն, դա արդեն լրիվ խեժապահպանակություն է։ Ու նրանք չեն ալարում, նստում են, թարգմանում են ու էնպիսի բառարաններ են ստեղծում, որ կարդացողը կաթվածահար է լինում տեղում։ 

Աթոռից, պատից կամ առաստաղից բռնվեք ու կարդացեք, որովհետեւ սա բառարան չի, սա термоядерный удар ա…

«ակումուլյատոր - ուժկուտակիչ, անեկդոտ - խնդուկ, բադմինտոն - փետրագնդակ, բիգուդի - վարսափաթթուկ, բոյկոտ - նենգադուլ, բուլդոգ - ցլաշուն, դալտոնիզմ - գունակուրություն, դեբյուտ - առաջնելույթ, դելիկատես - նրբախորտիկ, դիզայն - գեղատեսք, դիսոնանս - անհամահունչություն, դեպրեսիա - ընկճախտ, էյֆորիա - բերկրաթմբիր (վայ քո, արա), էքսպրեսիոնիզմ - արտահայտչապաշտություն, իմպրովիզացիա - հանկարծաստեղծում, լեքսիկոն - բառամթերք, կասկադ - սանդղաջրվեժ, միրաժ - օդատեսիլք, նարգիլե - ջրամորճ, պարոդիա - ծաղրանմանակում, սենսացիա - ցնցադեպ… ԵՎ ԱՅԼՆ»

Պատկերացնում ե՞ք, մարդիկ խոսեն էս բառերով… Օրինակ՝ «Եթե պիտի ԲԵՐԿՐԱԹԲԻՐ-ի մեջ ընկած տափակ ԽՆԴՈՒԿ-ներ պատմեք՝ ուրեմն ես ՆԵՆԳԱԴՈՒԼ կանեմ, այսուհետ ոչ միայն ՓԵՏՐԱԳՆԴԱԿ չեմ խաղա ու ՋՐԱՄՈՐՃ չեմ ծխի, այեւ ՑԼԱՇԱՆ-ս բաց կթողնեմ ձեր վրա… Այ, էդ ժամանակ ՑՑՆՑԱԴԵՊ կլինի ու սաղդ կընկնեք ԸՆԿՃԱԽՏ-ի մեջ, որովհետեւ դուք իմ ԲԱՌԱՄԹԵՐՔ-ին ծանոթ եք»։ 

Ուշադրություն դարձրեք, որ բուլդոգը (ՑԼԱՇՈՒՆՆ, էլի) անգլերենից են թարգմանել՝ bulldog, այսինքն՝ bull - ցուլ, dog - շուն… Դուրս է գալիս, որ մենք անգլիացիների ու ամերիկացիների շունն ենք, որովհետեւ, ասենք ֆրանսիացին հանգիստ գրում է bouledogue, չի թարգմանում որպես bœuf-chien։

Ամեն բան հայացնելու միտումը (ավելի ճիշտ՝ ԲԹԱմիտումը) լեզուն դարձնում է այլանդակ, անճոռնի ու անգործածելի, երիտասարդությանն էլ դարձնում է ազգայնամոլ, դատարկապորտ ու ԼԱՓԱՌՈՇ։ Առողջ մարդը չի ասի, չէ՞ «Արա ախպեր, ամերիկացիներն էշ են ,որովհետեւ իրանք ազգություն չունեն» կամ «Ո՞վ են, ախպեր, էդ դոդ գլուխ ամերիկացիները, ֆուցըն գերմանացիները, իրանք կարա՞ն հայի հետ ոտ գցեն, ոչ պատմություն ունեն, ոչ ազգություն, երբ մենք քրիստոնեություն էինք ընդունել՝ իրանք հլը ծառներից չէին իջել»… Ասա այ ոչխարի արտաթորանք, այ օրանգուտանգի ենթաստամոքսային գեղձ, այ быдло, ախր ոչ մեկին չի հետաքրքրում քո պատմությունը, մշակույթն ու քրիստոնյա լինելը, եթե ԷՍՕՐ քո վրայից անգամ ԿՌԱՀԵԼ չի լինի դրա մասին։ Ու աշխարհում առաջին քրիստոնյա լինելը շատ լավ հասկացվում է սրանց լսած թուրքական մուղամներից, կլկլոցից ու ոռնոցից։ Մենակ իրենց ԳԵՂԱՏԵՍՔ-ն է (դիզայնը) իրենց սազական (գեղատեսք - գեղական տեսք)։

Սովորական, առողջ, բանական մարդը գիտի այս ճշմարտությունները.

«Անընդհատ իր անցյալը փորրփող, 

ժողվուրդը դատապարտված է փտման, նեխման ու մահվան, որովհետեւ չի կարելի անցյալի կղկղանքը պեղել, գտնել ու քսել ապագայի վրա»։ 

«Փառավոր անցյալից եւ վառ ապագայից խոսող մոծակը պիտանի չէ ներկայի համար»։

«Ազգությամբ հպարտացողը՝ իր ժառանգական հիվանդության համար էլ կհպարտանա»։

Բա։ Ամեն ինչ պիտի լինի հայեցի։ Այ էսպես հայեցի ապրում ենք, հայեցի էփում, հայեցի թափում, հայեցի ուտում, հայեցի հետ տալիս իրար վրա, բայց ամենալավը՝ հայեցի ձեռնաշարժությունն է ստացվում։

ՀԳ Վայ քո, արա, մոռացա հանրությանը զգուշացնեմ, որ «ՑԼԱՇԱՆԸ բաց թողնելուց հետո հացադուլ կանեմ ու էլ երբեք ՆՐԲԱԽՈՐՏԻԿՆԵՐ չեմ ուտի, к чёртовой матери»։

Նախորդ իշխանությունների սխալները

Ավելի շուտ կասեի՝ նախորդ իշխանության հանցագործությունները…

Մի քանիսը թվարկեմ.

ՀՅԴ փակումը և որ ամենակարևորը՝ ՀՅԴ թերթերի թալանը, ամբողջ գրականության ոչնչացումը:

Մութ ու խավար տարիները, երբ ԱՊԱՑՈՒՑՎԱԾ է, որ էներգետիկ ճգնաժամ չկար: Ծառ կտրող և իր սեփական հայրենիքը թալանող սերնդի դաստիարակումը: 

Արտագաղթը, որ հենց այդ պատճառով էր, մարդկանց ուղղակի դրդեցին, որ հեռանան: 

Տնտեսության քայքայումը, արդյունաբերական հիմնարկների համատարած ու անխնա թալանն ու վաճառքը: 

Անառողջ ու հիվանդ սերունդը, որ մթի ու ցրտի պատճառով ծնվում էին անոմալիաներով երեխաներ: 

Եռամսյա հավաքները, երբ հենց ավտոբուսից փախցնում, տանում էին ճակատ, առանց մարզելու և միանգամից թշնամու գնդակի տակ: 

Քաղաքական սպանություններն ու ընտրակեղծիքները: 

1996 -թվականի խայտառակ ընտրությունները, որից հետո երկրի ողնաշարը կոտրվեց: 

Լևոն Տեր-Պետրոսյանի անսկզբունքայնությունը, երբ դաշտային գեներալիտետին բերեց Երևան (քաղաքականություն): 

"ԱրմենՏելի" վաճառքը և Հայաստանի տեղեկատվական շրջափակումը, որի պատճառով այսօր գավառական հասարակություն է ձևավորված: 

Ես ժողովրդի սխալների մասին էլ կասեմ: Այս ժողովրդին իր այսօրվա վիճակը քիչ է, որովհետև այս ժողովուրդը հիշողություն չունի: Այն նույն մարդիկ, ովքեր բյուջեն էին թալանում, սոված ժողովրդին եկող օգնությունն էին թալանում, վաուչերներն էին բանվորներից թալանում, հսկա արտադրական գիգանտներ էին թալանում, այժմ իրենց սրբի տեղ դրած՝ գոռում են, որ հարկերը չե՞ն մուծվում, ու ժողովուրդը հիացած գլխով է անում: Այն նույն մարդիկ, ովքեր իրենց խանգարողներին օգնում էին, որ զենքի հետ անզգույշ վարվելու պատճառով կյանքից հեռանա (մի քանի աղմկոտ դեպքերում հենց այս ձևակերպումն է տրվել, երևի հիշողներ կլինեն), այժմ իրենց ‘’թույն’’ հումանիստների տեղ դրած` բանտարկությունների դեմ են բողոքում, ու ժողովուրդը հիացած գլխով է անում: Մի խոսքով կուսակցություններ փակելուց մինչև ամենացինիկ կեղծիքները իրականացնողները, հիմա հանկարծ արդարության ծարավ են դարձել: Այնպես որ հիշողություն չունեցող ժողովուրդը, երբեք նորմալ պետություն չի ունենա: Այս Ժողովրդի միակ ազգային հուշը եղեռնն է, էլ ի՞նչ եք ուզում:

Ազնավուրի դուստրն իսլամ է ընդունել

News.am գործակալությունը հայտնում է, որ Շարլ Ազնավուրի դուստր Կատի Ազնավուրը` ամուսնանալով մարոկացու հետ, իսլամ է ընդունել:

Աղբյուրը հաստատել է այն տեղեկությունն, որ միաժամանակ, նա նշել է, որ այդպիսի քայլն ոչ այլ ինչ է, քան բարձրագույն հանդուրժողականության եւ այլ կրոնների հանդեպ հարգանքի ցուցաբերում:

Հիշեցնենք, որ ամբողջ աշխարհում հայտնի, հայկական ծագմամբ ֆրանսիացի երգիչ Շարլ Ազնավուրը հանդիսանում է Հայաստանի դեսպանը Շվեյցարիայում եւ ՅՈւՆԵՍԿՕ-ի բարի կամքի դեսպանը:

Ինչո՞ւ այդպես աղքատացաք

Լիսկայի հարցազրույցը կարդալիս ինձ չէր լքում այն տպավորությունը, որ իրան փոքր ժամանակ գլխի վրա ուժեղ գցել են, ընդ որում, Սյունիքի ամենաբարձր ժայռից, ընդ որում, մի քանի անգամ։

Էս մեր կանանց հետ ճիշտ վերաբերմունքի մեծն մասնագետը, սյունյաց հողերը արենդով պարսկաստանին տվող նժդեհաականը, սրբապիղծ քրիստոնյան մի քանի ֆանտաստիկ մտքեր է արտահայտել, երբ լրագրողը փորձել է պարզել, թե այդ ո՞նց եղավ, որ տենց աղքատացավ ու համաձայն հայտագրի, ընդամենը աշխատավարձով ա ապրում... չէ, դուք պետք ա ինքներդ կարդաք, որ զգաք.

Պարոն Խաչատրյան, սիրտս ճմլվեց, երբ կարդացի ձեր հայտարարագիրը, փաստորեն, մի մեքենա էլ չունեք, ոտքով եք պտտում: Ինչո՞ւ այդպես աղքատացաք, երբ ով վաղ անցյալում էլ հանքեր ունեիք, էլ ինչ ասես՝ ունեիք:

-Բայց խի՞ եմ աղքատ:

Ձեր հայտարարագրում ընդամենը ձեր աշխատավարձն է ֆիքսված՝ 2 մլնի չափով:

-Չի կարող պատահել, կարողա միլիարդ ա՞ գրած:

Ամեն դեպքում, ոչ ավտոմեքենա ունեք, ոչ թանկարժեք գույք…

-Այ խի չունենք այ ցավդ տանեմ, ամեն ինչ էլ ունենք: Կարեւորը հոգին մեծ լինի: Հոգով հարուստ լինես, թե չէ մնացածը ի՞նչ…Ոնց գալիս ա, ըտենց էլ գնում ա, կարեւորը հոգով հարուստ լինես, էտ ա խնդիրը:

Դուք հոգով հարուստ եք, դրա համա՞ր հարկ չեք համարել հայտարարագրել

-Ըհը…

Բայց իրականում շատ բան ունեք չէ՞…

-Հա, բա՞, ինչ չունեմ, ամեն ինչ էլ ունեմ:

Իսկ ինչո՞ւ չեք հայտարարագրել, որ աչքով չտա՞ն:

-Լսի հիմա հաշվետվություն տալու ժամանակ չունեմ, մի օր հանգիստ կգաս Սյունիք, ամեն ինչ էլ կտենաս, ամեն ինչ էլ ցույց կտամ: Կգաս նաեւ կհիանաս Սյունիքի բնությամբ, կտեսնեն օր օրի վերականգնվող մշակութային արժեքները, շենացող շինությունները: Աստված Սյունիքում ամեն թփի տակ աղոթում է սյունեցիների համար, եկեք Աստծո աղոթքը կլսեք:

Ասացիք շատ բաներ ունեք, փաստորեն հարկերից եք խուսափում եւ չեք ֆիքսում ձեր իրական ունեցվածքը:

Բա, ես էդ մա՞րդն եմ, որ որեւիցե մեկից խուսափեմ, ես ոչ մեկից չեմ խուսափում:

Ալարե՞լ եք գրել:

-Դե ժամանակ չի եղել:

Տո ո՞նց չասես էսքանից հետո, որ դու եթե ուղեղի ծալերի սուր պակաս ես զգում ու բթամիտ-ռամիկական ագրեսիայի ու անմակարդակության ավելցուկ, քեզ մեծ հոգին ո՞րտեղից։ Համ էլ, ասում են հոգի ունեն միայն մարդիկ...

Մեկ էլ հատկապես «դզեց» Լիսկայի հայատարարությունը, որ Սյունիքի ամեն թփի տակ Աստված աղոթում է սյունեցիների համար, իսկ մենք՝ նվաստներս չենք լսում թփատակային այդ աղոթքենրը...

Էհ, մի հատ ժամանակի մեքենան ի՞նչ ա, որ չունենք... մի 3 օրով սաղ Հայաստանը տանեինք 37 թիվ, էս տմարդներին 3 օրում սաղին կգյուլլեին, մաքրված հետ կգայինք։

ՍԱ ԱԶԳԱՅԻՆ ՏԵՌՈՌ Է.....

Զարմանում եմ, որ Հայաստանի Գրողների Միությունը, Ակադեմյան, Բուհերի մտավորականությունը ու ականավոր հայեր, որոնք վկայել են այս գոնե տաս տարվա թալանը, արտագախտը, ժողովրդի աղքատությունը ու թշվառությունը, լռակյաց, աչք փակելով , հանդուրժելով, լուռ մասնակցել Հայաստանի ոչնչացման ու ազգային աղետի չափանիշների հասնելուն...ՈՒ ՉԵՆ ԲՈՂՈՔԵԼ ԻՇԽԱՆՈՒԹՅԱՆԸ, ՉԵՆ ՊԱՀԱՆՋԵԼ ԻՇԽԱՆՈՒԹՅԱՆ ՀՐԱԺԱՐԱԿԱՆԸ, ՉԵՆ ՀՐԱՏԱՐԱԿԵԼ ՈՒ ԽԱՅՏԱՌԱԿԵԼ ԱՇԽԱՐՀՈՎ ՍԵՓԱԿԱՆ ԻՇԽԱՆՈՒԹՅԱՆ, ՕԼԻԳԱՐԽՆԵՐԻ ՀԵՏ հսկա չափանիշների հասնող թալանը.... Հայաստանի լավագույն մտավորականները տարիներով , գրոշներով յոլա են գնացել, ու լռել....ՍԱ ԱԶԳԱՅԻՆ ՏԵՌՈՌ Է...

Նեմեցի ճչուն ագահության պատճառով մեր հավաքականը զրկվեց հոյակապ խաղացողից

Նեմեցի ճչուն ագահության պատճառով մեր հավաքականը զրկվեց հոյակապ խաղացողից ու ասենք ամենակատաղացնողը էս հարցում՝ էն մելչնիկությունն ա, որ դրսևորվել ա։ Ուրեմն, մենք մի հատ հայրենակից ունենք Ուրուգվայում՝ Մաուրո Գևգեոզյան, ով շատ հեռանկարային ֆուտբոլիստ է։ ՀՖՖ-ն հրավիրել է նրան մասնակցելու Հայաստան-Լյուքսսեմբուրգ ընկերական խաղին՝ մեր հավաքականի կազմում։ Մաուրոն համաձայնվել էր, միայն թե մեկ նախապայմանով՝ ՀՖՖ-ն պետք է գներ ինքնաթիռի բիզնես կլասսի տոմս, որովհետև Մաուրոն մոտ 20 ժամ պետք է թռներ դեպի նշանակության վայր ու ընդամենը մեկ օր էր ունենալու հանգստանալու համար։

Նեմեց դու Նեմեց, երևում ա մտածել էր, որ էդ մ 2 հազար դոլարը ավել տալուց ինքը կսննկանա ու էկոնոմ դասի տոմս էին ուղղարկել էս տղուն։ Մաուրոն էլ վիրավորվել էր նման վերաբերմունքից ու ճիշտ էլ արել էր, նշելով, որ երևում ա, որ ՀՖՖ-ն էդքան էլ չի գնահատում նրան ու չի ուզում տեսնել հավաքականի կազմում, ուստի նա հրաժարվում է մասնակցել խաղին, իսկ հավաքականին մաղթում է միայն հաղթանակներ։

Տո ասա այ Նեմեց, այ անաստված, մենակ Հարսնաքար սպանդանոցդ մի օրվա մեջ ա քեզ էդքան փող բերում, ո՞նց կարելի ա տենց մանր ու անմակարդակ մարդ լինել էդքան միլլիոնների մեջ...

Օրենքով գող Վրաստանում չպետք է լինի

Արա, էս մարդուն մեռնելուց հետո էլ հանգիստ չեն թողում... Վրաստանի օդանավակայանը հրաժարվել է ընդունել Դեդ Հասանի մարմինը ուստի թաղման թափորը շրջվել է ու ստիպված հետ է գնացել։ Հավանաբար Ուսոյանին կհուղարակավորեն Մոսկվայում։

Բայց մեր մեջ ասած, հալալ ա Վրաստանի իշխանություններին, իրանք ցույց տվեցին, որ հետևողական են գոնե որոշ իրենց որոշումներում ու եթե ասել են, որ օրենքով գող Վրաստանում չպետք է լինի, ուրեմն չի լինելու։ Բոլորս էլ հասկանում ենք, որ եթե թույլատրեին Ուսոյանին թաղել Թբիլիսիում, ապա այդ թաղման օրը Թիֆլիսում գողերն ավելի շատ կլինեին, քան չկրտած շները, ինչը բնականաբար ցանկալի չէր վրացիների համար։

Աշոտ Մանուչարյանը` Դեդ Հասանի մասին

Այսօր լրագրողների հետ հանդիպմանը «Ղարաբաղ» կոմիտեի անդամ Աշոտ Մանուչարյանը խոսեց ղարաբաղյան շարժման տարիներին իր ձերբակալման և Մոսկվայի հայտնի «Բուտիրկա» բանտում ռուսական կրիմինալ աշխարհի ներկայացուցիչների հետ ունեցած իր շփման մասին:

Մանուչարյանն ասաց, որ, ըստ ռուսական կրիմինալ գաղափարախոսության, Աստված աշխարհը ստեղծել է երեք կատեգորիայի մարդկանցից' ժողովրդական զանգված, որին ռուսներն անվանում են «быдло», այսինքն' լծկան եզ, պետական չինովնիկներ, օլիգարխներ, որոնք մտնում են, այսպես կոչված, «լոխերի» կատեգորիայի մեջ, և բանտում գտնվող մարդիկ' ավազակներ, մարդասպաններ և այլն: Նրա խոսքերով' քրեական կրիմինալը «ղայդին» տղերք են և համեմատելի չեն այսօրվա օլիգարխների հետ:

Լրագրողի հարցին' երեկ Մոսկվայում սպանված հայտնի «օրենքով գող» Դեդ Հասանը մտնում էր այդ «ղայդին» տղաների՞, թե՞ «լոխերի» կատեգորիայի մեջ, Աշոտ Մանուչարյանը պատասխանեց.

«Հասանի մասին կարող եմ ասել հետևյալը. ես Ռուսաստանում ունեմ մի խորը մտավորական, փիլիսոփա բարեկամ, ազգությամբ ռուս է, ով այսօրվա Ռուսաստանի հիմնական գաղափարախոսներից մեկն է: Մոտ մեկ տարի առաջ դիմեցի նրան մի հարցով, որ նա ռուսական կողմից, իսկ մենք' այստեղից, մի շատ կարևոր ծրագիր իրականացնենք: Նա պատասխանել էր այդ իմ ընկերոջը, որ «հոյակապ նախագիծ է, բայց ինձնից ի՞նչ եք պահանջում»: Իսկ նա այդ պահին համարվում էր Կրեմլի հիմնական գաղափարախոսը:

Մենք նրան խնդրեցինք, որ այնտեղ զբաղվի լոբբինգով: Սակայն նա պատասխանեց. «Լսեք, տղաներ, ես Մոսկայի պետական համալսարանի պրոֆեսոր եմ, կարող եմ քննարկում կազմակերպել, հոդվածներ գրել, տպել և այլն, իսկ եթե հարց ունեք, ձեր հայերից այնտեղ Դեդ Հասան կա, հա´մ մաֆիոզ ա, հա´մ էլ ահագին փող ունի: Այնպես որ,-ասաց նա,-Կրեմլում նման մարդիկ են կարողանում հարց լուծել»: Ես ներկայացրեցի կատեգորիաները, որոնցով Ռուսաստանն առաջնորդվում էր անցյալում և այսօր»:

Սպանված լրագրողի երեխաների ճակատագիրն անհայտ է

Սպանված լրագրող Իրինա Կաբանովայի երեխաները շարունակում են մնալ մանկական հիվանդանոցում: Սակայն հայտնի է, որ առաջիկայում մեծ որդուն կխնամակալի երեխայի հարազատ հայրը: Մնացած փոքրիկների հարցը չլուծված է:

Երեխաների իրավապաշտպանը հաղորդել է, որ մեկ-երկու շաբաթվա ընթացքում մեծ երեխային կվերցնի հայրը, ով ապրում է Մոսկվայում: Իսկ մյուս երկու երեխայի հարցով պատասխանատու մարմինները խոստացել են զբաղվել:

Հետաքննությունը պարզ է դարձրել, որ հունվարի 2-ի լույս 3-ի գիշերն Ալեքսեյ Կաբանովը վիճել է կնոջ հետ: Վեճի ընթացքում նա խեղդել է կնոջը, ապա հարվածել դանակով: Մահացած կնոջ մարմինը նա թաքցրել է լոգասենյակում: Հետո նա կնոջ մարմինը մասնատել է և փաթեթավորել պայուսակի մեջ' դնելով այն պատշգամբում: Միայն հունվարի 6-ին (կամ 7-ին) նա դուրս է բերել մեկ տոպրակը և նետել այն հարևան բակի աղբարկղի կոնտեյների մեջ: Հունվարի 10-ին Կաբանովը հանդիպել է իր ծանոթնորից մեկի հետ, ով եկել էր նրան աջակցելու (քանի որ վստահ էր, որ կինն անհետացել է):

Կաբանովը կնոջից իր մեքենան է խնդրել. նա ծրագրում էր մեքենայով դուրս տանել կնոջ մարմնի մնացած մասերը, բայց չի հասցրել... Հունվարի 11-ի երեկոյան գործակալները հետախուզել են նախ ընտանիքի բնակարանը, ապա մեքենան, որտեղ և հայտնաբերել են սպանված կնոջ մարմնի մնացած հատվածի պայուսակը: Դրանից հետո Կաբանովն այլևս չի հերքել իր մեղքը և ցույց է տվել այն տեղը, որտեղ թաքցրել է կնոջ անձնագիրն ու բջջայինը: Ձերբակալումից և հարցաքննությունից հետո Կաբանովը ցուցմունք է տվել:

BBC-ի նախկին հաղորդավարը կես դար բռնաբարել է անչափահասների. Սքոթլանդ Յարդ

Բրիտանիայի ոստիկանության զեկույցում հայտնվել է, որ BBC կորպորացիայի նախկին հաղորդավար Ջիմի Սևիլը ավելի քան 200 հանցագործություն է գործել, հայտնում է ИТАР-ТААС-ը: Նա մեղադրվում է մանկապղծության ու այլ խախտումների մեջ:

Սևիլը, աշխատելով BBC-ում , ինչպես նաև «բարեգործական նկատառումներով» 57 բժշկական հաստատություններում, կատարել է ավելի քան 217 քրեորեն պատժելի հանցագործություններ ու մնացել է անպատիժ, ինչն աննախադեպ երևույթ է:

Նա սկսել է «գործունեություն» ծավալել 1955 թ-ից մինչև 2009 թ-ը, այսինքն վերջին մեղագործությունը գործել է մահվանից 2 տարի առաջ` 84 տարեկան հասակում: 

Այս գործով հետաքննությունը սկսվել է 3 ամիս առաջ միայն ու հոկտեմբեր ամսից սկսած, ոստիկանություն են դիմել ավելի քան 450 տուժվածներ:

Վերջերս, ITV հեռուստաալիքը «Ջիմի Սևիլի հակառակ կողմը» վերնագրով վավերագրական ֆիլմ նկարահանեց, որտեղ հաստատվում էր, որ նրա զոհերը եղել են մանկահասակ աղջիկներ ու անգամ տղաներ:

Այս գործով կասկածվում են նաև նրա համագործակիցները` ռոք երաժիշտ Հարի Հիտլերն ու կատակերգու Ֆրեդի Սթարը:

Եղբայրը բռնաբարել է քրոջը

Տասնամյա աղջիկը երեխա է ունեցել. հայրն աղջկա հարազատ եղբայրն է:

Արգենտինայի հյուսիս-արևելքում տասնամյա աղջիկը երեխա է ունեցել: Երեխան ծնվել է հղիության իններորդ ամսում կեսարյան հատման շնորհիվ: Այս մասին հայտնում են տեղական ԶԼՄ-ները: Աղջնակին կնքել են Տատյանա անունով: Երեխայի քաշը 2կգ. 420 գրամ է եղել, իսկ հասակը` 45 սմ: Բժիշկների հավաստմամբ թե' մոր, թե' աղջնակի վիճակը կայուն է եղել: Իրականացված հետաքննությունը պարզել է, որ աղջկան բռնաբարել է 16-ամյա եղբայրը: Վերջինս կալանավորված է:

Նշենք, որ ամենաերիտասարդ ծննդկանի համաշխարհային ռեկորդը սահմանվել է 1939 թվականին: Ռեկորդակիրը Լինա Մեդինան է Պերուից, ով ծնել է 5 տարեկանում:

Ո՞վ է Ժաննա Ֆրիսկեի երեխայի հայրը

38-ամյա ռուս երգչուհի Ժաննա Ֆրիսկեն անցյալ տարվա վերջին մեկնել է Մայամի, որպեսզի այնտեղ լույս աշխարհ բերի իր առաջնեկին: Մինչ Ժաննայի մեկնելը՝դեկտեմբերի սկզբին, Դմիտրի Մալիկովը պատմել էր, որ իրենք պատրաստվում են միասին հանդես գալ դուետով: «Բայց հետո նա ինձ ասաց, որ գտնվում է հղիության 5-րդ ամսում, և պետք է հետաձգել ձայնագրության գործը»,- դեկտեմբերի սկզբին հայտարարել էր Մալիկովը:

«Блестящие» խմբի նախկին մենակատարի երեխայի հայրը հեռուստահաղորդավար Դմիտրի Շեպելևն է:

Ի՞նչ են ծխում մեր թեկնածուները, որ մոտները սենց գլյուկեր ա լինում

Ինձ համար ամենաակտուալ հարցը՝ կապված նախագահական ընտրությունների հետ, կայանում է նրանում, թե ի՞նչ են ծխում մեր թեկնածուները, որ մոտները սենց գլյուկեր ա լինում։ Օրինակ, վերցնենք քաղաքական դաշտի նորահայտ գիգանտ ու նախագահացու «Քաշաթաղ» ՀԿ նախագահ Ռոբերտ Սիմոնյանի մտքի մարգարիտը.

... Սահմանադրության մեջ հստակ ասվում է, որ Հայաստանի նախագահ կարող է ընտրվել 35 տարին լրացած, վերջին տասը տարում Հայաստանի Հանրապետության քաղաքացի հանդիսացող, մշտապես բնակվող և ընտրական իրավունք ունեցող յուրաքանչյուր ոք, ապա էլ ինչո՞ւմն է խնդիրը, ի՞նչ 8 միլիոն ընտրագրավի մասին է խոսքը...

Էհ պարոն Սիմոնյան ջան, որ 8 միլլիոն դրամի պարագայում են էսքան ծաղրածուներ հավաքվել, բա որ դա՞ էլ չլիներ, պատկերացնո՞ւմ եք, թե ի՞նչ կլիներ։ Այդ ժամանակ, մեզ մոտ առանց այն էլ վատ ընտրությունները կվերածվեին բրազիլական կառնավալի, որովհետև Ձեր տրամաբանության համաձայն, հանգիստ կկարողանային առաջադրել Աղի Հանքի գժեր, կայարանի բոմժեր և այլք։

Հետո, սահամանադրությունը հիմքն ա, իսկ գրավի պահը ոչ մի կերպ դուրս չի գալիս այդ հիմքի տիրույթից։ Վերցրեք ցանկացած երկիր, որտեղ գործում է ներկայացուցչական համակարգ ու ցույց տվեք, թե որտե՞ղ է սահամանադրությամբ ակնարկվում ընտրագրավի պահը։

Նյու Յորքի թերթերից մեկը հրապարակել է զենք ունեցող բնակիչների հասցեները

Նյու Յորքի The Journal News թերթն իր կայքում հրապարակել է զենք ունեցող բնակիչների անուններն ու բնակավայրերի հասցեները։ Վեսթչեսթեր և Ռոքլենդ շրջանների հարյուրավոր բնակիչներ ցնցված էին՝ գտնելով իրենց անունն այդ ցուցակում, հայտնում է Правда-ն՝ վկայակոչելով ABC News-ին։

Իմանալու համար տարածքում զենք ունեցող կա, թե ոչ՝ բավական է շրջանի քարտեզի ցանկացած կետում նշում կատարել։

Հոդվածի վերաբերյալ եղել է ավելի քան 500 մեկնաբանություն, որոնք հիմնականում քննադատել են կայքին՝ անձնական տեղեկություններ հրապարակելու համար։ Բոլոր անուններն ու հասցեները ստացվել են բաց աղբյուրներից։

Ամսագրի խմբագրությունը հայտնել է, որ իր ընթերցողներին «հետաքրքիր կլինի իմանալ, թե իրենց հարևաններից ով ունի զենք»։

Պոռնոաստղը սպառնում է իտալացի ֆուտբոլիստներին

Իտալական ֆուտբոլում հասունանում է հերթական սեքս-սկանդալը:

Հանրահայտ պոռնոաստղ Լեա դի Լեոն պատրաստվում է գիրք հրատարակել, որում ցանկանում է բացահայտել իր հետ երբևէ կապ ունեցած ֆուտբոլիստների սեքսուալ գաղտնիքներն ու նախասիրությունները: Հայտնի է, որ սկանդալի կիզակետում կարող են հայտնվել Ինձագին, Լուկա Տոնին, Մասիմո Ամբրոզինին, Յակվինտան, Գալանտեն: Լեա դի Լեոն հայտարարել է, որ ցուցակը շատ մեծ է:

Տեղեկատվություն է հայտնվել այն մասին, որ պոռնոաստղը շանտաժի է ենթարկում ֆուտբոլիստներին՝ պահանջելով 10.000-40.000 եվրո: